ལྷ་ས་གྲོང་ཁྱེར་གྱིས་སྐྱེ་ཁམས་སྲུང་སྐྱོབ་དང་དམངས་འཚོའི་འབབ་འཕར་ལ་སྐུལ་འདེད་ཏན་ཏིག་བཏང་།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། ཚེ་བརྟན་བཀྲ་ཤིས།

ཉེ་བའི་ལོ་འགའི་རིང་། བོད་ལྗོངས་ལྷ་ས་གྲོང་ཁྱེར་གྱིས་རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི་འཕེལ་རྒྱས་འདུ་ཤེས་རྒྱུན་འཁྱོངས་བྱས་ཏེ། སྐྱེ་ཁམས་སྔོན་ལ་སྤེལ་བ་དང་སྲུང་སྐྱོང་ཨང་དང་པོར་འཇོག་པ་དོན་འཁྱོལ་དང“སྐྱེ་ཁམས་ལ་བརྟེན་ནས་གྲོང་ཁྱེར་འཛུགས་པའི”ལས་དོན་བཀོད་སྒྲིག་ལག་བསྟར་བྱས་ནས་ལྷོ་བྱང་རིའི་ལྗང་སྒྱུར་ལས་གཞི་སོགས་ལས་དོན་ཤུགས་ཆེན་སྒོས་སྤེལ་ཤིང་། རྒྱལ་ཁབ་སྐྱེ་ཁམས་དཔལ་ཡོན་མཐོ་ས་བསྐྲུན་པ་དང་མཛེས་སྡུག་ལྡན་པའི་ལྷ་ས་ནུས་ཤུགས་ཡོད་རྒུས་བཏོད་དེ་སྐྱེ་ཁམས་ཕན་འབྲས་དང་དམངས་འཚོའི་བདེ་རྩ་གཉིས་རྣམ་པར་རྒྱལ་བ་མངོན་འགྱུར་བྱུང་ཡོད།

འདི་ནི་སྐྱིད་ཆུའི་འགྲམ་རྒྱུད་ཀྱི་སྟོན་མཇུག་གི་མཛེས་ལྗོངས་རེད།

རྒྱུས་ལོན་བྱུང་བར་གཞིགས་ན། ལྷ་ས་གྲོང་ཁྱེར་གྱི45.12%རྒྱལ་ཁབ་ཀྱི་མངའ་ཁོངས“ཐིག་གསུམ་དང་གསལ་ཐོ་གཅིག”གི་སྔོན་ལ་སྲུང་སྐྱོང་གི་སྡེ་ཚན་དུ་བཅུག་ཡོད་ཅིང་། རང་བྱུང་སྲུང་སྐྱོང་ཁུལ30བསྐྲུན་ཡོད་པ་དང་དེའི་གྲོང་ཁྱེར་སྤྱིའི་མངའ་ཁོངས་ཀྱི22.84%བཟུང་ཡོད། རི་ཆུའི་ཚོད་ལྟའི་ས་ཚིགས་དང་ལྟེ་བའི་གྲོང་ཁུལ་གྱི་ཆུ་བོའི་མ་ལག་བཅོས་སྐྱོང་སོགས་ལས་གཞི་ལག་ལེན་བསྟར་བ་དང་། རྩྭ་ཐང་མུའུ་ཁྲི68.48ཉམས་གསོ། ས་ཆུ་ཤོར་བའི་རྒྱ་ཁྱོན་སྤྱི་ལེ་གྲུ་བཞི་མ155.52བཅོས་སྐྱོང་བྱས་ནས་རྩྭ་ཐང་ཕྱོགས་བསྡུས་སྔོ་ཁེབས་ཁྱབ་ཚད69.8%ལ་སླེབས་ཡོད། ལྷོ་བྱང་རིའི་ལྗང་སྒྱུར་ལས་གཞིར་བསྡོམས་པས་ནགས་སྐྲུན་མུའུ་ཁྲི91.98བྱས་པ་དང་སྡོང་ཕྲུག་རྐང་དུང་ཕྱུར1འདེབས་འཛུགས་བྱས་ནས་ནགས་ཚལ་ཁྱབ་ཚད19.49%སླེབས་ཡོད།

ལྷ་ས་གྲོང་ཁྱེར་གྱི་མཁའ་རླུང་སྦགས་བཙོག་བཅོས་སྐྱོང་ཕན་འབྲས་མངོན་གསལ་དོད་པོ་ཡིན་ལ། མཁའ་དབུགས་སྤུས་ཚད་རྒྱལ་ཡོངས་གཙོ་གནད་གྲོང་ཁྱེར168མདུན་གྲལ་དུ་གནས་ཡོད་པ་དངPM2.5གར་ཚད་རྒྱལ་ཡོངས་ཀྱི་ཆེས་ལེགས་ཤོས་ཡིན། རྫོང་རིམ་པ་ཡན་གྱི་འཐུང་ཆུའི་ཆུ་ཁོངས་སྲུང་སྐྱོང་ཁུལ་ལེགས་སྒྲིག་དང་ཆུ་བོ་ནང་བཞུར་བའི་བཙོག་འབུད་མདོ་ཁ240ལེགས་སྒྲིག་ཉམས་གསོ་སོགས་ལེགས་པར་འགྲུབ་ནས། རྫོང་རིམ་པའི་བཙོག་ཆུ་ཐག་གཅོད་བཟོ་གྲྭ་ཁྱབ་ཚད་དང་རྒྱལ་ཁབ་ཀྱི་ས་ངོས་ཆུའི་དཔྱད་ཞིབ་བཅད་ཁ། འཐུང་ཆུའི་ཆུ་ཁོངས་ཀྱི་ཆུའི་སྤུས་ཚད་བཅས་ཚད་གཞིར་ལོངས་ཚད100%དང་ཞིང་སྡེའི་འཚོ་བའི་བཙོག་ཆུ་བཅོས་སྐྱོང་ཐུབ་ཚད77.2%ལ་སླེབས་ཡོད། “སྙིགས་མེད་གྲོང་ཁྱེར”འཛུགས་སྐྲུན་ལ་སྐུལ་འདེད་དང“སྙིགས་མེད་ཕྲ་ཕུང”125གསར་དུ་གཏོད་ནས་ལོ་རེ་ཆ་སྙོམས་དངོས་རྫས་རྙིང་ཧྲུལ་ཚུར་སྡུད་ཏུན་ཁྲི40ལས་བརྒལ་བ། འཛུགས་སྐྲུན་ཞིང་སྤྱོད་བདེ་འཇགས་བེད་སྤྱོད་བྱེད་ཚད100%ཟིན་པ། “ནམ་མཁའ་དང་ས་གཞི་གཅིག་དྲིལ་ཅན”གྱི་ལྟ་སྐུལ་ཚད་ལེན་དྲ་རྒྱ་སྔར་ལས་འཐུས་ཚང་དུ་ཕྱིན་པ་དང་ཁོར་ཡུག་གི་ཡིག་སྐུར་ངོ་གཏུག་ཐག་གཅོད་ཐུབ་ཚད100%སླེབས་ཡོད།

འདི་ནི་སྐྱིད་ཆུའི་འགྲམ་རྒྱུད་ཀྱི་སྟོན་མཇུག་གི་མཛེས་ལྗོངས་རེད།