ཡུས་ཧྲུའུ་ཁུལ་གྱི་རོང་པོ་བརླན་སར་ཆུ་སྣ་འཛོམས་ཤིང་འདབ་ཆགས་མང་པོ་འདུས།

རྩོམ་སྒྲིག་པ། ཚེ་གཟུངས་སྐྱིད། ཡོང་ཁུངས། ཀྲུང་གོ་བོད་ཀྱི་དྲ་བ།  བཤེར་འབེབས། ཚེ་བརྟན་བཀྲ་ཤིས། 

ཡུས་ཧྲུའུ་བོད་རིགས་རང་སྐྱོང་ཁུལ་ཡུས་ཧྲུའུ་གྲོང་ཁྱེར་དུ་གནས་པའི་རོང་པོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་ནི་གཙང་གསུམ་འབྱུང་ཡུལ་དབུས་ཁུལ་གྱི་བརླན་ས་གལ་ཆེན་ཞིག་ཡིན་ལ།འདབ་ཆགས་གནས་སྤོའི་བྱ་ཡུལ་གལ་ཆེན་ཞིག་ཀྱང་ཡིན། ཟླ6པའི་ཚེས4ཉིན་གྱི་ཕྱི་དྲོར། གསར་འགོད་པས་རོང་པོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་ཆུ་སྣ་འཛོམས་པའི་བརླན་སའི་ཁྲོད་དུ་ཁྲུང་ཁྲུང་སྐེ་ནག་དང་ཁྲུང་ཁྲུང་མགོ་ཁྲ་འཆམ་འཆམ་དང་འཕུར་ལྡིང་བྱེད་བཞིན་པ་མཐོང་། སྲུང་སྐྱོང་ཁུལ་དོ་དམ་ས་ཚིགས་ཀྱི་འགན་འཁུར་པ་པ་སང་ཚེ་རིང་གིས་ངོ་སྤྲོད་བྱས་པ་ལྟར་ན། ཟླ5བའི་ཟླ་མཇུག་བར་བསྡོམས་པས་འདབ་ཆགས་རིགས37ལ་ལྟ་ཞིབ་ཚད་ལེན་བྱས་ཏེ་ཟིན་ཐོར་བཀོད་པ་དང་། དེའི་ཁྲོད་ཁྲུང་ཁྲུང་སྐེ་ནག94ཡོད། ཁྲུང་ཁྲུང་སྐེ་ནག་ཆ21གིས་སྒོ་ང་རུམ་བཞིན་ཡོད། ཁྲུང་ཁྲུང་མགོ་ཁྲ5626ཟིན་ཐོར་བཀོད། །