མཚོ་བྱང་ཁུལ་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་འགྲེམས་ཚོང་ལྟེ་གནས་ཀྱི་གསར་བརྗེའི་གྲོང་རྡལ་ཚོང་ཁང་གི་སྒོ་ཕྱེ་སྟེ་ལས་གཉེར་བྱེད་མགོ་བརྩམས།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།

    ཟླ11པའི་ཚེས3ཉིན། མཚོ་བྱང་ཁུལ་ལྗང་མདོག་སྐྱེ་ལྡན་ཞིང་ཕྱུག་ཐོན་རྫས་འགྲེམས་ཚོང་ལྟེ་གནས་ཀྱི་གསར་བརྗེའི་གྲོང་རྡལ་ཚོང་ཁང་གི་སྒོ་ཕྱེ་སྟེ་དངོས་སུ་ལས་གཉེར་བྱེད་མགོ་བརྩམས། ཚོང་ཁང་འདི་ནི་ཁུལ་མཁོ་ཚོང་མཁོ་སྤྲོད་སྦྲེལ་ཐག་སྤྱི་གཉེར་ཁང་གིས་གཉེར་སྐྱོང་བྱས་པ་དང་། “མདེལ་གཉིས་སྐར་གཅིག”གི་སྙིང་སྟོབས་ཀྱི་བཙན་ས221གནའ་ཤུལ་གསར་བརྗེའི་གྲོང་རྡལ་ཡུལ་སྐོར་ལྟེ་བའི་ས་ཁོངས་སུ་གནས་ཡོད། ཚོང་ཁང་འདིའི་ནང་ཁེ་ལས33གྱི་ཞིང་ཕྱུགས་ཐོན་རྫས་རིགས113འདུས་ཡོད། “མདོ་ལ་རི་འདབས་ཀྱི་ཕྱུགས་ར་བཟང་པོའི”ས་ཁོངས་སྤྱི་སྤྱོད་ཆས་རྟགས་ཀྱི་ནང་དོན་ཕུན་སུམ་ཚོགས་པ་ཕྱོགས་ཡོངས་ནས་མངོན་ཏེ། ནོར་ལུག་ཤའི་ཐོན་རྫས་ཀྱི་དྲི་ཞིམ་དང་ནས་རིགས་ཐོན་རྫས་ཀྱི་ལྷད་མེད་བྲོ་བ། སྦྲང་རྩིའི་ཐོན་རྫས་ཀྱི་རང་བྱུང་མངར་ཆ་དང་ཤ་མོ་སེར་པོའི་ཐོན་རྫས་སྣ་ཚོགས་དངོས་རྫས་ཀྱི་རྣམ་པའི་ཐོག་ནས་མངོན་པ་དེས་མཚོ་བྱང་ལྗང་མདོག་སྐྱེ་ལྡན་ཐོན་ལས་ཀྱི་གཏིང་ཟབ་པའི་རྨང་གཞི་གནས་འདིར་མངོན་ཡོད། 

     ཞིང་ཆེན་མཁོ་ཚོང་མཉམ་ལས་ཁང་གི་ཞིང་ཕྱུགས་ཐོན་རྫས་ཕྱིར་གཏོང་ལས་གཞིའི་ས་ཚིགས་གལ་ཆེན་གྱི་ཡན་ལག་ཚོང་ཁང་གིས“དྲ་ཐོག་ཅིན་ཏུང་མཚོ་བྱང་ཁང+དྲ་ཕྱིའི་གནས་གསུམ་སྒྲོམ་བརྒྱའི”ལངས་གཟུགས་ཅན་གྱི་ཕྱིར་ཚོང་དྲ་རྒྱ་བཙུགས། “གསར་བརྗེའི་རིག་གནས་ཡུལ་སྐོར+ལྗང་མདོག་ཐོན་རྫས”རྣམ་པ་དེས་གསར་བརྗེའི་སྙིང་སྟོབས་དང་ལྗང་མདོག་རིན་ཐང་གཉིས་འབྲེལ་མཐུད་འོས་འཚམ་བྱས་ཡོད། ཡུལ་སྐོར་བ་གསར་བརྗེའི་གྲོང་རྡལ་དུ་འཆམ་འཆམ་བྱེད་སྐབས་མདོ་ལ་རི་འདབས་ནས་ཐོན་པའི་ལྗང་མདོག་གི་ལག་སྐྱེས་དེ་སྔར་ལས་ཀྱང་སྟབས་བདེ་རྣམ་པའི་མི་རྣམས་ཀྱི་རྒྱུན་ལྡན་འཚོ་བའི་ནང་བེད་སྤྱོད་བྱེད་བཞིན་འདུག