གཡི་དཀར་འོམ་ལུང་ཡུལ་ཚོ་བུད་མེད་མཉམ་འབྲེལ་ལྷན་ཚོགས་ཀྱིས་གུང་གསེང་ལ་སྤྲོ་སྣང་སྦྱིན།
རྩོམ་སྒྲིག་པ། ཚེ་གཟུངས་སྐྱིད། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། ཚེ་བརྟན་བཀྲ་ཤིས།
ཉེ་ཆར་བྱིས་པ་ཚོར་དྲོད་ཁོལ་དང་བདེ་སྐྱིད་ལྡན་པའི་དབྱར་གནང་གི་གུང་གསེང་ཞིག་རོལ་ཆེད། གཡི་དཀར་འོམ་ལུང་ཡུལ་ཚོས2025ལོའི་དབྱར་གསེང་སྐབས་བྱིས་པར་བྱམས་སྐྱོང་གི་བྱེད་སྒོ་སྤེལ་ནས་མངའ་ཁུལ་གྱི་བྱིས་པར་ཐུགས་ཁུར་མཛད་པ་དང་སྤྲོ་སྣང་སྦྱིན་ཡོད། 
བྱེད་སྒོ་སྤེལ་བའི་ཉིན་དེར། གཡི་དཀར་འོམ་ལུང་ཡུལ་ཚོའི་ལས་སྒྲུབ་མི་སྣ་སྔ་མོ་ནས་བྱེད་སྒོ་སྤེལ་ཡུལ་དུ་ཡོང་ནས་བཀོད་སྒྲིག་ཞིབ་ཚགས་བྱས་ཏེ། གྲ་སྒྲིག་བྱས་པའི་ཡིག་ཆས་དང་དཔེ་ཁུག་གསར་བ། ཚོན་མདོག་སྣ་ལྔའི་སྨྱུ་གུ། དཀར་འཇམ་གྱི་འབྲི་དེབ་བཅས་བཞག་ཡོད་པ་དེ་དག་ཚང་མ་བྱིས་པ་ཚོར་བཅངས་པའི་རེ་སྒུག་ཆེན་པོ་མངོན་ཡོད། ལས་སྒྲུབ་མི་སྣས་བྱིས་པ་ཚོར་བྱམས་བརྩེའི་ངང་འཚམས་འདྲི་བྱས་པ་དང་། ཁོ་ཚོའི་སློབ་སྦྱོང་དང་འཚོ་བའི་གནས་ཚུལ་ཞིབ་ཕྲ་འདྲི་རྩད་བྱས་ཏེ་སློབ་སྦྱོང་ལ་འབད་བརྩོན་བྱས་ནས་ཕུགས་བསམ་སྙེག་པར་སྐུལ་ལྕག་གནང་བ་དང་། དེ་རྗེས་མངར་ལ་ཞིམ་པའི་སྤྲི་གོར་ཟ་བར་གྲ་སྒྲིག་མཛད་དེ། ཅོག་ཙེའི་སྟེང་དུ་སྤྲི་གོར་བཞག་པ་ན་བྱིས་པ་ཚོའི་གདོང་ལ་ལྷད་མེད་འཛུམ་གྱིས་ཁེངས་ཡོད། མཉམ་དུ་སྐྱིད་ལ་རོལ་བའི་བདེ་སྐྱིད་ཀྱི་སྣང་བས་ཡུལ་དངོས་སུ་དགོད་སྒྲས་ཁེངས་ཤིང་། དྲོ་སྐྱིད་ལྡན་པའི་ཁོར་ཡུག་གིས་དེ་གར་ཞུགས་པའི་མི་ཚང་མར་ཤུགས་རྐྱེན་ཐེབས་ཡོད། 
ཐེངས་འདིའི་བྱེད་སྒོས་བྱིས་པ་ཚོར་དངོས་པོའི་ཐད་རོགས་རམ་བྱས་པ་མ་ཟད།ཁོ་ཚོར་བསམ་པའི་ཐད་སྐུལ་ལྕག་ཀྱང་བྱས་ཡོད།བྱེད་སྒོར་ཞུགས་པའི་གྲོགས་པོ་ཆུང་ཆུང་ཞིག་གིས“དེ་རིང་དངོས་གནས་ཧ་ཅང་སྐྱིད་སོང་། དགའ་བའི་ཡིག་ཆས་འབྱོར་ལ་ད་དུང་ཚང་མ་དང་མཉམ་དུ་སྤྲི་གོར་ཞིམ་པོ་ཟོས་པས། ཨ་ཁུ་དང་ཨ་ནེ་རྣམས་ལ་ཐུགས་རྗེ་ཆེ་ཞུ”ཟེར་ཞིང་ཁྱིམ་བདག་ཚོས་ཀྱང་བྱེད་སྒོ་འདིས་བྱིས་པ་ཚོར་སྤྱི་ཚོགས་ཀྱི་གཅེས་སྐྱོང་ཚོར་ཐུབ་པས་དོན་སྙིང་གལ་ཆེན་ལྡན་པར་བཤད།
གཡི་དཀར་འོམ་ལུང་ཡུལ་ཚོས་མུ་མཐུད་དུ་བྱིས་པའི་འཚར་ལོངས་ཀྱི་དགོས་མཁོར་དོ་ཁུར་མཛད་དེ་སྣ་མང་ཞིང་ཕུན་སུམ་ཚོགས་པའི་བྱེད་སྒོ་སྔར་ལས་མང་པོ་སྤེལ་ནས་བྱིས་པ་ཚོར་དྲོད་ཁོལ་དང་དང་བྱམས་སྐྱོང་ཁྲོད་ནས་འཚར་ལོངས་འབྱུང་བར་འཆམ་མཐུན་མཛེས་སྡུག་གི་གྲོང་གསེབ་ཁོར་ཡུག་བསྐྲུན་པར་སྟོབས་ཤུགས་དབུལ་རྒྱུ།