བོད་ལྗོངས་ཀྱིས་ཡུལ་བབ་དང་བསྟུན་ནས་ཁྱད་ལྡན་ཐོན་ལས་འཕེལ་རྒྱས་སུ་བཏང་།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། ཚེ་བརྟན་བཀྲ་ཤིས།

འདི་ནི་ལྷ་ས་གྲོང་ཁྱེར་ཚལ་སྣེ་རྒྱལ་ཁབ་དེང་རབས་ཞིང་ལས་དཔེ་སྟོན་གླིང་ཁུལ་གྱི་ལས་དོན་མི་སྣས་མྱུ་གུ་གསོ་བའི་རྣམ་པ་རེད།

འདི་ནི་ལྷ་ས་གྲོང་ཁྱེར་ཚལ་སྣེ་རྒྱལ་ཁབ་དེང་རབས་ཞིང་ལས་དཔེ་སྟོན་གླིང་ཁུལ་གྱི་ལས་དོན་མི་སྣས་ལུག་མིག་མེ་ཏོག་འཐོག་པའི་རྣམ་པ་རེད།

འདི་ནི་ཉིང་ཁྲི་གྲོང་ཁྱེར་ཡིད་འོང་ཇ་འདེབས་ར་བའི་ལས་དོན་མི་སྣས་ཞིང་ཁར་ཇ་ལོ་འཐོག་པའི་རྣམ་པ་རེད།

བོད་ལྗོངས་ནི་མེས་རྒྱལ་གྱི་ལྷོ་ནུབ་མཐའ་མཚམས་སུ་གནས་ཤིང་།　ཆ་སྙོམས་མཚོ་འཕགས་སྨི་སྟོང་བཞི་ལྷག་ཟིན།　འདི་གའི་གངས་རི་དང་རྩྭ་ཐང་།　ཆུ་བོ་སོགས་རང་བྱུང་ཡུལ་ལྗོངས་བརྗིད་ཆགས་ཡིད་དུ་འོང་བ་དང་མུ་མཐའ་མེད་ལ།　ཆུ་དང་རླུང་།　ཉི་འོད་སོགས་ཀྱི་ནུས་ཁུངས་གཙང་མ་ཕུན་སུམ་ཚོགས།　གནའ་དགོན་དང་གནའ་གྲོང་།　ལྷ་མོའི་ཟློས་གར།　བོད་སྤོས་སོགས་ཀྱི་རིག་གནས་ལ་མི་རྣམས་ཀྱིས་དོ་སྣང་བྱེད་ཀྱིན་ཡོད།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས"བོད་ལྗོངས་འཕེལ་རྒྱས་ལ་རང་ངོས་ཀྱི་ཁྱད་ཆོས་ལྡན་པས།　དོན་དངོས་དང་བསྟུན་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས"ཞེས་བསྟན་ཡོད།　

ཐུན་མོང་མ་ཡིན་པའི་གནས་ཡུལ་གྱི་དགེ་མཚན་དང་ཕུན་སུམ་ཚོགས་པའི་ཐོན་ཁུངས་ཀྱི་ནུས་པར་རྐང་ཚུགས་ཏེ།　བོད་ལྗོངས་ཀྱིས་ཐོག་མཐའ་བར་གསུམ་དུ་སྲུང་སྐྱོང་དང་འཕེལ་རྒྱས་གཙིགས་སུ་འཛིན་པ་རྒྱུན་འཁྱོངས་བྱས་ནས་ཁྱད་ལྡན་ཞིང་ཕྱུགས་ལས་རིགས་དང་རིག་གནས་ཡུལ་སྐོར།　ནུས་ཁུངས་གཙང་མ་སོགས་ཁྱད་ལྡན་ཐོན་ལས་ནུས་ཤུགས་ཡོད་རྒུས་འཕེལ་རྒྱས་སུ་བཏང་སྟེ།　ཕྱི་ནང་ཟུང་འབྲེལ་དང་ལེགས་ཆ་གསབ་རེས།　གཉིས་ཕན་མཉམ་རྒྱལ་གྱི་ལམ་རྒྱུད་སྒོ་དབྱེའི་དཔལ་འབྱོར་བར་ཁྱམས་མགྱོགས་མྱུར་ངང་བསྐྲུན་ནས།　རང་ལུས་དོན་དངོས་དང་མཐུན་པ་དང་ས་ཁོངས་ཁྱད་ཆོས་མངོན་པའི་སྤུས་ཚད་མཐོ་བའི་འཕེལ་རྒྱས་ཀྱི་བགྲོད་ལམ་དུ་རིམ་བཞིན་སྐྱོད་ཡོད།　།