ཧྲན་ཏུང་ཞིང་ཆེན་མཚོ་སྔོན་རོགས་སྐྱོར་ལས་བྱེད་པ་དོ་དམ་ཚན་ཆུང་རྐང་ཚ་རྫོང་དུ་ཕེབས་ནས་འཛུགས་སྐྲུན་རོགས་སྐྱོར་རྣམ་གྲངས་ལས་དོན་ལ་ཞིབ་དཔྱོད་བྱས།
རྩོམ་སྒྲིག ཚེ་གཟུངས་སྐྱིད། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། ཚེ་བརྟན་བཀྲ་ཤིས།
ཟླ8པའི་ཚེས15ཉིན། མཚོ་བྱང་ཁུལ་འཕེལ་རྒྱས་དང་བཅོས་སྒྱུར་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཅེ་ཐའོ་དང་སློབ་གསོ་ཅུའུ་ཡི་ཅུའུ་ཀྲང་གཞོན་པ་ཞིན་ཧྥེ་ཕེན། རིག་གནས་ཡུལ་སྐོར་ཅུའུ་ཡི་ཅུའུ་ཀྲང་གཞོན་པ་ལིས་ལེ་བཅས་ཀྱིས་རུ་ཁག་སྣེ་ཁྲིད་དེ་རྐང་ཚ་རྫོང་དུ་ཕེབས་ནས་འཛུགས་སྐྲུན་རོགས་སྐྱོར་རྣམ་གྲངས་ལས་དོན་ལ་ཞིབ་དཔྱོད་བྱས། ལེའོ་ཁྲེང་གྲོང་ཁྱེར་གྱི་མཚོ་སྔོན་རོགས་སྐྱོར་ལས་བྱེད་པ་དོ་དམ་ཚན་ཆུང་གི་ཚན་གཙོ། རྐང་ཚ་རྫོང་ཨུའི་ཧྲུའུ་ཅི་གཞོན་པ(མཚོ་སྔོན་རོགས་སྐྱོར་)མེང་ཡུང་ཁྲའོ་ཡིས་ཕེབས་རོགས་བྱས།
ཞིབ་དཔྱོད་ཚན་ཆུང་གིས་བཞུགས་མོལ་ཚོགས་འདུ་འཚོགས་པ་དང་། བློ་རྩེ་གཅིག་སྒྲིམ་གྱིས་རྐང་ཚ་རྫོང་གི“ལོ་ལྔའི་འཆར་གཞི་བཅུ་བཞི་པའི”འཛུགས་སྐྲུན་རོགས་སྐྱོར་རྣམ་གྲངས་ལག་བསྟར་གནས་ཚུལ་དང“ལོ་ལྔའི་འཆར་གཞི་བཅོ་ལྔ་པའི”རྣམ་གྲངས་འཆར་འགོད་གནས་ཚུལ་གྱི་སྙན་ཞུར་ཉན་པ་དང་།ཞིབ་དཔྱོད་ཚན་ཆུང་གིས་ལེའོ་ཁྲེང་གི་འཛུགས་སྐྲུན་རོགས་སྐྱོར་ལས་དོན་ལ་ཚད་མཐོའི་གདེང་འཇོག་བྱས་ཏེ།ལེའོ་ཁྲེང་གྲོང་ཁྱེར་གྱི་མཚོ་སྔོན་རོགས་སྐྱོར་ལས་བྱེད་པ་དོ་དམ་ཚན་ཆུང་གིས་ཐོག་མཐའ་བར་གསུམ་དུ་འཛུགས་སྐྲུན་རོགས་སྐྱོར་རྣམ་གྲངས་འགན་འཁྲི་གཙོ་བོར་བརྩིས་ནས།ནུས་ཤུགས་ཡོད་རྒུས་འཛུགས་སྐྲུན་རོགས་སྐྱོར་རྣམ་གྲངས་ལ་སྐུལ་འདེད་བཏང་ནས་དོན་ཐོག་ཏུ་འཁྱོལ་བའི་ཕན་འབྲས་ཐོན་ཏེ།རྐང་ཚ་རྫོང་གི་འཕེལ་རྒྱས་ལ་ནུས་ཤུགས་བསྩལ་ཡོད་སྙམ།ཞིབ་དཔྱོད་ཚན་ཆུང་གིས་རྗེས་མའི་ལས་དོན་དང་ལྷག་པར་རྣམ་གྲངས་ལས་དོན་ལ་བླང་བྱ་ཁ་གསལ་བཏོན་ཡོད། གཅིག་ནི་འཛུགས་སྐྲུན་རོགས་སྐྱོར་རྣམ་གྲངས་ཀྱི་ལས་གཞི་ལ་ཞིབ་བཤེར་ཤུགས་ཚད་ཇེ་ཆེར་བཏང་ནས་འབྲེལ་ཡོད་རྣམ་གྲངས་དུས་བཀག་ལྟར་ལོ་རེའི་འཛུགས་སྐྲུན་ལས་འགན་འགྲུབ་པར་ཁག་ཐེག་བྱ་དགོས།གཉིས་ནི “ལོ་ལྔའི་འཆར་གཞི་བཅུ་བཞི་པའི”འཛུགས་སྐྲུན་རོགས་སྐྱོར་རྣམ་གྲངས་ཀྱི་རྒྱུ་ཆ་གྲ་སྒྲིག་ལས་དོན་ཞིབ་མོ་བསྒྲུབ་ནས“ལོ་ལྔའི་འཆར་གཞི་བཅུ་བཞི་པའི”རྒྱལ་ཁབ་ཀྱི་དཔྱད་ཞིབ་ལ་ཕུལ་བྱུང་གི་གྲུབ་འབྲས་ལོན་པར་ཁག་ཐེག་བྱ་དགོས།གསུམ་ནི“ལོ་ལྔའི་འཆར་གཞི་བཅོ་ལྔ་པའི”འཛུགས་སྐྲུན་རོགས་སྐྱོར་རྣམ་གྲངས་ཀྱི་འཆར་འགོད་སྔོན་ལ་ཇུས་འགོད་བྱས་ནས་དུས་རིམ་རྗེས་མའི་མཚོ་སྔོན་རོགས་སྐྱོར་ལས་དོན་ལ་རྨང་གཞི་བརྟན་པོ་འདིང་དགོས།
