གློག་བརྙན《གཅིག་དང་བཞི》རྒྱལ་ཡོངས་སུ་སྐོར་སྐྱོད་གཟིགས་འབུལ་བྱེད་པའི་ཟི་ལིང་གི་གཟིགས་འབུལ་མཛད་སྒོ་བསྡུས་པ།

    རྩོམ་སྒྲིག་པ།ཚེ་གཟུངས་སྐྱིད། ཡོང་ཁུངས། མཚོ་སྔོན་བོད་ཡིག་ཁྲིམས་སྐྱོང་ཚགས་པར།  བཤེར་འབེབས། ཚེ་བརྟན་བཀྲ་ཤིས།

ཟླ10པའི་ཚེས28ཉིན། གློག་བརྙན《གཅིག་དང་བཞི》རྒྱལ་ཡོངས་སུ་སྐོར་སྐྱོད་གཟིགས་འབུལ་བྱེད་པའི་ཟི་ལིང་གི་གཟིགས་འབུལ་མཛད་སྒོ་བསྡུས། གློག་བརྙན་འདི་ནི་ན་གཞོན་འཁྲབ་ཁྲིད་པ་འཇིགས་མེད་འཕྲིན་ལས་ཀྱི་ཆེས་ཐོག་མའི་བརྩམས་ཆོས་ཡིན་ཞིང་། སྔོན་གྱི་བོད་བརྙན་མང་པོ་ཞིག་དང་བསྡུར་ན་སྒྲིག་སྦྱོར་གྱི་ཐད་ནས་འགྱུར་བ་ཏོག་ཙམ་བཏང་འདུག་ཅིང་། དེ་ཡིས་གློག་བརྙན་འདི་ལ་སྔར་མེད་ཀྱི་གསོན་ཤུགས་བསྩལ་ཡོད་པར་མ་ཟད། ཞིབ་ཅིང་ཕྲ་བའི་གཏམ་རྒྱུད་སྤྲོས་ལུགས་ལའང་རམ་འདེགས་ཀྱི་ནུས་པ་འབུར་དུ་ཐོན་འདུག　

མཇུག་མཐར།　གློག་བརྙན་འདི་ནི་ཀུན་གྱིས་བོད་བརྙན་ཁྲོད་ཀྱི་ཐོད་བརྒལ་བརྩམས་ཆོས་ཤིག་ཡིན་པར་ངོས་འཛིན་བྱས་པ་དང་། འཁྲབ་ཁྲིད་པ་འཇིགས་མེད་འཕྲིན་ལས་ཀྱིས་བརྙན་ལེན་ལུགས་དང་གླུ་དབྱངས་སོགས་ཀྱི་ཕྱོགས་ནས་ཚོད་ལྟ་གསར་པ་བྱས་ཡོད་པར་རང་ཉིད་ཀྱི་དགའ་ཕྱོགས་ཡིན་ཚུལ་བཤད་དེ་གཟིགས་འབུལ་མཛད་སྒོ་མཇུག་བསྡུས།