ཞི་ཅིན་ཕིང་གིས་རྒྱལ་ཡོངས་མང་ཚོགས་ལུས་རྩལ་སྔོན་ཐོན་ལས་ཁུངས་དང་སྔོན་ཐོན་མི་སྒེར། རྒྱལ་ཡོངས་ལུས་རྩལ་ལས་ཁུངས་ཀྱི་སྔོན་ཐོན་ཚོགས་པ་དང་སྔོན་ཐོན་མི་སྒེར་གྱི་འཐུས་མིར་ཐུག་འཕྲད་གནང་བ།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ།  བཤེར་འབེབས། ཚེ་བརྟན་བཀྲ་ཤིས།

    ཟླ11པའི་ཚེས9ཉིན་གྱི་ཕྱི་དྲོར།　ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིའམ་རྒྱལ་ཁབ་ཀྱི་ཀྲུའུ་ཞི།　ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཀོང་ཀྲོའུ་རུ་རྒྱལ་ཡོངས་མང་ཚོགས་ལུས་རྩལ་སྔོན་ཐོན་ལས་ཁུངས་དང་སྔོན་ཐོན་མི་སྒེར།　རྒྱལ་ཡོངས་ལུས་རྩལ་ལས་ཁུངས་ཀྱི་སྔོན་ཐོན་ཚོགས་པ་དང་སྔོན་ཐོན་མི་སྒེར་གྱི་འཐུས་མིར་ཐུག་འཕྲད་གནང་བ་མ་ཟད།　ཚང་མ་དང་མཉམ་དུ་རྗེས་དྲན་འདྲ་པར་བླངས།

     རྒྱལ་ཡོངས་ལུས་རྩལ་འགྲན་ཚོགས་ཐེངས་བཅོ་ལྔ་པ་འཚོག་ལ་ཉེ་བའི་སྐབས་འདིར།　ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིའམ་རྒྱལ་ཁབ་ཀྱི་ཀྲུའུ་ཞི།　ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཚེས9ཉིན་ཀོང་ཀྲོའུ་རུ་རྒྱལ་ཡོངས་མང་ཚོགས་ལུས་རྩལ་སྔོན་ཐོན་ལས་ཁུངས་དང་སྔོན་ཐོན་མི་སྒེར།　རྒྱལ་ཡོངས་ལུས་རྩལ་ལས་ཁུངས་ཀྱི་སྔོན་ཐོན་ཚོགས་པ་དང་སྔོན་ཐོན་མི་སྒེར་གྱི་འཐུས་མིར་ཐུག་འཕྲད་གནང་སྟེ།　ཁོ་ཚོར་སྤྲོ་སེམས་འཁོལ་བའི་རྟེན་འབྲེལ་ཞུས་ནས།　ཁོ་ཚོས་འབད་འབུངས་ཡར་བརྩོན་དང་ཡང་བསྐྱར་གྲུབ་འབྲས་བསྐྲུན་ནས་ལུས་རྩལ་གྱི་སྟོབས་ལྡན་རྒྱལ་ཁབ་འཛུགས་སྐྲུན་བྱ་ཆེད་བྱས་རྗེས་གསར་བ་འཇོག་དགོས་པའི་སྐུལ་ལྕག་གནང་།

    ཕྱི་དྲོའི་ཆུ་ཚོད4དང་སྐར་མ15སྟེང་།　ཞི་ཅིན་ཕིང་སོགས་ཀོང་ཀྲོའུ་པའེ་ཡུན་རྒྱལ་སྤྱིའི་གྲོས་ཚོགས་ལྟེ་གནས་སུ་ཕེབས་པ་ན།　ཚོགས་ར་ཡོངས་སུ་སྤྲོ་སེམས་འཁོལ་བའི་ཐལ་མོའི་རྡེབ་སྒྲས་ཁེངས།　ཞི་ཅིན་ཕིང་གིས་ཚང་མར་ཕྱག་གཡུག་གནང་ནས་གུས་འདུད་ཞུས་པ་དང་།　མཚམས་རེར་འཐུས་མི་དང་མཉམ་དུ་བརྗེ་རེས་བྱས་པ་མ་ཟད་ཚང་མ་དང་མཉམ་དུ་རྗེས་དྲན་འདྲ་པར་བླངས།

ལི་ཧུང་ཀྲུང་དང་ཀྲང་ཡིའུ་ཞ།　ཧོང་ཁུན་མིན།　ཧྲིན་དབྱི་ཆིན།　ཝང་ཏུང་ཧྥིན་སོགས་ཐུག་འཕྲད་ལ་ཞུགས།　།