རྐང་ཚས་སྐྱེ་ཁམས་སྲུང་སྐྱོབ་ལ་གྲུབ་འབྲས་གཡུར་དུ་ཟ་བ་བླངས།

རྩོམ་སྒྲིག་པ། ཚེ་གཟུངས་སྐྱིད། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། ཚེ་བརྟན་བཀྲ་ཤིས། 

　  མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་གི“ལོ་ལྔའི་འཆར་གཞི་བཅུ་བཞི་པའི”སྐྱེ་ཁམས་སྲུང་སྐྱོབ་ལ་གྲུབ་འབྲས་གཡུར་དུ་ཟ་བ་བླངས་པར།ནམ་མཁའ་གཡའ་དྭངས་ཤིང་ཆུ་བོ་དྲག་ཏུ་འབབ་པ།རི་ལུང་ཐང་གསུམ་དུ་མེ་ཏོག་རྣམ་པར་བཞད་པའི་ཡིད་སེམས་ཉམས་དགའ་བ་ཞིག་བྱུང་། ཉེ་བའི་ལོ་འགའི་རིང་།རྐང་ཚ་རྫོང་གིས་ཐོག་མཐའ་བར་གསུམ་དུ་ཆབ་སྲིད་ཀྱི་ལས་འགན་དང་ལོ་རྒྱུས་ཀྱི་འགན་འཁྲི་དང་དུ་བླངས་ནས་མཚོ་སྔོན་པོའི་བྱང་རྒྱུད་ཀྱི་སྐྱེ་ཁམས་ཁོར་ཡུག་སྲུང་སྐྱོབ་དང་བཅོས་སྐྱོང་ལ་ཤུགས་སྣོན་བརྒྱབ་སྟེ། ལག་ལེན་དངོས་ཀྱི་ཐོག་ནས་སྐྱེ་ཁམས་དཔལ་ཡོན་མཐོ་ས་འཛུགས་སྐྲུན་ལ་གསོན་ཉམས་ལྡན་པའི་རི་མོ་བྲིས་ཡོད།

　　　རི་མཐོ་ས་གཙང་གི་ཕན་འབྲས་མངོན་གསལ་དོད་པོ་ཐོན་པ། བྱེད་ཐབས་མང་པོར་བརྟེན་ནས་རླུང་ཁམས་ཆེན་པོའི་སྦགས་བཙོག་གི་བརྒྱུད་རིམ་ཧྲིལ་པོར་ལྟ་སྐུལ་དོ་དམ་དང་། སྦགས་མེད་དྲོད་ལེན་སྒྱུར་བཀོད། གད་སྙིགས་བསྲེགས་པར་དོ་དམ་ཚོད་འཛིན་སོགས་བྱེད་པའི་ལས་གཞི་རབ་དང་རིམ་པར་བརྟེན་ནས་མཁའ་དབུགས་ཀྱི་སྤུས་ཚད་བརྟན་པོའི་ངང་མཐོ་རུ་བཏང་། “ལོ་ལྔའི་འཆར་གཞི་བཅུ་བཞི་པའི”རིང་ལ་རྐང་ཚ་རྫོང་གི་ཁོར་ཡུག་མཁའ་དབུགས་ཀྱི་སྤུས་ཚད་ཐོག་མཐའ་བར་གསུམ་དུ་ཞིང་ཆེན་ཡོངས་ཀྱི་སྔོན་གྲས་སུ་སླེབས་པ་དང་། མཁའ་དབུགས་ཀྱི་སྤུས་ཚད་བཟང་བའི་ཉིན་གྲངས་ཀྱི་བསྡུར་ཚད་ནི“ལོ་ལྔའི་འཆར་གཞི་བཅུ་བཞི་པའི”དུས་མགོའི96.7%ནས་མིག་སྔའི99.4%བར་ཇེ་མཐོར་ཕྱིན་ཡོད། འཐུང་ཆུའི་ཆུ་མགོ་སྲུང་སྐྱོབ་དང་ཚད་ལྡན་ཅན་འཛུགས་སྐྲུན་བྱ་རྒྱུར་ཆེད་དམིགས་ཀྱིས་འཐུང་ཆུའི་བདེ་འཇགས་འགན་སྲུང་གི་ཆུ་ཚད་བརྟན་པོ་བྱུང་ཞིང་།རྫོང་དང་ཡུལ་ཚོ།སྡེ་བ་བཅས་གནས33གྱི་འཐུང་ཆུའི་ཆུ་མགོ་སྲུང་སྐྱོབ་དང་ཚད་ལྡན་ཅན་འཛུགས་སྐྲུན་ཁྱོན་ཡོངས་ལ་ཁྱབ་པར་བྱས་ཏེ།《རྐང་ཚ་རྫོང་གཅིག་བསྡུས་རྣམ་པའི་འཐུང་ཆུའི་ཆུ་མགོ་སྲུང་སྐྱོབ་ཁུལ་གཉིས་པ་དབྱེ་འབྱེད་ཀྱི་ལག་རྩལ་སྙན་ཞུ》སྒྲིག་བཟོ་ལེགས་འགྲུབ་བྱུང་བར་མཚོ་སྔོན་ཞིང་ཆེན་སྲིད་གཞུང་གིས་བཀའ་མཆན་ཐོབ་པ་དང་། 　 རྫོང་རིམ་པས་གཅིག་བསྡུས་རྣམ་པའི་འཐུང་ཆུའི་ཆུ་མགོའི་ཆུ་ཡི་སྤུས་ཚད་རིགསⅢལ་སླེབས་པའམ་ཡང་ན་དེ་ལས་ལྷག་པའི་རིགསⅡལ་སླེབས་ཏེ་ཚད་མཐོ་རུ་ཕྱིན་ཡོད། 　 ཆུའི་ཐོན་ཁུངས་དང་ཆུའི་ཁོར་ཡུག ཆུའི་སྐྱེ་ཁམས་བཅས་གཅིག་གྱུར་གྱིས་བཅོས་སྐྱོང་བྱེད་པར་དམིགས་ཏེ། ཕྱོགས་ཡོངས་ནས་ཆུ་བོའི་བཙོག་འབུད་ཞིབ་བཤེར་ལེགས་བཅོས་ཀྱི་ཆེད་དོན་བྱ་སྤྱོད་སྤེལ་འགོ་བཙུགས་ཤིང་། རྫོང་ཁོངས་ཀྱི་མཚོ་སྔོན་པོའི་འབབ་རྒྱུད་གཙོ་བོའི་ཆུའི་ཁོར་ཡུག་གི་སྤུས་ཚད་བརྟན་པོ་བྱུང་ལ། པུ་ཥ་ཆུ་བོ་དང་འོམ་ཆུ། དཔལ་དགེ་ཆུ་བོ་སོགས་རྒྱལ་ཁབ་ཀྱིས་ཚོད་འཛིན་བྱེད་པའི་ཞིང་ཆེན་གྱི་རྒྱུགས་ལེན་བཅད་ངོས་ཀྱི་ཆུ་སྤུས་སྡུར་ཕྲེང་ལེགས་པའི(རིགསⅢལ་སླེབས་པའམ་ཡང་ན་དེ་ལས་ལེགས་པའི)100%ནས(རིགསⅡལ་སླེབས་པའམ་ཡང་ན་དེ་ལས་ལེགས་པའི)100%བར་ཇེ་མཐོར་ཕྱིན་ནས་ཚད་བརྒལ་གསར་བ་མངོན་འགྱུར་བྱུང་རྒྱུ། ས་རྒྱུའི་སྦགས་བཙོག་འགོག་བཅོས་བྱ་རྒྱུ་ནི་དམངས་ཚིས་འདུ་འགོད་གལ་ཆེན་ཞིག་ཡིན་ལ། “ལོ་ལྔའི་འཆར་གཞི་བཅུ་བཞི་པའི”རིང་རྐང་ཚ་རྫོང་གིས་གནད་འཕིགས་ཇུས་འདོན་དང་ཕྱོགས་མང་མཉམ་འགུལ་མཐའ་འཁྱོངས་བྱས་ཏེ“སྙིགས་མེད་གྲོང་ཁྱེར”འཛུགས་སྐྲུན་ལས་དོན་ལ་གཅིག་གྱུར་གྱིས་སྐུལ་འདེད་བཏང་ཡོད། བེད་མེད་དངོས་པོ་ཚད་ལྡན་ཅན་གྱི་དོ་དམ་ཆུ་ཚད་རྒྱུན་ཆད་མེད་པར་མཐོ་རུ་ཕྱིན་པ་དང་སྨན་སྙིགས་གསོག་ཉར་བྱེད་ཡུལ་ཁྱོན་ཡོངས་ནས་ལེགས་གྲུབ་འཛུགས་སྐྲུན་བྱས་ཏེ་སྨན་བཅོས་ཀྱི་སྙིགས་རོ་དང་རིམས་ནད་ལ་འབྲེལ་བ་ཡོད་པའི་གད་སྙིགས་ཀྱི་གནོད་མེད་ཐག་གཅོད་བྱེད་ཚད100%ཟིན་ཡོད།  རྨོ་ཞིང་གི་ས་རྒྱུའི་ཁོར་ཡུག་གི་སྤུས་ཚད་ཚང་མ་སྔོན་ལ་སྲུང་སྐྱོབ་བྱེད་པའི་རིགས་ཡིན་ལ། ཞིང་སྤྱོད་ས་ཆ་དང་འཛུགས་སྐྲུན་བཀོལ་སྤྱོད་ས་ཆ་བདེ་འཇགས་ཀྱི་བེད་སྤྱོད་བྱེད་ཚད100%ཟིན་ཡོད། 

　　　སྐྱེ་ཁམས་ཀྱི་མཐའ་མཚམས་ཚད་ལས་མི་བརྒལ་བར་དོ་དམ་ཚོད་འཛིན་བྱེད་པ། “ཚད་གསུམ་ཐོ་གཅིག”གི་འགུལ་རྣམ་གསར་བརྗེས་ལེགས་སྒྲིག་ལས་དོན་དུས་ལྟར་འགྲུབ་པར་ཁོར་ཡུག་དོ་དམ་ཚོད་འཛིན་སྡེ་ཚན11(དེའི་ནང་སྔོན་ལ་དོ་དམ་ཚོད་འཛིན་སྡེ་ཚན5དང་གཙོ་གནད་དོ་དམ་ཚོད་འཛིན་སྡེ་ཚན4སྤྱིར་བཏང་དོ་དམ་ཚོད་འཛིན་སྡེ་ཚན2བཅས)ཡོད་པ་དང་།སྐྱེ་ཁམས་སྲུང་སྐྱོབ་ཀྱི་མཐའ་ཚད་སྤྱི་ལེ་གྲུ་བཞི་མ1835.5དབྱེ་མཚམས་བཅད་དེ། “ཚད་གསུམ་ཐོ་གཅིག”གི་སྐྱེ་ཁམས་ཁོར་ཡུག་ཁུལ་དབྱེ་དོ་དམ་དོ་དམ་ཚོད་འཛིན་གྲུབ་འབྲས་བེད་སྤྱོད་གང་ལེགས་བྱས་ཡོད།སྐྱེ་ཁམས་ཁོར་ཡུག་གི་ལྟ་སྐུལ་དོ་དམ་ནུས་པ་རྒྱུན་ཆད་མེད་པར་མཐོ་རུ་བཏང་སྟེ། “ལོ་ལྔའི་འཆར་གཞི་བཅུ་བཞི་པའི”རིང་ལ་སྐྱེ་ཁམས་ཁོར་ཡུག་ཁྲིམས་བསྟར་ཞིབ་བཤེར་ཆེན་པོ་གཏིང་ཟབ་སྤེལ་བ་དང་། རིམ་རྩིས་བྱས་ན་སྲིད་འཛིན་ཆད་གཅོད་གྱོད་གཞི26དང་ཡིག་སྐུར་ངོ་བཅར་གྱོད་གཞི42བསྒྲུབས་ཡོད།(ཐག་གཅོད་བྱེད་ཚད100%ཡིན།) གཏན་འཇགས་ཀྱི་སྦགས་བཙོག་འབྱུང་ཁུངས་བཙོག་འབུད་འཁྲོལ་འཛིན24དང་ཐོ་འགོད་དོ་དམ་གྱི་བཙོག་འབུད་ཁེ་ལས་62ལ་བཤེར་འགྲེམས་བྱས།《རྐང་ཚ་རྫོང་གི་རྒྱལ་ཁོངས་བར་སྟོང་སྤྱིའི་འཆར་འགོད(2021ལོ་ནས2035ལོ་བར)》ལ་ཞིང་ཆེན་སྲིད་གཞུང་གི་བཀའ་མཆན་ཐོབ་པ་དང་།  སྲིད་འཛིན་སྡེ་བ31གྲོང་ཚོའི་འཆར་འགོད་ཁྲོད་དུ20ལེགས་གྲུབ་བྱུང་བ་དང་། 　ཡུལ་ཚོ་དང་གྲོང་རྡལ5ཡི་འཆར་འགོད་སྒྲིག་བཟོ་ལས་དོན་ཁྱོན་ཡོངས་ནས་སྤེལ་འགོ་ཚུགས།　

　　 སྐྱེ་དངོས་ཀྱི་སྣ་མང་རང་བཞིན་སྲུང་སྐྱོང་བྱེད་པའི་གྲུབ་འབྲས་བླངས་པ།བྱེད་ཐབས་མང་པོ་མཉམ་དུ་སྤྱད་དེ་སྐྱེ་དངོས་ཀྱི་སྣ་མང་རང་བཞིན་སྲུང་སྐྱོབ་བྱ་རྒྱུར་ཤུགས་བསྣན་ཏེ།མི་དང་རང་བྱུང་ཁམས་འཆམ་མཐུན་མཉམ་གནས་ཀྱི་གྲུབ་འབྲས་རྒྱུན་ཆད་མེད་པར་མངོན་ཡོད།མཚོ་སྔོན་པོའི་གསེར་ཉ་གསོག་ཚད་ཏུན་ཁྲི12.75ཟིན་པ་དེ་སྲུང་སྐྱོབ་ཀྱི་དུས་མགོ་དང་བསྡུར་ན་ལྡབ49འཕར་ཡོད།མིས་བཟོས་སྐྱེ་འཕེལ་སྲོག་བླུ་དུང་ཕྱུར2.1བཏང་ནས་ལེགས་སྐྱེས་ཕུལ་ཚད23%ཟིན་པས། “ཉ་མོ་དྭངས་གསལ་ཆུ་ལ་རོལ།”ཞེས་པའི་རང་བྱུང་གི་མཛེས་ལྗོངས་མངོན་ཡོད།མཚོ་སྔོན་པོའི་བྱ་རིགས་ཀྱི་སྣ་ཁ281ཟིན་པ་དང་མཛུབ་སྟོན་རང་བཞིན་གྱི་སྐྱེ་དངོས་ཀྱི་བྱ་རིགས་ལོ་ཧྲིལ་པོར་བསྡོམས་རྩིས་བྱས་པའི་སྤྱི་འབོར་ཁྲི60ལྷག་ཙམ་ཡོད་པ་དེ2007ལོའི་རྟོག་འཇལ་ཚུན་གྱི་གྲངས་ཐང་ཆེ་ཤོས་སུ་སླེབས་ཡོད།འོམ་ཆུ་དང་ཁེ་རམ་ཐང་གི་ན་འདམ་སྔོ་ལྗང་དུ་གྱུར་ཚད་རིམ་བཞིན་ཇེ་མཐོར་སོང་སྟེ།རྫོང་ཡོངས་ཀྱི་འདམ་རའི་སྤྱིའི་རྒྱ་ཁྱོན་མུའུ་ཁྲི215.66དང་།ནགས་ཚལ་ཁེབས་ཚད4.51%ཟིན་པ་དང་།རྩྭ་ཐང་ཕྱོགས་བསྡུས་ལྗང་མདོག་ཏུ་གྱུར་ཚད70.68%ཟིན་པས།སྐྱེ་ཁམས་ཀྱི་བྱེད་ནུས་རྒྱུན་ཆད་མེད་པར་སླར་གསོ་དང་།སྐྱེ་ཁམས་ཀྱི་ཁོར་ཡུག་རྒྱུན་མཐུད་ལེགས་སུ་ཕྱིན་ནས་ས་མཐོའི་ཐུན་མོང་མ་ཡིན་པའི“རི་ཆུ་ནགས་གསུམ་དང་འདབ་ཆགས་བྱ་རིགས”བཅས་ཀྱིས་སྐྱེ་ཁམས་མཉམ་གནས་བྱས་ཡོད། 　 

　　　 འབད་བརྩོན་ལྷོད་མེད་ཀྱི་ལོ་ལྔའི་རིང་གི་གོམ་ཁའི་རྒྱུན་ཐག་བསྲིང་།མདུན་ལམ་ལ་རྒྱང་ལྟ་བྱེད་སྐབས།རྐང་ཚ་རྫོང་གིས་ཚད་གཞི་སྔར་ལས་མཐོན་པོ་གཏན་འཁེལ་དང་བླང་བྱ་སྔར་ལས་ནན་མོ་སྲུང་བ།བྱེད་ཐབས་སྔར་ལས་དངོས་སུ་དོན་འཁྱོལ་བཅས་བྱས་ཏེ།རྩ་ལག་མཉམ་བཅོས་སྐྱོང་ལ་བརྟེན་ནས“དཔལ་ཡོན་ལྡན་པའི་ཁོར་ཡུག་སྲུང་སྐྱོབ”འཛུགས་སྐྲུན་ཇེ་མགྱོགས་སུ་བཏང་སྟེ།དེང་རབས་ཅན་གྱི་བཅོས་སྐྱོང་ནུས་པ་སྦྱོང་བརྡར་བྱེད་པའི་འགན་འཁུར་མ་ལག་རང་བཞིན་གྱིས་ཆུ་ཚད་མཐོ་བའི་སྐྱེ་ཁམས་སྲུང་སྐྱོབ་ལ་སྐུལ་འདེད་གཏོང་བ་དང་།རྒྱལ་ཁབ་སྐྱེ་ཁམས་བདེ་འཇགས་ཀྱི་བཀག་རྒྱ་གཅིག་གྱུར་གྱིས་སྲ་བརྟན་དུ་འཛུགས་པའི་ཁྲོད་སྐྱེ་ཁམས་བརྟན་སྲུང་བྱས་ཏེ།རྣམ་འགྱུར་གསར་རྐྱང་གི་ཐོག་ནས“ལོ་ལྔའི་འཆར་གཞི་བཅོ་ལྔ་པའི་”འགྲུལ་བཞུད་གསར་པ་ཞིག་གི་ཕྱོགས་སུ་བསྐྱོད་རྒྱུ།