您的位置：首页 > 海滨藏城 > 青海要闻
ཨི་ཟི་རེལ་དང་ཕ་ལི་སི་ཐན་བར་དམག་འཁྲུག་མཚམས་འཇོག་པའི་གྲོས་མཐུན་བཞག
发布时间：2025年01月17日 消息来源：

རྩོམ་སྒྲིག ཚེ་གཟུངས་སྐྱིད། ཡོང་ཁུངས། ཞིན་ཧྭ་དྲ་བ། ཀྲུང་དབྱངས་བརྙན་འཕྲིན་དྲ་བ། བཤེར་འབེབས། ཚེ་བརྟན་བཀྲ་ཤིས།


ཚེས་བཅོ་ལྔ་ཉིན་གྱི་དགོང་མོར། ཁ་ཐར་གྱི་དབུ་བཞུགས་བློན་ཆེན་དང་ཕྱི་འབྲེལ་བློན་ཆེན་གྱི་འགན་གཅིག་ལྕོགས་བཞེས་མཁན་མུའུ་ཧན་མོ་ཏེ་ཡིས། ཨི་ཟི་རེལ་དང་ཕ་ལི་སི་ཐན་དབྱི་སི་ལན་འགོག་རྒོལ་ལས་འགུལ་ཧ་མ་སི་བར་ཅ་ཧྲ་ས་ཁུལ་དུ་དམག་འཁྲུག་མཚམས་འཇོག་རྒྱུའི་ཐད་གྲོས་མཐུན་བཞག་ཡོད་ཅེས་ཁྱབ་བསྒྲགས་བྱས་པ་རེད། 

图片

མུའུ་ཧན་མོ་ཏེ་ཡིས། འདུམ་འགྲིག་ཕྱོགས་ཀྱིས་ཧ་མ་སི་དང་ཨི་ཟི་རེལ་གཉིས་ལ་མཉམ་ལས་བྱས་ནས་དམག་འཁྲུག་མཚམས་འཇོག་རྒྱུའི་གྲོས་མཐུན་དོན་འཁྱོལ་བྱ་རྒྱུར་སྐུལ་འདེད་གཏོང་རྒྱུ་ཡིན་ཞེས་བཤད་པ་རེད། གྲོས་མཐུན་དེ་ནི་ས་ཁུལ་གྱི་རྒྱུན་མཐུད་ཞི་བདེ་མངོན་འགྱུར་བྱེད་པའི་དུས་རིམ་གལ་ཆེན་ཞིག་རེད། འདུམ་འགྲིག་ཕྱོགས་ཀྱི་ལྟ་སྐུལ་ཚོགས་པས་གྲོས་མཐུན་ལ་བརྩི་སྲུང་བྱེད་པའི་འགན་ལེན་བྱ་རྒྱུ་ཡིན་ཞེས་བཤད།
ཉིན་དེར་ཨ་རིའི་ཙུང་ཐུང་པའེ་ཏེང་གིས་ཕོ་བྲང་དཀར་པོ་ནས་གཏམ་བཤད་སྤེལ་ཏེ། ཨི་ཟི་རེལ་དང་ཧ་མ་སིས་ཅ་ཧྲར་དམག་འཁྲུག་མཚམས་འཇོག་རྒྱུ་དང་བཀག་ཉར་བྱས་པའི་མི་སྣ་གློད་འགྲོལ་གཏོང་རྒྱུའི་ཐད་གྲོས་མཐུན་བཞག་ཡོད་ཅེས་ཁྱབ་བསྒྲགས་བྱས་པ་རེད། པའེ་ཏེང་གིས། དམག་མཚམས་འཇོག་རྒྱུའི་གྲོས་མཐུན་དེ་དུས་རིམ་གསུམ་དུ་དབྱེ་ནས་ལག་བསྟར་བྱ་རྒྱུ་ཡིན་ཞེས་བཤད་པ་རེད། དུས་ཡུན་ཉིན་ཞེ་གཉིས་ཀྱི་དུས་མཚམས་དང་པོའི་ནང་། ཨི་ཟི་རེལ་དང་ཧ་མ་སིས་དམག་འཁྲུག་མཚམས་རྦད་དེ་མཐར་ཕྱིན་པ་གཏོང་རྒྱུ་ལག་བསྟར་བྱ་རྒྱུ་དང་། ཨི་ཟི་རེལ་གྱི་དམག་དཔུང་ཅ་ཧྲ་ས་ཁུལ་གྱི་མི་འབོར་འདུས་ཚད་ཆེ་བའི་ས་ཁུལ་ཚང་མ་ནས་ཕྱིར་འཐེན་བྱ་རྒྱུ་དང་། ཧ་མ་སིས་ཨ་རིའི་སྤྱི་དམངས་ཚུད་པའི་བཀག་ཉར་བྱས་པའི་མི་སྣ་ཁག་ཅིག་གློད་གྲོལ་གཏོང་རྒྱུ། ཨི་ཟི་རེལ་གྱིས་ཕ་ལི་སི་ཐན་གྱི་བཙོན་པ་བརྒྱ་ཕྲག་ཁ་ཤས་གློད་གྲོལ་གཏོང་བ། མི་ཆོས་རིང་ལུགས་ཀྱི་རོགས་སྐྱོར་དངོས་ཟོག་འབོར་ཆེན་ཅ་ཧྲ་ས་ཁུལ་དུ་སྐྱེལ་ཆོག་པ་བཅས་རེད། དམག་མཚམས་འཇོག་རིང་། ཨི་ཟི་རེལ་གྱིས་ཡུན་རིང་དམག་འཁྲུག་མཚམས་འཇོག་རྒྱུའི་ཐད་ཧ་མ་སི་དང་གྲོས་མོལ་བྱ་རྒྱུ་ཡིན་པ་དེ་ནི་གྲོས་མཐུན་གྱི་དུས་མཚམས་གཉིས་པའི་ནང་དོན་རེད། དུས་རིམ་གསུམ་པར་ཧ་མ་སིས་རྐྱེན་ལམ་དུ་ཤོར་བའི་བཀག་ཉར་བྱས་པའི་མི་སྣའི་བེམ་པོ་ཕྱིར་སྤྲོད་བྱ་རྒྱུ་དང་། ཅ་ཧྲ་ས་ཁུལ་དུ་གཞི་ཁྱོན་ཆེ་བའི་བསྐྱར་སྐྲུན་འགོ་འཛུགས་རྒྱུ་ཡིན་པ་རེད།

图片

ཚེས་བཅོ་ལྔ་ཉིན། ཨི་ཟི་རེལ་གྱི་ཕྱི་འབྲེལ་པུའུ་ཀྲང་སཱ་ཨར་གྱིས་གསལ་བསྒྲགས་ཤིག་ནང་། ཨི་ཟི་རེལ་གྱི་བདེ་འཇགས་ནང་བློན་ཁང་གིས་ཚེས་བཅུ་དྲུག་ཉིན་ཚོགས་འདུ་འཚོག་ནས་ཧ་མ་སི་དང་དམག་འཁྲུག་མཚམས་འཇོག་རྒྱུ་དང་བཀག་ཉར་བྱས་པའི་མི་སྣ་གློད་གྲོལ་གཏོང་རྒྱུའི་གྲོས་མཐུན་ལ་བརྡས་ཐག་གཅོད་རྩིས་ཡོད་ཅེས་བཤད་པ་རེད། ཨི་ཟི་རེལ་གྱི་ཙུང་ཐུང་ཧེར་ཙུའོ་ཀེ་ཡིས་ཉིན་དེར་བརྙན་འཕྲིན་གཏམ་བཤད་སྤེལ་ནས། ཨི་ཟི་རེལ་སྲིད་གཞུང་གིས་གྲོས་མཐུན་དེར་ཆོག་མཆན་སྤྲོད་རྒྱུའི་འབོད་སྐུལ་བྱས་པ་རེད།
ཚེས་བཅོ་ལྔ་ཉིན་གྱི་དགོང་མོར། ཧ་མ་སིའི་མཐོ་རིམ་དཔོན་རིགས་ཧ་ལི་ལེ་ཧ་ཡ་ཡིས་བརྙན་འཕྲིན་གཏམ་བཤད་གནང་སྐབས། ཅ་ཧྲའི་དམག་འཁྲུག་མཚམས་འཇོག་རྒྱུའི་གྲོས་མཐུན་བཞག་པ་ནི་ཕ་ལི་སི་ཐན་མི་དམངས་ཀྱི་འཐབ་རྩོད་ཁྲོད་ལོ་རྒྱུས་རང་བཞིན་གྱི་དུས་སྐབས་ཤིག་རེད། ཅ་ཧྲ་ས་ཁུལ་བསྐྱར་སྐྲུན་དང་དམག་འཁྲུག་གི་ཤུགས་རྐྱེན་མེད་པར་བཟོ་བའི་དུས་རིམ་གསར་པ་བསུས་ཡོད་པས། ཕ་ལི་སི་ཐན་མི་དམངས་ལ་ཅ་ཧྲ་ས་ཁུལ་བསྐྱར་སྐྲུན་བྱེད་པའི་ནུས་པ་ཡོད་པར་ཡིད་ཆེས་ཡོད་ཅེས་བཤད་པ་རེད།

以下视频来源于

央视新闻

>
>
>
重播
>

ཉིན་དེར་ཅ་ཧྲ་ས་ཁུལ་གྱི་ས་ཆ་མང་པོ་ཞིག་ཏུ་ཕ་ལི་སི་ཐན་གྱི་མང་ཚོགས་འབོར་ཆེན་ཁྲོམ་གཞུང་དུ་བསྐྱོད་ནས། རྟེན་འབྲེལ་ཞུ་བ་དང་མི་མང་པོ་ཞིག་ཕན་ཚུན་འཐམ་ནས་དགའ་བའི་མིག་ཆུ་བཞུར།
2023ལོའི་ཟླ་བཅུ་པའི་ཚེས་བདུན་ཉིན། ཧ་མ་སིས་ཅ་ཧྲ་ས་ཁུལ་ནས་ཨི་ཟི་རེལ་མངའ་ཁོངས་ཀྱི་དམག་དམངས་དམིགས་འབེན་ལ་གློ་བུར་དུ་འཇབ་རྒོལ་བྱས་ནས། མི1200ཙམ་རྐྱེན་ལམ་དུ་ཤོར་བ་དང་། ཧ་མ་སི་སོགས་ཕ་ལི་སི་ཐན་ཕྱོགས་ཀྱི་དྲག་ཆས་མི་སྣས་མི250ཙམ་ཅ་ཧྲ་ས་ཁུལ་དུ་དྲུད་ནས་བཀག་ཉར་བྱས་པ་རེད། དེ་རྗེས། ཨི་ཟི་རེལ་གྱིས་ཅ་ཧྲ་ས་ཁུལ་དུ་གཞི་ཁྱོན་ཆེ་བའི་དམག་དོན་བྱ་སྤྱོད་སྤེལ་ཡོད། ཅ་ཧྲ་ས་ཁུལ་གྱི་འཕྲོད་བསྟེན་སྡེ་ཚན་གྱིས་ཁྱབ་བསྒྲགས་བྱས་པའི་གཞི་གྲངས་གསར་ཤོས་ལ་གཞིགས་ན།ཅ་ཧྲ་ས་ཁུལ་དུ་ཨི་ཟི་རེལ་གྱི་དམག་དོན་བྱ་སྤྱོད་སྤེལ་ནས་ཕ་ལི་སི་ཐན་བ་ཁྲི་བཞི་སྟོང་དྲུག་ལྷག་རྐྱེན་ལམ་དུ་ཤོར་ཡོད་པ་རེད།