བརྟག་ཞིབ་ཚོ་ཆུང་དང་བཅས་པས་འགྲན་བསྡུར་གྲ་སྒྲིག་བྱས་ཚུལ་གྱི་སྙན་ཞུ་ཉན་པ་མ་ཟད། སྔ་རྗེས་སུ་རྫོང་རྟ་རྒྱུག་ཐང་དང་རྫོང་མི་རིགས་སློབ་འབྲིང་གི་ཡུལ་དངོས་སུ་ཕྱིན་ཏེ་འགྲན་བསྡུར་ལ་གྲ་སྒྲིག་བྱས་པའི་གནས་ཚུལ་ལ་ལྟ་ཞིབ་གནང་། མགོན་པོ་བཀྲ་ཤིས་ཀྱིས་རང་རེའི་
རྫོང་གི་འགྲན་བསྡུར་གྲ་སྒྲིག་བྱ་བར་ཁས་ལེན་གང་ལེགས་གནང་བ་མ་ཟད། གཅིག་ནི་ངོས་འཛིན་མཐོ་རུ་བཏེགས་ཏེ་སྒྲིག་འཛུགས་ཞིབ་ཚགས་བྱེད་དགོས། སྐབས་བརྒྱད་པའི་ཀྲུང་གོ་མཚོ་སྔོན་རྒྱལ་སྤྱིའི་མི་རིགས་སྲོལ་རྒྱུན་མདའ་འཕེན་འགྲན་བསྡུར་ནི་དུས་རབས་ཀྱི་ཁྱད་ཆོས་དང་མི་རིགས་ཀྱི་ཁྱད་ཆོས།ས་གནས་ཀྱི་ཁྱད་ཆོས་བཅས་མངོན་དགོས་ལ།ལོ་རྒྱུས་རིག་གནས་དང་མི་རིགས་ཀྱི་སྲོལ་རྒྱུན།མདའ་འཕེན་ལག་རྩལ་བཅས་རྒྱུན་འཛིན་བྱེད་པའི་གཞི་རྟེན་གལ་ཆེན་དང་ཐབས་ལམ་ནུས་ལྡན་ཞིག་ཡིན།　གཉིས་ནི་བྱེད་ཐབས་ཞིབ་ཕྲ་བཟོས་ཏེ་འགན་སྲུང་ནུས་ཤུགས་ཇེ་ཆེར་གཏོང་དགོས།　རྐང་ཚ་རྫོང་གིས་འགྲན་བསྡུར་དང་ཕྱིར་བསྐྱོད།ཞག་སྡོད།ཟས་རིགས།འགྲན་ཞུགས་བཅས་ཀྱི་བྱེད་སྒོ་རེ་རེ་དང་ལམ་མཚམས་རེ་རེ།ལས་གནས་རེ་རེ་བཅས་ནས་འགོ་བཙུགས་ཏེ།ནུས་ཤུགས་ཡོད་རྒུས་འགྲན་ཞུགས་ལུས་རྩལ་པའི་ཞབས་ཞུའི་ལས་དོན་སྣ་ཚོགས་ལ་འགན་སྲུང་ཡག་པོ་བྱེད་དགོས། གཙོ་བོ་མདའ་འཕེན་ལུས་རྩལ་པ་དང་ཤན་འབྱེད་པ།རྩལ་འཁྲིད་པ་གདན་འདྲེན་ཞུ་བའི་བྱ་བ་ལེགས་པོ་བསྒྲུབ་སྟེ།འགྲན་བསྡུར་བྱེད་ས་དང་འགྲན་བསྡུར་ཡོ་བྱད་གྲ་སྒྲིག　མཁོ་སྒྲུབ་ཀྱི་ཞབས་ཞུ་སོགས་ལ་འགན་སྲུང་བྱེད་དགོས། གསུམ་ནི་དོན་འཁྱོལ་དམ་འཛིན་བྱས་ཏེ་བདེ་འཇགས་འགན་སྲུང་བྱ་དགོས། འགྲན་བསྡུར་བྱེད་སྒོའི་ཁྲོད་ཐོན་པའི་གནས་ཚུལ་གསར་བ་དང་གནད་དོན་གསར་བ། འགྲན་རྩོད་གསར་བ་བཅས་ཁོང་དུ་ཆུད་དེ་འགྲན་བསྡུར་ཁྲོད་ཀྱི་ཉེན་ཁ་འགོག་སྲུང་གི་ཇུས་གཞི་སྔར་ལས་འཐུས་ཚང་དུ་གཏོང་བ་དང་།འཁྲབ་སྦྱོང་དང་འགྲན་བསྡུར་གྱི་མགོ་མཇུག་བར་གསུམ་གྱི་ཉེན་ཁ་ཚོད་འཛིན་ལ་ཤུགས་སྣོན་བྱས་ནས།འགྲན་བསྡུར་སྤེལ་བ་དང་འགྲན་བསྡུར་ལ་ཞུགས་པའི་བདེ་འཇགས་ལ་འགན་ལེན་བྱེད་དགོས་པའི་བླང་བྱ་བཏོན་པ་རེད།