རྐང་ཚ་རྫོང་གིས“ལོ་ལྔའི་འཆར་གཞི་བཅོ་ལྔ་པའི”བསམ་ཕྱོགས་དང་འཆར་འགོད་ཀྱི་བསམ་འཆར་བསྡུ་ལེན་ཚོགས་འདུ་འཚོགས།
རྩོམ་སྒྲིག ཚེ་གཟུངས་སྐྱིད། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། ཚེ་བརྟན་བཀྲ་ཤིས།
ཟླ8པའི་ཚེས18ཉིན། རྐང་ཚ་རྫོང་གིས“ལོ་ལྔའི་འཆར་གཞི་བཅོ་ལྔ་པའི”བསམ་ཕྱོགས་དང་འཆར་འགོད་ཀྱི་བསམ་འཆར་བསྡུ་ལེན་ཚོགས་འདུ་འཚོགས་ནས།རྫོང་ཡོངས་ཀྱི“ལོ་ལྔའི་འཆར་གཞི་བཅོ་ལྔ་པའི”འཆར་འགོད་སྒྲིག་བཟོ་སྤྱིའི་གནས་ཚུལ་སྙན་ཞུར་ཉན་པ་དང་། ཐེངས་རྗེས་མའི་བྱ་བར་ཞིབ་འཇུག་དང་བཀོད་སྒྲིག་བྱས།རྫོང་ཨུའི་ཧྲུའུ་ཅི་ལི་ཝུན་ལིན་དང་རྫོང་ཨུའི་ཧྲུའུ་ཅི་གཞོན་པ།རྫོང་དཔོན་ཀྲང་ཆི་ཧྥེང་།རྫོང་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ཚང་ཚོན་ཧྥི།རྫོང་སྲིད་གྲོས་ཀྱི་ཀྲུའུ་ཞི་ཆིན་ཧྲི་ཧྥུ། དེ་བཞིན་ཁྱིམ་དུ་གནས་ཡོད་པའི་རྫོང་རིམ་པ་ཁག་གི་འགོ་ཁྲིད་དང་།རྫོང་རིམ་པ་ཁག་གི་འགོ་ཁྲིད།ཡུལ་ཚོ་དང་གྲོང་རྡལ་གྱི་སྲིད་གཞུང་སོ་སོ་དང་རྫོང་ཨུའི་སྡེ་ཁག་ཁག རྫོང་ཐད་གཏོགས་ཀྱི་ལས་ཁུངས་ཀྱི་སོ་སོ།མང་ཚོགས་ཀྱི་ཚོགས་པ་ཁག ཞིང་ཆེན་དང་རང་སྐྱོང་ཁུལ་གྱི་རྫོང་དུ་བཅའ་སྡོད་བྱེད་པའི་འབྲེལ་ཡོད་སྡེ་ཚན་ཁག རྒྱལ་ཁབ་ལ་དབང་བའི་ཁེ་ལས་ཁག་གི་འགན་ཁུར་བློ་མཐུན་གཙོ་བོ་བཅས་ཚོགས་འདུར་ཞུགས་ཡོད།
ཚོགས་འདུའི་ཐོག་རྐང་ཚ་རྫོང་གི“ལོ་ལྔའི་འཆར་གཞི་བཅོ་ལྔ་པའི”འཆར་འགོད་ཀྱི་བསམ་ཕྱོགས་དང་རྩ་གནད་སྒྲིག་བཟོའི་སྙན་ཞུར་གསན་པ་དང་།ཚོགས་འདུར་ཞུགས་མཁན་གྱིས་འཆར་འགོད་ཀྱི་བསམ་ཕྱོགས་དང་རྩ་གནད་སྒྲིག་བཟོར་གྲོས་བསྡུར་གང་ལེགས་བྱས་ཤིང་།མཐོང་སྣེ་མི་འདྲ་བ་ནས་འཆར་འགོད་སྒྲིག་བཟོར་གྲོས་འགོ་བཏོན་པ་དང་།མིག་སྔའི་གནས་ཚུལ་དངོས་ལ་གཞིགས་ཤིང་ཕུགས་ཡུན་གྱི་འཕེལ་རྒྱས་ལ་དམིགས་ནས་རྐང་ཚ་རྫོང་གི“ལོ་ལྔའི་འཆར་གཞི་བཅོ་ལྔ་པའི”འཆར་འགོད་སྒྲིག་བཟོར་ལག་ལེན་གྱི་གཞི་འཛིན་ས་དང་རིགས་སྟོབས་ཀྱི་འདེགས་སྐྱོར་ཕུན་སུམ་ཚོགས་པ་འདོན་སྤྲོད་བྱས།
ཚོགས་འདུའི་ཐོག་བསྟན་དོན། “ལོ་ལྔའི་འཆར་གཞི་བཅོ་ལྔ་པའི”དུས་སྐབས་ནི་རང་རྒྱལ་གྱི་ཁྱོན་ཡོངས་ནས་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་འགག་རྩའི་དུས་རིམ་ཞིག་ཡིན་པ་མ་ཟད།རང་རྫོང་གིས་འཐབ་ཇུས་ཀྱི་གོ་སྐབས་དམ་འཛིན་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྐར་ཁུང་གལ་ཆེན་ཞིག་ཀྱང་ཡིན།རྫོང་ཡོངས་ཀྱི་གོང་འོག་བར་གསུམ་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིན་གྱི“ལོ་ལྔའི་འཆར་གཞི་བཅོ་ལྔ་པའི”འཆར་འགོད་སྒྲིག་བཟོའི་བྱ་བའི་སྐོར་གྱི་མཛུབ་སྟོན་གལ་ཆེན་གྱི་དགོངས་དོན་ལ་སློབ་སྦྱོང་དང་ལག་བསྟར་གཏིང་ཟབ་བྱས་ཏེ“ལོ་ལྔའི་འཆར་གཞི་བཅོ་ལྔ་པའི”འཆར་འགོད་སྒྲིག་བཟོའི་བྱ་བའི་དོན་སྙིང་གལ་ཆེན་ལ་ངོས་འཛིན་གང་ལེགས་བྱས་ནས་ཆབ་སྲིད་ཀྱི་ལངས་ཕྱོགས་མཐོ་རུ་གཏོང་དགོས།
ཚོགས་འདུའི་ཐོག་ནན་གྱིས་བསྟན་དོན།དམིགས་འབེན་དང་ངེས་གནས་ཡང་དག་འཚོལ་བ།སྤུས་ཚད་མཐོ་བའི་འཕེལ་རྒྱས་དེ་ལས་འགན་ཨང་དང་པོར་འཛིན་པ་ཁོང་དུ་བརྟན་པོར་ཆུད་པ་དང་།འཕེལ་རྒྱས་ཀྱི་དུས་རིམ་གསར་པའི་མདུན་དུ་ལྷགས་པའི་གོ་སྐབས་དང་འགྲན་སློང་ལ་དབྱེ་ཞིབ་གཏིང་ཟབ་བྱས་ཏེ།རྐང་ཚའི་གནས་བབ་ཀྱི་ཁྱད་ཆོས་དང་ཐོན་ཁུངས་ཀྱི་ལེགས་ཆ།ཐོན་ལས་ཀྱི་རྨང་གཞིར་དང་ཐོན་ལས་ཀྱིས་ས་ཁོངས་བཞིར་འཛུགས་སྐྲུན་བྱ་རྒྱུ་སྣེ་ཁྲིད་དུ་བྱས་ཏེ་རྫོང་གི་གནས་ཚུལ་དངོས་དང་མཐུན་པའི་འཕེལ་རྒྱས་ཀྱི་གནས་ཐིག་བཏོན་ནས་རྐང་ཚའི་ཁྱད་ཆོས་ལྡན་པའི་དེང་རབས་ཅན་གྱི་ཐོན་ལས་མ་ལག་མགྱོགས་མྱུར་ངང་གསོ་སྐྱོང་བྱ་དགོས།རྒྱུད་ཁོངས་བསམ་གཞིགས་རྒྱུན་འཁྱོངས་བྱེད་པ།《མཚོ་སྔོན་པའི་རྒྱལ་ཁབ་སྤྱི་གླིང་སྤྱིའི་འཆར་འགོད2023ལོ་ནས2035ལོ་བར》《རྐང་ཚ་རྫོང་གི་རྒྱལ་ཁོངས་བར་སྟོང་སྤྱིའི་འཆར་འགོད2021ལོ་ནས2035ལོ་བར》སོགས་གོང་རིམ་འཆར་འགོད་དང་ཆེད་དམིགས་འཆར་འགོད་ལ་སྦྲེལ་བ་གང་ལེགས་བྱས་ཏེ།འགུལ་རྣམ་གྱིས་འཐབ་ཇུས་ཀྱི་ལས་འགན་གལ་ཆེན་དང་བསྒྱུར་བཅོས་བྱེད་ཐབས།འགུལ་རྣམ་གྱིས་འཐབ་ཇུས་ཀྱི་ལས་འགན་གལ་ཆེན་དང་།བསྒྱུར་བཅོས་ཀྱི་བྱེད་ཐབས་གལ་ཆེན།ལས་གྲྭའི་རྣམ་གྲངས་གལ་ཆེན་བཅས་ཇུས་འགོད་དང་འཐུས་ཚང་དུ་བཏང་སྟེ།འཆར་འགོད་དང་རྒྱལ་ཁབ་དང་ཞིང་ཆེན་དང་ཁུལ་གྱི་འབྲེལ་ཡོད་འཆར་འགོད་གཅིག་གྱུར་ཡོང་བར་འགན་ལེན་ཏན་ཏིག་བྱ་དགོས།ཞིབ་འཇུག་དང་ཇུས་འགོད་བྱེད་ཤུགས་ཆེ་རུ་གཏོང་བ།མ་འོངས་པའི་ལོ་ལྔའི་གཙོ་གནད་ལས་འགན་ལ་དམིགས་ནས་ཁྱོན་ཡོངས་ནས་ལེགས་སྒྲིག་དང་།གྲོས་ཚོགས་ཀྱི་བསམ་འཆར་དང་གྲོས་འགོ་བསྡུ་ལེན་གང་ལེགས་བྱེད་པ།འཆར་འགོད་ཀྱི་ནང་དོན་སྔར་བས་ཇེ་ལེགས་སུ་གཏོང་བ།འཕེལ་རྒྱས་ཀྱི་བསམ་ཕྱོགས་དང་ལས་འགན་གཙོ་བོ།ལས་གཞི་གཙོ་བོ།བྱེ་བྲག་གི་རྣམ་གྲངས་ཞིབ་ཕྲ་བཟོས་ཏེ། “ལས་ཀ་རྣམ་གྲངས་ཅན་དང་།རྣམ་གྲངས་ཞིབ་ཐོ་ཅན།ཞིབ་ཐོའི་འགན་འཁྲི་ཅན”བཅས་མཐའ་འཁྱོངས་བྱས་ནས་དམིགས་ཚད་ལས་འགན་དབྱེ་འབྱེད་ཐུབ་པ་དང་།དཔྱད་ཞིབ་ཐུབ་པ།ལེགས་འགྲུབ་ཐུབ་པ་བཅས་ལ་འགན་ལེན་ཏན་ཏིག་བྱ་དགོས།གཙོ་གནད་ཁྱབ་ཁོངས་ལ་དམིགས་པ། རྣམ་གྲངས་ཇུས་འགོད་ལ་ཤུགས་སྣོན་དང་།གནད་དོན་ལ་ཐད་ཀར་དམིགས་པ།ཐོན་ཁུངས་ཀྱི་ལེགས་ཆ་ཆེ་རུ་གཏོང་བ། སྐྱེ་ཁམས་སྲུང་སྐྱོང་དང་། ཐོན་ལས་འཕེལ་རྒྱས། གྲོང་ཁྱེར་དང་གྲོང་གསེབ་མཉམ་འདྲེས་དང་རྨང་གཞིའི་སྒྲིག་བཀོད།སྤྱི་པའི་ཞབས་ཞུ།འཕྲལ་བསྟུན་དོ་དམ།མི་རིགས་མཐུན་སྒྲིལ།སྤྱི་ཚོགས་བཅོས་སྐྱོང་སོགས་ཀྱི་ཁྱབ་ཁོངས་སུ་རྨང་གཞི་འདིང་བ་དང་།ཕུགས་ལ་ཕན་པ། དམངས་འཚོར་ཕན་པ་བཅས་ཀྱི་རྣམ་གྲངས་ཆེན་པོ་ཁག་ཅིག་གྲབས་གསོག་དང་རྣམ་གྲངས་ལེགས་པོ་བཅས་བྱས་ནས་རྣམ་གྲངས་ལ་བརྟེན་ནས་འཆར་འགོད་དང་།འཕེལ་རྒྱས་ལ་འདེགས་སྐྱོར་བྱས་ནས་ལོ་ལྔའི་འཆར་གཞི་བཅུ་པའི་དུས་སྐབས་ཀྱི་སྤུས་ཚད་མཐོ་བའི་འཕེལ་རྒྱས་ལ་རྨང་གཞི་བརྟན་པོ་ཞིག་མཁོ་འདོན་བྱས་ཡོད།
ཚོགས་འདུའི་སྟེང་བླང་བྱ་བཏོན་དོན།རྫོང་ཡོངས་ཀྱི་གོང་འོག་བར་གསུམ་ཚང་མས“ལོ་ལྔའི་འཆར་གཞི་བཅོ་ལྔ་པའི”དུས་སྐབས་ཀྱི་དུས་རིམ་རང་བཞིན་གྱི་བླང་བྱ་ཁོང་དུ་ཆུད་པ་དང་།མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་མཐའ་འཁྱོངས་དང་།ཚན་རིག་དང་མཐུན་པའི་འཐབ་འགོད་ཇུས་འདོན་དང་།ཞིབ་འཇུག་ལ་བརྟག་དཔྱད་གཏིང་ཟབ་བྱེད་པ། གཏན་འཁེལ་དམིགས་ཚད་ལུགས་མཐུན་ཡོང་བ་བཅས་བྱས་ཏེ།རྣམ་གྲངས་འཆར་འགོད་དངོས་སྒྲུབ་བཅས་བྱས་ཏེ།ཚད་མཐོ་བའི་ཆབ་སྲིད་ཀྱི་འགན་འཁྲི་དང་ལོ་རྒྱུས་ཀྱི་འོས་འགན་འདུ་ཤེས་ཡིས“ལོ་ལྔའི་འཆར་གཞི་བཅོ་ལྔ་པའི”སྒྲིག་བཟོའི་ལས་དོན་ལེགས་པར་བསྒྲུབས་ཏེ།མ་འོངས་འདུན་མའི་སྐྱ་རིས་ལེགས་པོར་འདེབས་དགོས།