རྨ་ཆུ་ནི་མཚོ་སྔོན་ནས་མཆེད་ཅིང་ལྗོངས་དང་ཞིང་ཆེན་དགུ་ལ་བརྒྱུད། སྤྱིའི་རིང་ཚད་ལ་སྤྱི་ལེ5464ཡོད་པས། རང་རྒྱལ་གྱི་འབྲི་ཆུའི་རྗེས་ཀྱི་ཆུ་ཆེན་གཉིས་པ་དེ་ཡིན། ཏང་གི་ཚོགས་ཆེན་བཅོ་བརྒྱད་པ་ནས་བཟུང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྨ་ཆུའི་བཞུར་རྒྱུད་ཀྱི་སྐྱེ་ཁམས་སྲུང་སྐྱོང་དང་སྤུས་ཚད་མཐོ་བའི་འཕེལ་རྒྱས་ལ་གཙིགས་མཐོང་གནང་ནས། རྨ་ཆུ་དེ་ཉིད་མི་དམངས་ལ་ཕན་བདེ་བསྐྲུན་པའི་བདེ་སྐྱིད་ཀྱི་ཆུ་བོ་ཞིག་ཏུ་བསྒྱུར་དགོས་པ་ནན་གྱིས་བསྟན། ཀྲུང་ཧྭ་མི་རིགས་ཀྱི་མ་ཡུམ་ཆུ་བོ་ཡིན་པའི་ཆ་ནས། རྨ་ཆུ་ནི་སྐྱེ་ཁམས་ཀྱི་སྲུང་ཡོལ་དང་དཔལ་འབྱོར་ས་རྒྱུད་གལ་ཆེན་ཞིག་ཡིན། ཉེ་བའི་ལོ་འགའི་རིང་ལ། རྨ་ཆུའི་བཞུར་རྒྱུད་ཀྱི་ལྗོངས་དང་ཞིང་ཆེན་དགུ་ཡིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མངགས་བཅོལ་ཡིད་ལ་དམ་པོར་བཟུང་ནས། རྨ་ཆུའི་བཞུར་རྒྱུད་ཀྱི་སྐྱེ་ཁམས་སྲུང་སྐྱོང་བྱ་བ་ཧུར་ཐག་གིས་སྤེལ།  རྨ་ཆུའི་འཛད་དུ་མེད་པའི་ཆུ་རྒྱུན་གྱིས་སྐྱེ་འགྲོ་མང་པོར་གསོ་བཅུད་བསྩལ་བས། མི་དང་རང་བྱུང་འཆམ་མཐུན་མཉམ་གནས་ཀྱི་རི་མོ་མཛེས་ཤིང་སྡུག་པ་ཞིག་ཀུན་ནས་མངོན། །