མཚོ་འཁྱིལ་ཡུལ་ཚོས་ཕྱུགས་ལས་ལ་བརྟེན་ནས་ཕྱུག་ཐོག་ལ་བུད
发布时间：2024年04月01日
消息来源：
རྩོམ་སྒྲིག་པ། འཇམ་དབྱངས་མགོན་པོ། ཡོང་ཁུངས། རྐང་ཚའི་སྲིད་དོན་དྲ་བ། བཤེར་འབེབས། ཚེ་བརྟན་བཀྲ་ཤིས།
“དེ་རིང་། ཡུལ་ཚོ་དང་སྡེ་བ་རིམ་པ་གཉིས་ཀྱི་འབྲེལ་གཏུག་བྱ་ཡུལ་མཚོ་སྔོན་ཞིང་ཁའི་མེ་ཏོག་ཕྱུགས་ལས་ཚད་ཡོད་སྤྱི་གཉེར་ཁང་གི་འགན་འཁུར་བ་ང་ཚོའི་སྒོ་ཁར་ཡོང་ནས་སྡེ་བའི་ལུ་གུ་དག་ཉོས་ཤིང་བོད་ལུག་བལ་དཀར་བཤས་གཏོང་དུས་ཡུན་འགོར་བ་དང་བཤས་གཏོང་དཀའ་བའི་གནད་དོན་ཐག་གཅོད་བྱས་པ་དེ་ནི་ང་ཚོའི་གསོ་སྤེལ་ཁྱིམ་ཚང་ལ་རོགས་རམ་ཆེན་པོ་བྱས་པ་རེད”ཅེས་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་མཚོ་འཁྱིལ་ཡུལ་ཚོའི་ཉིན་ཞ་སྡེ་བའི་ཏང་ཀྲི་པུའུ་ཧྲུའུ་ཅི་ཀུན་བྱམས་ཚེ་རིང་གིས་དེ་ལྟར་བཤད།
ཞོགས་པར། གསོ་སྤེལ་མཁན་དཔའ་ཆེན་གྱིས་བོད་ལུག་ཟོག་འདྲེན་རླངས་འཁོར་བཀང་དྲུད་ནས་ཕྱིར་འཚོང་བྱ་ཡུལ་ལ་བསྐྱོད་པ་དང་། ཉིན་ཕྱེད་ཙམ་མ་འགོར་བར་ཟོག་འདྲེན་རླངས་འཁོར་ནང་གི་བོད་ལུག49ཡོད་པ་ཚང་མ་རྩིས་བརྒྱབས་ནས་བཙོངས་ཚར། “བསམ་ཡུལ་ལས་འདས་པ་ཞིག་ལ་ཡུལ་ཚོ་དང་སྡེ་བའི་སྐུལ་འདེད་བྱས་པ་བརྒྱུད་ཐེངས་འདིའི་ལུ་གུ་ཕྱིར་འཚོང་གི་རིན་གོང་ཁྲོམ་རའི་རིན་གོང་ལས་མཐོ་བ་དང་བཤས་གཏོང་ཚད་ཀྱང་མང་དུ་ཕྱིན་ཡོད་པས་ང་ཚོའི་མིག་སྔའི་དཀའ་གནད་དེ་ཐག་གཅོད་ཐུབ་སོང”ཞེས་ནད་ཡམས་ཞིབ་བཤེར་གྱི་འགྲོ་ལུགས་གཉེར་བཞིན་པའི་གསོ་སྤེལ་མཁན་དཔའ་ཆེན་གྱིས་དེ་ལྟར་བཤད།
རྒྱུས་ལོན་པ་ལྟར་ན། ཐེངས་འདིར་ཉིན་ཞ་སྡེ་བའི་སྐྱེ་ཁམས་ཕྱུགས་ལས་མཉམ་ལས་ཁང་གིས་ལུ་གུ་སྤྱི་རྒྱ14ནས18བར་གྱི་སྤུས་ལེགས་ལུ་གུ860ལྷག་ཙམ་གཅིག་སྡུད་ཐོག་བཤས་རར་བཏང་ནས་གསོ་སྤེལ་ཁྱིམ་ཚང8ལ་ཕན་ཐོག་པ་དང་ཡོང་འབབ་སྒོར་ཁྲི49ཟིན། མིག་སྔར་ཉིན་ཞ་སྡེ་བས་དུས་ཚིགས་ལྡོག་པའི་ཕྱིར་ཚོང་ལ་བརྟེན་ནས་ལུ་གུའི་དཔལ་འབྱོར་འཕེལ་རྒྱས་བཏང་ཞིང་རིམ་རྩིས་བྱས་ན་ལུ་གུ4070བཤས་གཏོང་བྱས། ད་ལྟ་གསོ་སྤེལ་རྟེན་གཞི་རྒྱུན་ཆད་མེད་པར་རྒྱ་ཆེར་འགྲོ་བ་དང་། ནུས་ལྡན་གྱི་ཐོན་ལས་རོགས་སྐྱོར་སྲིད་ཇུས་དང་ཉིན་བཞིན་འཐུས་ཚང་དུ་འགྲོ་བའི་ཐོན་ལས་འབྲེལ་ཐག་རེ་རེ་བཅས་ལ་བརྟེན་ནས་ཉིན་ཞ་སྡེ་བར་འཁྲུག་ཆ་དོད་པའི“ལུག་གི་ཐོན་ལས”དེ་མྱུར་བགྲོད་ལམ་བུའི་ཐོག་གོམ་སྟབས་ཆེན་པོས་བསྐྱོད་དེ་ལུག་གི་ཐོན་ལས་སྤུས་ཚད་མཐོ་བའི་ངང་འཕེལ་རྒྱས་དངོས་འབྲེལ་ཡོང་བར་བྱས་ནས་རྩྭ་ཐང་སྔོ་ལྗང་ཅན་དང་འབྲོག་པར་འབབ་འཕར་ཡོང་བར་བྱས་པ་མ་ཟད། བོད་ལུག་གི་སྙན་གྲགས་དང་སྤུས་རྟགས་ཀྱང་ཕྱི་རུ་སྐྱོད།
ཉེ་བའི་ལོ་ཤས་རིང་། མཚོ་འཁྱིལ་ཡུལ་ཚོས་ཞིང་ཆེན་ཡོངས་སུ་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གཏོད་རྒྱུ་གོ་སྐབས་སུ་བྱས་ནས“ཉིན་ཞ་སྡེ་བའི་ནུས་ཆེའི་གསོ་སྤེལ་ལག་རྩལ”མུ་མཐུད་ཁྱབ་གདལ་བཏང་བར་མ་ཟད། ཡུལ་ཚོ་ཡོངས་ཀྱིས“རྩྭ་ཕྱུགས་དོ་སྙོམས”ཀྱི་བྱ་བ་སྤེལ་རྒྱུར་དཔེ་སྟོན་དང་སྐུལ་ཁྲིད་ཀྱང་བྱས། གསོ་སྤེལ་ལས་རིགས་འཕེལ་རྒྱས་ཤུགས་ཆེན་བཏང་ནས་མང་ཚོགས་ལ་ཁྲིད་སྟོན་བྱས་ཏེ་ཕྱུགས་ཁྱུའི་རྒྱུ་བ་ལེགས་སྒྱུར་དང་། ནོར་ལུག་བཤས་གཏོང་ཇེ་མགྱོགས་སུ་གཏོང་བ། ཐོན་ལས་སྦྲེལ་ཐག་སྣུར་སྲིང་སོགས་ཀྱི་བྱ་ཐབས་བརྒྱུད་རྩྭ་ཐང་ཕྱུགས་ལས་སྤུས་ཚད་མཐོ་བའི་ངང་གོང་འཕེལ་འགྲོ་རྒྱུར་སྐུལ་འདེད་བཏང་སྟེ་མང་ཚོགས་ཀྱིས་སྐྱེ་ཁམས་སྲུང་སྐྱོབ་བྱེད་པར་ཡོང་འབབ་ཉུང་དུ་མི་འགྲོ་བའི་འགན་ལེན་བྱས་ཏེ་ཕན་འབྲས་ཆེ་བ་དང་། ལྗང་མདོག་ལེགས་བསྡུས་ཞིབ་གཉེར་ཅན་གྱི་གསོ་སྤེལ་ལ་བརྟེན་ནས་ཡོང་འབབ་མང་དུ་བཏང་འདུག
