མཚོ་སྔོན་མི་རིགས་དཔེ་སྐྲུན་ཁང་གིས《ཧོར་གླིང་གཡུལ་འགྱེད 》(སྟོད་སྨད་ཆ)ཀྱི་པར་གཞི་གསར་བསྒྲིགས་འགྲེམ་སྤེལ་བྱས།
发布时间:2024年12月17日
消息来源:
རྩོམ་སྒྲིག ཚེ་གཟུངས་སྐྱིད། ཡོང་ཁུངས། མཚོ་སྔོན་མི་རིགས་དཔེ་སྐྲུན་ཁང་། བཤེར་འབེབས། ཚེ་བརྟན་བཀྲ་ཤིས།
འཛམ་གླིང་གེ་སར་རྒྱལ་པོའི་སྒྲུང་ནི་བོད་ཀྱི་གནའ་བོའི་ལྷ་སྒྲུང་དང་། ངག་རྒྱུན། སྙན་ངག གཏམ་དཔེ་སོགས་ཕུན་སུམ་ཚོགས་པའི་དམངས་ཁྲོད་ངག་རིག་གི་རྨང་གཞིའི་སྟེང་རིམ་བཞིན་དར་ཞིང་འཕེལ་རྒྱས་སུ་ཕྱིན་པ་ཞིག་སྟེ། འདིས་བོད་ཀྱི་གནའ་བོའི་ངག་ཐོག་རིག་གནས་ཀྱི་ཆེས་མཐོ་བའི་གྲུབ་འབྲས་མཚོན་གྱིན་ཡོད། 《ཧོར་གླིང་གཡུལ་འགྱེད》(སྟོད་སྨད་ཆ) ལ་ཆ་བཞག་ན། སྒྲུང་དེབ་བརྒྱ་ཕྲག་དུ་མ་ལས་མཆོག་དང་རྩེ་མོ་དང་ཕུལ་དུ་ཕྱིན་པའི་རང་འོད་འཕྲོས་ཏེ་རིན་ཐང་གཞལ་དུ་མེད་པ་མངོན་ཙ་ན། མཚོ་སྔོན་མི་རིགས་དཔེ་སྐྲུན་ཁང་གིས་སྤྱི་ལོ1980ལོ་ནས1997ལོའི་བར་དུ་སྔ་ཕྱིར་པར་གཞི་འགའ་བསྒྲིགས་ཏེ་དཔེ་སྐྲུན་འགྲེམས་སྤེལ་བྱས་པར། ཆེད་མཁས་པ་དང་གླིང་སྒྲུང་ལ་མོས་མཁན་ཁྲི་སྟོང་མང་པོས་དགའ་བསུ་ཆེན་པོ་བྱས་པར་མངོན།