བོད་ལྗོངས་ཀྱི་ས་གནས་ཁག་གིས་བྱ་འགུལ་སྣ་མང་སྤེལ་ནས2025ལོའི་ཀྲུང་གོའི་ཞིང་པའི་ལོ་ལེགས་དུས་ཆེན་ལ་རྟེན་འབྲེལ་ཞུས་པ།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། ཚེ་བརྟན་བཀྲ་ཤིས། 

འདི་ནི2025ལོའི་སྐྱེ་ཁམས་སྒྱུ་རྩལ་མཉམ་རོལ་དུས་ཚིགས་ཏེ"སྟོན་ཀར་ལོ་ལེགས་བྱུང་བར་རྟེན་འབྲེལ་ཞུ"ཞེས་པའི་བྱ་འགུལ་ལྷ་ས་གྲོང་ཁྱེར་ལྷུན་གྲུབ་རྫོང་མདུན་གྲོང་གྲོང་ཚོར་སྤེལ་མགོ་བརྩམས་པའི་རྣམ་པ་རེད།

འདི་ནི་ཆབ་མདོ་གྲོང་ཁྱེར་གྱིས་ཀྲུང་གོའི་ཞིང་པའི་ལོ་ལེགས་དུས་ཆེན་རྟེན་འབྲེལ་ཞུ་བའི་བྱ་འགུལ་ཁྲོད་དཔལ་འབར་རྫོང་སྒྱུ་རྩལ་ཚོགས་པས་གླུ་གར་འཁྲབ་སྟོན་བྱེད་པའི་རྣམ་པ་རེད།

འདི་ནི་གཞིས་ཀ་རྩེ་གྲོང་ཁྱེར་རྣམ་གླིང་རྫོང་གི་ས་ཞིང་ལ་ཐུར་ལྟ་བྱས་པའི་རྣམ་པ་རེད།

འདི་ནི་ལྷ་ས་གྲོང་ཁྱེར་ལྷུན་གྲུབ་རྫོང་མདུན་གྲོང་གྲོང་ཚོའི་གྲོང་མིས་སྲོལ་རྒྱུན་བྱ་ཐབས་སྤྱད་དེ་ནས་འབྲུ་འདོན་པའི་རྣམ་པ་རེད།

　　

ཟླ9པའི་ཚེས23ཉིན།　2025ལོའི་ཀྲུང་གོའི་ཞིང་པའི་ལོ་ལེགས་དུས་ཆེན་བོད་ལྗོངས་ཀྱི་ཚོགས་ར་གཙོ་བོའི་རྟེན་འབྲེལ་བྱ་འགུལ་ཆབ་མདོ་གྲོང་ཁྱེར་བྲག་གཡང་རྫོང་དཀྱིལ་ཐང་གྲོང་རྡལ་དུ་གཟབ་རྒྱས་ངང་འཚོགས་པ་རེད།　　　ཆབ་མདོ་གྲོང་ཁྱེར་གྱི་རོང་འབྲོག་པའི་དམངས་ཁྲོད་འཁྲབ་སྟོན་རུ་ཁག་གིས་ས་ཁོངས་ཀྱི་ཁྱད་ཆོས་ལྡན་པའི་གླུ་དང་ཞབས་བྲོའི་གསོལ་སྟོན་གཟབ་རྒྱས་བཤམས་ཡོད་ཅིང་།　　སྤྲོ་སྣང་ལྡན་པའི་ཞབས་བྲོའི་སྟངས་སྟབས་ལས་ལོ་ལེགས་བྱུང་བའི་དགའ་སྤྲོ་མངོན་པ་དང་།　　སྐད་གསང་མཐོན་པོའི་གླུ་སྐད་ལས་དྲིན་ཚོར་བའི་སེམས་གཏིང་གི་སྐད་ཆ་བརྒྱུད་སྤྲོད་བྱས་ཏེ།　དུས་རབས་གསར་པའི་བོད་ལྗོངས་ཀྱི་རོང་འབྲོག་པའི་དཔའ་ངར་ཆེ་སྐྱེད་སྒོས་ཡར་ཐོན་གྱི་སྙིང་སྟོབས་དང་གངས་ལྗོངས་ས་གཞི་ཆེན་མོའི་བརྩེ་བ་ཟབ་མོ་གསོན་ཉམས་ལྡན་པའི་སྒོ་ནས་མངོན་པ་རེད།　

ཞིང་ཕྱུགས་ལས་ནི་བོད་ལྗོངས་ཀྱི་འབྱོར་འབྲིང་གི་རྨང་གཞི་དང་འཕེལ་རྒྱས་ཀྱི་རྩ་བ།　　བརྟན་ལྷིང་གི་གནད་འགག་བཅས་ཡིན།　　　ཉེ་བའི་ལོ་འགའི་རིང་།　　བོད་ལྗོངས་ཀྱིས་ཐོན་ཁུངས་ཀྱི་ནུས་པ་འདོན་པར་རྐང་ཚུགས་ནས་ཁྱད་ལྡན་ལེགས་ཆའི་ཐོན་ལས་འཕེལ་རྒྱས་གཏོང་བར་སྐུལ་འདེད་ཀྱི་སྲིད་ཇུས་བྱེད་ཐབས་རབ་དང་རིམ་པ་བཏོན་པ་དང་།　　ཞིང་ཕྱུགས་ལས་དེང་རབས་ཅན་དུ་འགྱུར་བ་དང་ཞིང་ཕྱུགས་ལས་ཀྱི་ཕྱོགས་བསྡུས་ཐོན་སྐྱེད་ནུས་ཤུགས་མཐོར་འདེགས་གཏོང་བ།　　རོང་འབྲོག་པའི་ལས་ཞུགས་དང་ཡོང་འབབ་འཕར་སྣོན་ཡོང་བ།　　གྲོང་གསེབ་ཕྱོགས་ཡོངས་ནས་དར་སྤེལ་ཡོང་བ་བཅས་ལ་སྐུལ་འདེད་བཏང་ཡོད།