ཤ་བོ་སྐྱབས་ཀྱིས“རབ་མཛེས་མཚོ་སྔོན་སྐོར་བའི་ལྕགས་རྟ་འགྲན་སྡུར”གྱི་མདའ་བཞིའི་འགྲན་མཚམས་ཀྱི་གྲ་སྒྲིག་གནས་ཚུལ་ལ་ལྟ་སྐུལ་མཛུབ་ཁྲིད་བྱས་ནས་འཐབ་ཕྱོགས་དང་པོའི་ལས་བཟོ་པར་འཚམས་འདྲི་གནང་།
རྩོམ་སྒྲིག་པ། ཚེ་གཟུངས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།
ཟླ7པའི་ཚེས12ཉིན་ཏེ་གཟའ་སྤེན་པར། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་མཚོ་སྔོན་པོའི་བྱང་ངོགས་ཀྱི་མདའ་བཞིའི་བྱེ་མ་གསེར་ལྡན་དང་སྨོན་ལམ་མཐོན་པོའི་སྒར་ཕྱིའི་རྟེན་གཞིར“རབ་མཛེས་མཚོ་སྔོན་སྐོར་བའི་ལྕགས་རྟ་འགྲན་སྡུར”གྱི་ལས་འགན་སྐོར་ཞིབ་དང་དྲིལ་སྒྲོག་འཕྲིན་སྤེལ་སོགས་ཀྱི་གཙོ་གནད་བྱ་བར་ལྟ་སྐུལ་མཛུབ་ཁྲིད་བྱས་པ་དང་། ཡུལ་དངོས་ནས་སྐྱ་དམག་དང་འབྲོག་པའི་རྟ་བའི་རུ་ཁག་གི་གྲ་སྒྲིག་གནས་ཚུལ་ལ་རྒྱུས་ལོན་དང་། ལས་འགན་སྒྲུབ་བཞིན་པའི་སྤྱི་བདེ་ཉེན་རྟོག་པ་དང་དང་བླངས་པ། དེ་བཞིན་བདེ་སྲུང་ལས་སྲུང་ལས་བཟོ་བར་འཚམས་འདྲི་གནང་།
དུས་ཡུན་དེའི་རིང་སྨོན་ལམ་མཐོན་པོའི་དམག་དཔོན་གདུང་དུ་ཤ་བོ་སྐྱབས་ཀྱིས་རི་རྩེ་ནས་ཝ་མདོ་ཉག་གའི་བར་གྱི་གཞུང་ལམ་འཛུགས་སྐྲུན་གྱི་མྱུར་ཚད་ལ་ལྟ་སྐུལ་མཛུབ་ཁྲིད་བྱས་པ་དང་ལམ་རྒྱུད་ཀྱི་རླངས་འཁོར་འཇོག་ས་དང་སྤེན་དཀར་མེ་ཏོག་ལ་ལྟ་བའི་སྟེགས་བུ་སོགས་ཀྱི་འཛུགས་སྐྲུན་ས་གནས་ལ་ལྟ་ཞིབ་བྱས། གསེར་དངུལ་ཐང་བོད་ཁྱིམ་ཡུལ་སྲོལ་གླིང་དུ་ཡུལ་དངོས་ནས་བེད་མེད་རྒྱུ་ནོར་བསྐྱར་གསོ་བེད་སྤྱོད་བྱ་བར་ལྟ་སྐུལ་བྱས་པ་དང་། བཟའ་བཏུང་ཁུལ་དང་ཞག་སྡོད་ཁུལ་གྱི་ཉམས་གསོ་སྒྱུར་བཀོད་བྱ་བའི་མྱུར་ཚད་ལ་ལྟ་ཞིབ་བྱས་ཏེ་ཟླ7པའི་ཚེས15ཉིན་སྒོ་ཕྱེ་ནས་ཚོང་གཉེར་བྱེད་དགོས་པའི་བླང་བྱ་བཏོན། མདའ་བཞི་རྫོང་ཝ་མགྱོགས་སུ་གསེར་ཉ་ཡར་འགྲོའི་གནས་ཚུལ་ལ་ཡུལ་དངོས་ནས་ལྟ་ཞིབ་བྱས།
ཁུལ་གྱི་མགོ་ཁྲིད་སངས་རྒྱས་དང་མ་རུའུ་ཞང་། ཧན་ཧྲི་བཅས་ཞུགས།