མཚོ་སྔོན་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ཏང་ཙུའུ་ཚོགས་འདུ་བསྡུས་པ།
发布时间:2025年07月18日 消息来源:

རྩོམ་སྒྲིག་པ། ཚེ་གཟུངས་སྐྱིད། ཡོང་ཁུངས། ཀྲུང་གོ་བོད་ཀྱི་དྲ་བ།   བཤེར་འབེབས། ཚེ་བརྟན་བཀྲ་ཤིས། 

ཟླ7པའི་ཚེས15ཉིན། མཚོ་སྔོན་ཞིང་ཆེན་དམངས་ཆེན་སྐབས་བཅུ་བཞི་པའི་ཏང་ཙུའུ་ཡིས་ཚོགས་འདུ་ཐེངས་བཅུ་བདུན་པ་བསྡུས་ཤིང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་དགོངས་དོན་དང་ཀྲུང་དབྱང་ཆབ་སྲིད་ཅུའུ་ཡི་ཚོགས་འདུའི་དགོངས་དོན་སློབ་སྦྱོང་བརྒྱུད་སྒྲོག་བྱས་པ་དང་། ཨུ་ཡོན་ཀྲང་ཀྲའོ་ལེ་ཅི་ཡིས་མཚོ་སྔོན་དུ་གཟིགས་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་བརྒྱུད་སྒྲོག་བྱས་ཏེ། ལག་བསྟར་བསམ་འཆར་ལ་ཞིབ་འཇུག་བྱས། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅིའམ་ཀྲུའུ་རེན་གཞོན་པ་ཝང་ལི་མིང་གིས་མགོ་འཛིན་མཛད། དབྱང་ཧྥིན་ཁྲུན་དང་ཉི་མ་སྒྲོལ་མ། ལིས་ཀང་། ཝང་ཅིན་ཀྲའེ། ཁྲུན་ཏུང་ཁྲང་བཅས་ཚོགས་འདུར་ཞུགས་པ་དང་། ལིའུ་ཐུང་ཏེ་ཚོགས་འདུར་ཟུར་ཞུགས་བྱས།

ཚོགས་ཐོག་ནས་བསྟན་དོན། རྒྱལ་ཡོངས་ཀྱི་གཅིག་གྱུར་ཁྲོམ་ར་ཆེན་མོ་འཛུགས་སྐྲུན་དང་རྒྱ་མཚོ་དཔལ་འབྱོར་སྤུས་ཚད་མཐོ་བའི་འཕེལ་རྒྱས། ཏང་གི་རང་ངོས་གསར་བརྗེ་ལ་སྐུལ་འདེད་གཏོང་བ་སོགས་བྱེ་བྲག་གི་བླང་བྱར་དམིགས་ཏེ། ཟབ་མོར་སློབ་པ་དང་གོ་བ་མཐུལ་རྟོགས་ལེན་པའི་ཐོག་རྩོལ་བ་སྐྱེད་པ་དང་དངོས་ཕན་བརྩོན་པ། ཆབ་སྲིད་བློ་དཀར་ངེས་པ་དོན་གྱིས་བརྟན་པོར་བྱས་ཏེ། དམངས་ཆེན་ལས་དོན་དུས་དང་རྣམ་པ་ཀུན་ཏུ་ཡང་དག་པའི་ཆབ་སྲིད་ཁ་ཕྱོགས་དེད་ནས་མདུན་དུ་བསྐྱོད་པར་ཁག་ཐེག་བྱེད་དགོས། སྤུས་ཚད་མཐོ་བའི་འཕེལ་རྒྱས་ཐོག་སྲིད་ཇུས་དངོས་འདོན་པ་དང་ཐབས་བཀོད་དངོས་འཐེན་པ། སྤུས་ཚད་མཐོ་བའི་ཁྲིམས་འཛུགས་མཁོ་སྤྲོད་ལ་ཤུགས་སྣོན་པ། གནད་འཁེལ་ཕན་ལྡན་གྱི་ལྟ་སྐུལ་ཇེ་དྲག་ཏུ་གཏོང་བ། འཐུས་མིའི་ནུས་པ་ཕུན་སུམ་ཚོགས་པར་བཏོན་ཏེ། མཚོ་སྔོན་གྱི་དཔལ་འབྱོར་འཕེལ་རྒྱས་ལ་སྟོབས་ཤུགས་ཡོད་རྒུས་རོགས་སྐུལ་བྱེད་དགོས། རང་ངོས་གསར་བརྗེ་ཐོག་གདོང་མཆོང་བྱེད་པ་དང་མིག་དཔེ་སྟོན་པ། འགན་འཁྲི་ཕྲེང་འབྲེལ་ཕྱོགས་ཡོངས་ནས་ནན་མོར་འཛིན་པ། ཏང་དོ་དམ་དང་ཏང་བཅོས་སྐྱོང་གི་འགན་འཁྲི་ཡོངས་ལ་ཁེབས་པར་ཁག་ཐེག་བྱས་ཏེ། གུང་ཁྲན་ཏང་མིའི་ཆབ་སྲིད་རང་མདངས་འགྱུར་མེད་རྟག་བརྟན་དུ་གནས་པར་བྱེད་དགོས།

ཚོགས་ཐོག་ནས་ནན་གྱིས་བསྟན་དོན། ཨུ་ཡོན་ཀྲང་ཀྲའོ་ལི་ཅི་མཚོ་སྔོན་ལ་གཟིགས་ཞིབ་ཏུ་ཕེབས་པ་དེས། ཏང་ཀྲུང་དབྱང་དང་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་མཚོ་སྔོན་གྱི་ལས་དོན་ལ་ཚད་མཐོའི་མཐོང་ཆེན་མཛད་པ་ཕུན་སུམ་ཚོགས་པར་མཚོན་པ་དང་། ཨུ་ཡོན་ཀྲང་གིས་མཚོ་སྔོན་གྱི་འཕེལ་རྒྱས་དང་དམངས་ཆེན་ལས་དོན་ལ་ཐུགས་ཁུར་ཟབ་བཞེས་གནང་བ་དང་ཐུགས་རེ་ཆེན་པོ་བཅངས་པ་ཕུན་སུམ་ཚོགས་པར་མངོན་ཡོད་པས། ཏང་གི་ཕྱོགས་ཡོངས་ལ་མགོ་ཁྲིད་པར་རྒྱུན་འཁྱོངས་བྱེད་པ་དང་། གོ་རིམ་ཧྲིལ་པོའི་མི་དམངས་དམངས་གཙོ་ལག་ལེན་དུ་བཏབ་སྟེ། ལྟེ་བར་དམིགས་ནས་ཁྲིམས་ལྟར་འགན་སྒྲུབ་དབང་གཉེར་བྱེད་དགོས། གསར་དུ་བཟོ་བཅོས་བརྒྱབ་པའི་འཐུས་མིའི་བཅའ་ཁྲིམས་དང་ལྟ་སྐུལ་བཅའ་ཁྲིམས་ཀྱི་སློབ་སྦྱོང་དྲིལ་སྒྲོག་དང་ལག་བསྟར་དོན་འཁྱོལ་ལ་ཤུགས་བསྣན་ཏེ། ཁྲིམས་སྐྱོང་གི་སྟོབས་ལ་བརྟེན་ནས་འཕེལ་རྒྱས་ཀྱི་གནས་སྟངས་གསར་པར་ཞབས་འདེགས་ཞུ་དང་འདྲེས་སུ་འཇུག་དགོས། །