“ནགས་ཁུལ་དུ་ཁྱོན་བསྡོམས་ལུང་པ18ཡོད་པ་དང་སྲུང་སྐྱོང་གི་ཐོག་མའི་དུས་སུ་ལུང་པ་གཅིག་ལ་སྐོར་སྲུང་བྱེད་པར་གཟའ་འཁོར་གཅིག་དགོས་པ་དང་འགའ་ཤས་ལ་ཟླ་ཕྱེད་དགོས། ཕྱིས་སུ་མེ་འགོག་བགྲོད་ལམ་ལས་པ་དང་བསྟུན་ནས་ལྕགས་རྟའམ་ཡང་ན་འཕྲུལ་རྟར་བཞོན་ནས་སྐོར་སྲུང་བྱས་པས། མང་ཚོགས་རིམ་བཞིན་དེའི་ནང་ཞུགས་ནས་ད་སྐབས་མི་མེད་གནམ་གྲུའི་རྒྱང་བསྟེན་དང་ཁྱབ་ཁོངས་ཆེན་པོའི་སྐོར་སྲུང་མངོན་འགྱུར་བྱུང་ཡོད”ཅེས་ཐའོ་ཡུང་མིང་གིས་གསོང་བོར་བཤད།

དོན་དངོས་ཐོག་སྨར་ཁོག་ཆུ་བོའི་ནགས་ཁུལ་གྱི་བདག་སྐྱོང་ལས་འགན་དཀའ་ཚེགས་ཆེ་བ་དང་། ལྷག་པར་མཚོ་སྔོན་དང་སི་ཁྲོན་གྱི་ས་མཚམས་འབྲེལ་ཁུལ་ཞིག་ཡིན་པའི་ངོས་ནས། འགྲོ་འོང་བྱེད་པའི་རླངས་འཁོར་ལ་ཞིབ་བཤེར་བྱ་རྒྱུ་དེའང་གཙོ་གནད་ཅིག་རེད། ཐའོ་ཡུང་མིང་གིས་གསར་འགོད་པར“བདག་སྐྱོང་དེ་བས་ལེགས་པོ་ཡོང་ཆེད།སྐྱེ་ཁམས་བདག་སྐྱོང་ས་ཚིགས་ཕུད་པའི་ནགས་ལས་སྡེ་ཚན་གྱི་ཁྱབ་ཚུལ་གཞིར་བཟུང་ནས། ལུང་མདོ་གལ་ཆེན15རུ་སྟབས་བདེའི་སྐོར་སྲུང་ས་ཚིགས་བཙུགས་ནས་དུས་ཚོད24རིང་གི་ལས་རེས་ལམ་ལུགས་ལག་བསྟར་བྱེད་ཀྱིན་ཡོད”ཅེས་བཤད།

“མིག་སྔར་ང་ཚོས་ཀྱང་ནགས་བརྟེན་ཐོན་ལས་གསོ་སྐྱོང་བྱེད་བཞིན་ཡོད།ལས་ཀ་པ་ཚང་མ་ས་གནས་དེ་གའི་མང་ཚོགས་ཡིན་པ་དང་། ངལ་རྩོལ་གླ་ཆ་སྒོར་ཁྲི11.8ལ་བུད་ཡོད། ”ཐའོ་ཡུང་མིང་གིས་བཤད་རྒྱུར། ཉེ་བའི་ལོ་བཅུའི་ནང་སྐྱེ་ཁམས་བདག་སྐྱོང་དང་།མིས་བཟོས་ནགས་སྐྲུན།ཤིང་མྱུག་གསོ་སྐྱོང་སོགས་བྱས་པ་བརྒྱུད། མང་ཚོགས་ལ་བསྡོམས་པས་ཡོང་འབབ་སྒོར་ཁྲི6000ལྷག་བསྐྲུན་པ་དང་། མང་ཚོགས་ཞུགས་པ་དང་མང་ཚོགས་ལ་ཁེ་ཕན་ཐོབ་པའི་ནགས་ལས་དམངས་ཕན་བྱེད་སྟངས་བཙུགས་ཡོད། །