2025ལོའི་མལ་གྲོ་གུང་དཀར་གྱི“སྲོང་བཙན”རིག་གནས་ཡུལ་སྐོར་དུས་ཆེན་གྱི་ཟུར་བྲིས།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ།  བཤེར་འབེབས། ཚེ་བརྟན་བཀྲ་ཤིས། 

ཐེངས་འདིའི་རིག་གནས་ཡུལ་སྐོར་དུས་ཆེན་དུས་ཡུན་ཉིན5རིང་སྤེལ་ཤིང་།　དེ་ནི་བོད་རང་སྐྱོང་ལྗོངས་དབུ་བརྙེས་ནས་ལོ་འཁོར60ལོན་པར་ལེགས་སྐྱེས་ཕུལ་བ་ཡིན་ལ།　རྫོང་དེའི"རིག་གནས་ཡུལ་སྐོར＋ལས་རིགས་སྣ་ཚོགས"དམ་འཛིན་བྱས་ནས་རྫོང་ཁོངས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་བྱེད་ཐབས་ཞིག་ཀྱང་ཡིན།　

བོད་ཀྱི་རིག་གནས་དར་སའི་གནས་གཙོ་བོ་ཡིན་པའི་ཆ་ནས།　མལ་གྲོ་གུང་དཀར་རྫོང་གིས་ཐེངས་འདིའི་རིག་གནས་ཡུལ་སྐོར་དུས་ཆེན་འབྲེལ་ཐག་ཏུ་བྱས་ནས་སྲོལ་རྒྱུན་དང་དུས་རླབས་མཉམ་འདྲེས་གཏིང་ཟབ་ཏུ་བཏང་སྟེ།　ལྷ་མོའི་ཟློས་གར་དང་སྐོར་བྲོ་སོགས་མང་ཚོགས་ཀྱིས་ལྟ་འདོད་ཉན་སྤྲོ་བའི་སྲོལ་རྒྱུན་རིག་གནས་ཀྱི་གཅེས་ནོར་འགྲེམ་སྟོན་བྱས་ནས།　ལོ་ངོ་སྟོང་ཕྲག་གི་རིག་གནས་སྲོག་རྩ་ཚོར་ཐུབ་པ་དང་རེག་ཐུབ་པ་བྱས་ཤིང་།　དེའི་ཐོག་གློག་རྡུལ་རོལ་དབྱངས་འདུ་འཛོམས་དང་མཚན་རྒྱུག་སོགས་དུས་རླབས་ཀྱི་གཞི་རྒྱུ་གསར་གཏོད་དང་མཉམ་འདྲེས་བྱས་ནས་སྲོལ་རྒྱུན་རིག་གནས་ལ་སྐྱེ་སྟོབས་གསར་བ་བསྣན་ཡོད།　དེ་ལས་རིག་གནས་ཀྱི་འགུལ་རྣམ་རྗེས་མཐུད་མངོན་འགྱུར་བྱུང་ཡོད་པ་མ་ཟད།　བྱ་འགུལ་གྱི་རྣམ་གྲངས་ལོ་ཚད་ཡོངས་ཀྱི་ཚོགས་སྤྱིར་ཁྱབ་ནས་ཚང་མར་མཉམ་སྣང་བྱུང་དུ་བཅུག　

ཐེངས་འདིའི་རིག་གནས་ཡུལ་སྐོར་དུས་ཆེན་གྱིས་ཐོག་མཐའ་བར་གསུམ་དུ"ཉམས་ལེན་གྱི་ཚོར་བ"ལྟེ་བ་བྱས་ནས་སྲོལ་རྒྱུན་རིག་གནས་ཡུལ་སྐོར་བྱ་འགུལ་གྱི"ཚང་མས་འཁྲབ་སྟོན་ལ་བལྟ་བའི"རྣམ་པ་བསྒྱུར་ཡོད།　སྤྱན་གཟིགས་དང་ཟབ་ཞུགས་ཟུང་འབྲེལ་བྱས་ནས་ཟབ་ཞུགས་མཁན་དག"ཟུར་ནས་ལྟ་མཁན"ནས"ཉམས་ལེན་མཁན"དུ་སྒྱུར་ཏེ་མཉམ་འགུལ་གྱི་གོ་རིམ་ཁྲོད་བོད་ཀྱི་རིག་གནས་ཐུན་མོང་མ་ཡིན་པའི་ཡིད་དབང་འཕྲོག་ཤུགས་ཚོར་ཡོད།　རིག་གནས་བརྒྱུད་སྒྲོག་ཕུད།　བྱ་འགུལ་གྱི་ཡུལ་དངོས་སུ་ད་དུང་ས་གནས་འཕེལ་རྒྱས་ལ་རོགས་འདེགས་ཀྱི་ཐོན་ལས་ལས་སྟེགས་བསྐྲུན་ནས།　མལ་གྲོའི་ཁྱད་ལྡན་ཞིང་ཕྱུགས་ལས་དང་ས་གནས་ཞིམ་ཟས་ཐོན་ལས་འཕེལ་རྒྱས་སུ་བཏང་བ་མ་ཟད།　ཕྲེང་འབྲེལ་ཧྲིལ་བོའི་འཛད་སྤྱོད་ལ་སྐུལ་ཁྲིད་ནུས་ལྡན་བྱས་ནས"རིག་གནས་ལ་བརྟེན་ནས་མགྲོན་པོ་སྡུད་པ་དང་།　ཉམས་ལེན་བརྒྱུད་ནས་མགྲོན་པོའི་ཡིད་དབང་འགུག་པ།　ཐོན་ལས་བརྟེན་ནས་ཡོང་འབབ་གསོག་པའི"རྣམ་པ་ཆགས་ཡོད་པ་དང་།　"དུས་ཆེན་གཅིག་ལ་བརྟེན་ནས་ལས་རིགས་སྣ་ཚོགས་དར་རྒྱས"ཀྱི་སྒྱུར་བྱེད་གྲངས་ཀྱི་ཕན་ནུས་མངོན་འགྱུར་བྱུང་ཡོད།　

ཡུལ་སྐོར་དུས་ཆེན་གྱི་ཡུལ་དངོས་སུ་མལ་གྲོ་གུང་དཀར་གྱི་འབྲི་གུང་སྲོལ་རྒྱུན་ཁབ་བསླས་ལས་སྣོན་ཆེད་ལས་མཉམ་ལས་ཁང་གི་ཕྱིར་འཚོང་འགན་འཁུར་བ་བསོད་ནམས་དོན་འགྲུབ་ཀྱིས་ཁྱེར་ཡོང་བའི་མཉམ་ལས་ཁང་གི་ཐོན་རྫས་ཀྱི་ཚོང་ཁ་རྒྱུག་ཡོད།　ཐེངས་འདིའི་བྱ་འགུལ་སྤེལ་བ་ཡིས་མལ་གྲོ་གུང་དཀར་རྫོང་གི་རིག་གནས་ཡུལ་སྐོར་ལ་གསོན་ཤུགས་བསྩལ་བ་མ་ཟད།　རིག་གནས་དང་ཡུལ་སྐོར།　ལུས་རྩལ།　ཞིང་ལས།　ཚོང་ལས་ཉོ་ཚོང་སོགས་ཐོན་ལས་ཀྱི་ལས་རིགས་བརྒལ་ནས་མཉམ་འདྲེས་ཐུབ་པར་སྐུལ་འདེད་བཏང་ཡོད་ལ།　"རིག་གནས་ལ་བརྟེན་ནས་ཡུལ་སྐོར་འཕེལ་རྒྱས་དང་ཡུལ་སྐོར་ལ་བརྟེན་ནས་རིག་གནས་མངོན་པ།　རིག་གནས་ཡུལ་སྐོར་གྱིས་ཐོན་ལས་འཕེལ་རྒྱས་ལ་སྐུལ་སྤེལ"གྱི་འཕེལ་རྒྱས་ཐབས་ལམ་ཡག་པོ་སྔར་ལས་གསལ་བོ་བྱས་ཏེ་རྫོང་ཁོངས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་བརྟན་པོ་མཁོ་འདོན་བྱས་ཡོད།