ལེའོ་ཁྲེང་གྲོང་ཁྱེར་དགེ་སྒྲུབ་སྤྱི་ཁྱབ་ཚོགས་པའི་དྲུང་ཆེ་ཀྲང་ཧྥི་ཡུང་འཁོར་དང་བཅས་པ་རྐང་ཚ་རྫོང་དུ་ཕེབས་ནས་དགེ་སྒྲུབ་རྣམ་གྲངས་ལ་བརྟག་ཞིབ་གནང་།   

རྩོམ་སྒྲིག ཚེ་གཟུངས་སྐྱིད། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། ཚེ་བརྟན་བཀྲ་ཤིས།

     2025ལོའི་ཟླ8པའི་ཚེས16ཉིན།མཚོ་སྔོན་རོགས་སྐྱོར་ལས་དོན་བཀོད་སྒྲིག་ལག་བསྟར་དོན་འཁྱོལ་གཏིང་ཟབ་བྱས་ནས་དགེ་སྒྲུབ་རྣམ་གྲངས་གནད་འཁེལ་དོན་འཁྱོལ་བྱ་རྒྱུར་སྐུལ་འདེད་གཏོང་ཆེད།ལེའོ་ཁྲེང་གྲོང་ཁྱེར་དམངས་སྲིད་ཅུའུ་ཡི་རིམ་པ་བཞི་པའི་བརྟག་ཞིབ་པ། དགེ་སྒྲུབ་སྤྱི་ཁྱབ་ཚོགས་པའི་དྲུང་ཆེ་ཀྲང་ཧྥི་ཡུང་དང་གྲོང་ཁྱེར་དགེ་སྒྲུབ་གཞུང་ལས་ཁང་ཕྱོགས་བསྡུས་ཚན་ཁག་གི་ཚན་གཙོ་ཀུག་ཧྥུན་ཀོང་དང་བཅས་པ་རྐང་ཚ་རྫོང་དུ་ཕེབས་ནས་དགེ་སྒྲུབ་རྣམ་གྲངས་ལ་བརྟག་ཞིབ་གནང་།མཚོ་སྔོན་རོགས་སྐྱོར་ལས་བྱེད་པ་དོ་དམ་ཚན་ཆུང་གི་ཚན་གཙོ། རྐང་ཚ་རྫོང་ཨུའི་ཧྲུའུ་ཅི་གཞོན་པ(མཚོ་སྔོན་རོགས་སྐྱོར)མེང་ཡུང་ཁྲའོ་ཡིས་བརྟག་ཞིབ་ཚོགས་པ་དང་ཐུག་འཕྲད་གནང་བ་དང་།རྐང་ཚ་རྫོང་དམངས་སྲིད་ཅུའུ་ཏང་ཙུའུ་ཡི་ཧྲུའུ་ཅི། ཅུའུ་ཀྲང་དང་རྫོང་སྤྱི་ཚོགས་ཕན་བདེ་གླིང་གི་འགན་འཁུར་པས་བརྟག་ཞིབ་ལ་ཕེབས་རོགས་བྱས། 

　　  བརྟག་ཞིབ་ཚོགས་པས་ཡུལ་དངོས་སུ་ལྟ་ཞིབ་དང་འདྲི་རྟོག་སོགས་ཀྱི་བྱེད་ཐབས་སྤྱད་དེ་ཕྱོགས་ཡོངས་ནས་ལས་གཉེར་དོ་དམ་དང་ཞབས་ཞུ་སྤུས་ཚད། བདེ་འཇགས་འགན་སྲུང་སོགས་ཀྱི་ལས་དོན་ལ་རྒྱུས་ལོན་བྱས།

　　  ད་ཐེངས་ཀྱི་བརྟག་ཞིབ་ནི་ས་གནས་གཉིས་ཀྱིས་མཉམ་སྒྲུབ་གཏིང་ཟབ་བྱེད་པའི་དངོས་སྒྲུབ་བྱ་ཐབས་ཤིག་ཡིན།རྗེས་མར་ལེའོ་ཁྲེང་གྲོང་ཁྱེར་དགེ་སྒྲུབ་སྤྱི་ཁྱབ་ཚོགས་པས་བརྟག་ཞིབ་གནས་ཚུལ་དང་ཟུང་འབྲེལ་བྱས་ནས་རྣམ་གྲངས་ལག་བསྟར་གྱི་ཇུས་གཞི་ཇེ་ལེགས་སུ་བཏང་སྟེ། རྐང་ཚ་རྫོང་གི་གཙོ་གནད་དམངས་ཚིས་ཁྱབ་ཁོངས་ལ་རོགས་སྐྱོར་ནུས་ཤུགས་ཆེ་རུ་བསྐྱེད་དེ། ས་གནས་འདི་གར་སྔར་ལས་འཐུས་སྒོ་ཚང་བའི་སྤྱི་ཚོགས་འགན་སྲུང་མ་ལག་འཛུགས་པར་རོགས་འདེགས་བྱ་རྒྱུ།