མདོ་ལ་རི་བོའི་རྒྱལ་ཁབ་སྤྱི་གླིང་གི་རི་སྐྱེས་སྲོག་ཆགས་བདག་སྐྱོང་རྒྱུད་སྤེལ་ས་ཚིགས་སུ་བསྐྱོད་པ།
发布时间:2025年10月23日 消息来源:

རྩོམ་སྒྲིག་པ།ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ།  བཤེར་འབེབས། ཚེ་བརྟན་བཀྲ་ཤིས། 







མཚོ་བྱང་བོད་རིགས་རང་སྐྱོང་ཁུལ་མདོ་ལ་རྫོང་གི་ཁོངས་སུ་ཡོད་པའི་མདོ་ལ་རི་བོའི་རྒྱལ་ཁབ་སྤྱི་གླིང་རི་སྐྱེས་སྲོག་ཆགས་བདག་སྐྱོང་རྒྱུད་སྤེལ་ས་ཚིགས་ཀྱིས། རི་སྐྱེས་སྲོག་ཆགས་བདག་སྐྱོང་དང་རི་སྐྱེས་སྲོག་ཆགས་བརྟག་དཔྱད་ལྟ་འཇལ། རོགས་སྐྱོབ་བྱས་པའི་སྲོག་ཆགས་ཕྱིར་གཏོང་ལྟ་འཇལ་དང་ཚན་རིག་ཁྱབ་གདལ་དྲིལ་སྒྲོག རང་བྱུང་སློབ་གསོ་སོགས་ཀྱི་འགན་ནུས་འཁུར་ཡོད། ཟླ10པའི་ཚེས18ཉིན། གསར་འགོད་པ་ས་ཚིགས་སུ་བསྐྱོད་ཅིང་། རི་སྐྱེས་སྲོག་ཆགས་སྐྱོང་སའི་ཁང་པའི་ཕྱི་ནང་དུ། ཁྲ་དམར་དང་ནེའུ་ལེ། རི་ཞི། ཤ་བ་མཆུ་དཀར་སོགས་བདག་སྐྱོང་བྱས་པའི་རི་སྐྱེས་སྲོག་ཆགས་ཀྱི་ཉམས་འགྱུར་བཟང་བ་དང་། བདག་སྐྱོང་ཡུལ་ཁོངས་དང་རྒྱུད་སྤེལ་ཡུལ་ཁོངས། ཕྱོགས་བསྡུས་ཞབས་ཞུ་དོ་དམ། ཞོར་གཏོགས་སྒྲིག་ཆས་ཡུལ་ཁོངས་བཅས་འཛོམས་གསུམ་འཛོམས་པོ་ཡིན་པ་མཐོང་།

རི་སྐྱེས་སྲོག་ཆགས་བདག་སྐྱོང་རྒྱུད་སྤེལ་ས་ཚིགས་ཀྱི་མགོ་དཔོན་མཱ་ཚུན་ཞིན་གྱིས་ངོ་སྤྲད་པ་ལྟར་ན། ས་ཚིགས་བཙུགས་པ་ནས་བཟུང་། བསྡོམས་པས་རི་སྐྱེས་སྲོག་ཆགས234རོགས་སྐྱོབ་བདག་ཉར་བྱས་པ་དང་། རིགས་མི་འདྲ་བ37ཡོད་པ། དེའི་ཁྲོད་གཅན་གཟན88ཡོད་ལ། འདབ་ཆགས146ཡོད་ཅིང་། རྒྱལ་ཁབ་ཀྱི་སྲུང་སྐྱོབ་ཐོབ་པའི་སྲོག་ཆགས28འདུས་ཡོད། །