“འགྲུལ་བཞུད་ཁྲོད་ཀྱི་ཀྲུང་གོ”ལ་སྐྱེ་སྟོབས་ཀྱི་དཔལ་ཡོན་འབར།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། ཚེ་བརྟན་བཀྲ་ཤིས། 

འགྲིམ་འགྲུལ་སྐྱེལ་འདྲེན་པུའུ་ཡི་གཞི་གྲངས་གསར་པ་ལས་མངོན་པར།　ད་ལོའི་རྒྱལ་སྟོན་དང་ཟླ་མཆོད་གུང་གསེང་སྐབས་སུ།　སྤྱི་ཚོགས་ཡོངས་ཀྱི་ས་ཁོངས་བརྒལ་བའི་མི་སྣའི་འཁོར་རྒྱུག་བྱེད་ཚད་མི་ཐེངས་དུང་ཕྱུར24ལས་བརྒལ་ཏེ་ལོ་རྒྱུས་ཀྱི་ཟིན་ཐོ་གསར་པ་སྐྲུན་ཡོད།　　ཕྱོགས་བསྡུས་འགྲིམ་འགྲུལ་སྐྱེལ་འདྲེན་མ་ལག་རྒྱུན་མཐུད་ངང་འཐུས་ཚང་དུ་ཕྱིན་པ་དང་ཆབས་ཅིག　“མི་རྣམས་འགྲོ་འདུག་རང་དབང་དང་།　དངོས་ཟོག་འཁོར་རྒྱུགས་ཐོགས་མེད”ཀྱི་རྣམ་པ་མགྱོགས་པོར་གྲུབ་ནས་འགྲུལ་བཞུད་ཀྱི་ཀྲུང་གོར་འཕེལ་རྒྱས་ཀྱི་གསོན་ཤུགས་རྒྱས།  

གུང་གསེང་དུས་སྐབས་ཀྱི་ཉིན་དང་པོར། འགྲུལ་བཞུད་ཀྱི་མཐོ་རླབས་བསུས་ཤིང་།　 སྤྱི་ཚོགས་ཡོངས་ཀྱི་ས་ཁོངས་ལས་བརྒལ་བའི་མི་སྣའི་འཁོར་རྒྱུག་བྱེད་ཚད་མི་ཐེངས་དུང་ཕྱུར3.36ལ་སླེབས་ཏེ་ལོ་སྔོན་མའི་དུས་མཉམ་ལས་ལོ་རྒྱུས་ཀྱི་ཟིན་ཐོ་གསར་པ་བསྐྲུན། རྒྱལ་ཡོངས་ལྕགས་ལམ་གྱིས་འགྲུལ་པ་མི་ཐེངས་ཁྲི2313.2སྐྱེལ་འདྲེན་བྱས་ཤིང་། ཉིན་གཅིག་གི་འགྲུལ་པ་སྐྱེལ་ཚད་ལོ་རྒྱུས་ཀྱི་ཟིན་ཐོ་གསར་པ་བསྐྲུན་ཡོད། འགྲིམ་འགྲུལ་སྐྱེལ་འདྲེན་པུའུ་ཡིས་ཚེས8ཉིན་བསྒྲགས་པའི་གཞི་གྲངས་གསར་པ་ལས་མངོན་པར། རྒྱལ་སྟོན་དང་ཟླ་མཆོད་དུས་ཆེན་སྐབས་སུ། སྤྱི་ཚོགས་ཡོངས་ཀྱི་ས་ཁོངས་ལས་བརྒལ་བའི་མི་སྣའི་འཁོར་རྒྱུག་བྱེད་ཚད་སྔོན་དཔག་བྱས་ན་མི་ཐེངས་དུང་ཕྱུར24.32ཟིན་པ་དང་། ཉིན་རེར་ཆ་སྙོམས་འཁོར་རྒྱུག་བྱེད་ཚད་མི་ཐེངས་དུང་ཕྱུར3ལྷག་ཟིན་པ་དེ་ལོ་སྔོན་མའི་དུས་མཉམ་ལས6.2%འཕར་ཡོད།

གུང་གསེང་འདིར།　 མི་ཐེངས་དུང་ཕྱུར22.4ཡིས་གཞུང་ལམ་ཐོག་འགྲུལ་བཞུད་བྱས། དེའི་ནང་སྒེར་འཁོར་བཏང་ནས་ཕྱིར་སྐྱོད་ཚད་བཅུ་ཆའི་བརྒྱད་དུ་སླེབས་པ་དང་རླངས་འཁོར་གླས་ནས་ཕྱིར་སྐྱོད་ཚད་ལོ་སྔོན་མའི་དུས་མཉམ་ལས18％ཡན་འཕར་ཏེ། གུང་གསེང་དཔལ་འབྱོར་གྱི་འཕར་གཞི་གསར་པར་གྱུར། སི་ཁྲོན་ནུབ་རྒྱུད་མཐོ་སྒང་ནས་ཧུའུ་ནན་དང་ཧུའུ་པེ་རི་ཁུལ། ཅང་ཞིའི་ལྷོ་ནུབ་ཀྱི་དཀྱིལ་དབུས་ནས་ཅི་ལིན་མཐའ་མཚམས་བར་མྱུར་བགྲོད་གཞུང་ལམ་གསར་པ་སྔར་ལས་མང་པོས་ཕྱིར་བསྐྱོད་ཀྱི་ཉམས་ལེན་གསར་པ་ཞིག་མཁོ་འདོན་བྱས།

ལྕགས་ལམ་ཐོག་འགྲུལ་པ་སྐྱེལ་ཚད་ཉིན་བཞི་ལ་བསྟུད་མར་མི་ཐེངས་ཁྲི1800ལས་བརྒལ་ཡོད། མྱུར་བགྲོད་ལྕགས་ལམ་ས་གནས་མང་པོར་ཐོན་ཐུབ་པས་ཡུལ་སྐོར་ལ“འགྲོ་ཟེར་ན་འགྲོ”ཐུབ་པ་བྱུང་ཡོད།  

གུང་གསེང་འདིར་འགྲུལ་བཞུད་ཀྱི་གསོན་ཤུགས་རྒྱལ་མཚམས་ལས་བརྒལ་ཡོད། སྔོན་དཔག་བྱས་ན་དམངས་སྤྱོད་མཁའ་འགྲུལ་གྱིས་བསྡོམས་པས་འགྲུལ་པ་མི་ཐེངས་ཁྲི1917སྐྱེལ་འདྲེན་བྱས་པ་དང་། ཉིན་རེར་ཆ་སྙོམས་ཀྱིས་རྒྱལ་སྤྱིའི་འགྲུལ་སྐྱེལ་དུས་གཏན་གནམ་གྲུ་གཏོང་ཚད་ལོ་སྔོན་མའི་དུས་མཉམ་ལས10.6%འཕར་ཡོད་། གནམ་གྲུ་བསྐྱར་དུ་གཏོང་ཐུབ་པའི་རྒྱལ་སྤྱིའི་མཁའ་ལམ་མང་པོས་ཀྲུང་གོ་དང་འཛམ་གླིང་གི་ཕྱོགས་གཉིས་སུ་བསྐྱོད་འགོ་ཚུགས་ཡོད།

རྒྱལ་སྟོན་དང་ཟླ་མཆོད་དུས་ཆེན་སྐབས་སུ། ཉིན་རེར་མེ་འཁོར་ཁྲི1.3ཀྲུང་གོའི་ས་གཞི་ཆེ་མོར་གཏོང་གིན་ཡོད། གནམ་གྲུ་ཁྲི1.9ལྷག་བར་སྣང་དུ་འཕུར་བཞིན་ཡོད། སྟབས་བདེའི་འགྲིམ་འགྲུལ་སྐྱེལ་འདྲེན་དྲ་རྒྱས་འགྲུལ་པ་ཕྱིར་སྐྱོད་རྒྱུར་འགན་ལེན་གལ་ཆེན་བྱས་ཡོད། འཛམ་གླིང་ཐོག་གི་དེང་རབས་ཅན་གྱི་འགྲིམ་འགྲུལ་དྲ་བ་ཆེ་ཤོས་ཀྱིས་ང་ཚོར་སྐྱེ་སྟོབས་དང་གསོན་ཤུགས་ཀྱིས་ཁེངས་པའི་ཀྲུང་གོ་བྲིས་ཡོད། །