ལུའོ་ཏུང་ཁྲོན་གྱིས་ཟི་ལིང་གྲོང་ཁྱེར་མཁར་ཤར་ཆུས་ཀྱི་རྨང་གཞིའི་སློབ་གསོའི་བྱ་བར་རྟོག་ཞིབ་གནང་བ།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། ཚེ་བརྟན་བཀྲ་ཤིས།

ཟླ5པའི་ཚེས29ཉིན་གྱི་ཕྱི་དྲོར།　མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི་གཞོན་པའམ།　ཧྲིན་ཀྲང་ལུའོ་ཏུང་ཁྲོན་གྱིས་ཟི་ལིང་གྲོང་ཁྱེར་མཁར་ཤར་ཆུས་སུ་རྨང་གཞིའི་སློབ་གསོའི་བྱ་བར་རྟོག་ཞིབ་གནང་ཞིང་རྒྱ་ཆེའི་དགེ་རྒན་དང་ན་ཆུང་བྱིས་པའི་བྱ་བ་སྒྲུབ་མཁན་རྣམས་ལ་ལྷག་བསམ་ཟོལ་མེད་ཀྱི་འཚམས་འདྲི་ཞུས།

   ཟླ5པའི་ཚེས29ཉིན་གྱི་ཕྱི་དྲོར།　མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི་གཞོན་པའམ།　ཧྲིན་ཀྲང་ལུའོ་ཏུང་ཁྲོན་གྱིས་ཟི་ལིང་གྲོང་ཁྱེར་མཁར་ཤར་ཆུས་སུ་རྨང་གཞིའི་སློབ་གསོའི་བྱ་བར་རྟོག་ཞིབ་གནང་བ་མ་ཟད།“དྲུག་གཅིག”གི་འཚམས་འདྲི་ཞུས་ཏེ་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཚབ་བྱས་ནས་ཞིང་ཆེན་ཡོངས་ཀྱི་ན་ཆུང་བྱིས་པ་རྣམས་ལ་དུས་ཆེན་གྱི་སྨོན་འདུན་ཞུས་པ་དང་།　རྒྱ་ཆེའི་དགེ་རྒན་དང་ན་ཆུང་བྱིས་པའི་བྱ་བ་སྒྲུབ་མཁན་རྣམས་ལ་ལྷག་བསམ་ཟོལ་མེད་ཀྱི་འཚམས་འདྲི་ཞུས།　

   རྟོག་ཞིབ་ཁྲོད།　ལུའོ་ཏུང་ཁྲོན་གྱིས་ནན་གྱིས་བསྟན་དོན།　བློ་བརྟན་འགྱུར་མེད་སྒོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སྤྱད་དེ་བློ་སྒྲིལ་མི་སྐྱོང་བྱེད་པ་དང་།　སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བའི་སློབ་གསོར་ཤུགས་སྣོན་པ།　སློབ་མ་རྣམས་ཀྱིས་ཕུགས་བསམ་དད་མོས་བརྟན་པོ་ཆགས་པར་ཁྲིད་སྟོན་བཅས་བྱས་ནས།　ནམ་ཡང་ཏང་གི་གསུང་ལ་ཉན་པ་དང་ཏང་གི་རྗེས་སུ་འབྲངས་དགོས།　རྒྱུན་ཆད་མེད་པར་སློབ་གསོ་སློབ་ཁྲིད་བཅོས་སྒྱུར་གཏིང་ཟབ་ཏུ་སྤེལ་བ་དང་བྱང་ཚད་ཁྲིད་ཕྱོགས་འབུར་དུ་ཐོན་པར་བྱེད་པ།　རིག་ཚན་ལག་ལེན་ལ་ཤུགས་སྣོན་པ།　སློབ་བསྟུན་སློབ་ཁྲིད་དོན་འཁྱོལ་བྱེད་པ།　སློབ་ཁྲིད་ཇུས་འགོད་དང་སློབ་ཁྲིད་བྱེད་ཐབས་གསར་གཏོད་བྱེད་པ།　རྒྱུན་རྣམ་ཅན་གྱི་སྒོ་ནས་རང་བྱུང་སྐྱེ་ཁམས་ཚན་རིག་ཁྱབ་གདལ་ཉམས་ལེན་དང་གསར་བརྗེའི་ཞིབ་འཇུག་སློབ་སྦྱོང་།　མི་རིགས་མཐུན་སྒྲིལ་ཡར་ཐོན་སློབ་གསོ།　ཚན་རྩལ་གསར་སྐྲུན་ཐད་ཀྱི་ལག་ལེན་སོགས་བྱེད་སྒོ་སྤེལ་ནས་སློབ་གྲྭའི་སློབ་སྒྲུབ་ཁྱད་ཆོས་མངོན་པའི་སློབ་ཁྲིད་མི་སྐྱོང་མ་ལག་མགྱོགས་མྱུར་སྒོས་བསྐྲུན་དགོས།　བྱང་ཚད་མཐོ་བའི་ཆེད་ལས་ཅན་གྱི་དགེ་རྒན་དཔུང་སྡེའི་འཛུགས་སྐྲུན་ལ་ཤུགས་སྣོན་པ་དང་སློབ་གསོ་པའི་སྙིང་སྟོབས་ཤུགས་ཆེན་པོས་དར་སྤེལ་གཏོང་བ།　དུས་རབས་གསར་པའི་དགེ་རྒན་གྱི་སྤྱོད་ཚུལ་འཛུགས་སྐྲུན་བྱེད་པའི་ཡུན་ཕན་རྐྱེན་སྲོལ་འཐུས་ཚང་དུ་གཏོང་བ་བཅས་བྱས་ནས།　དགེ་རྒན་ལ་བརྩི་བཀུར་དང་སློབ་གསོར་མཐོང་ཆེན་བྱེད་པའི་སྤྱི་ཚོགས་ཀྱི་སྣང་ཚུལ་བཟང་བོ་དར་སྤེལ་གཏོང་དགོས།　སློབ་གླིང་གི་བདེ་འཇགས་ཆུ་ཚད་སྲ་བརྟན་ཇེ་མཐོར་གཏོང་བ་དང་།　སེམས་ཁམས་བདེ་ཐང་སློབ་གསོ་དང་བྱིས་པའི་ཁེ་དབང་འགན་སྲུང་སོགས་ཀྱི་བྱ་བ་སྣ་ཚོགས་ཏན་ཏིག་གིས་ལེགས་པོར་བསྒྲུབ་ནས།　སློབ་མའི་ལུས་སེམས་བདེ་ཐང་དང་བདེ་འཇགས་སྤྲོ་སྐྱིད་ཀྱིས་འཚར་ལོངས་འབྱུང་བར་འགན་སྲུང་ལེགས་པོ་བྱེད་དགོས།　　

   རྟོག་ཞིབ་སྐབས་སུ།　ལུའོ་ཏུང་ཁྲོན་སློབ་གྲྭའི་ན་ཆུང་གདོང་ལེན་རུ་ཁག་ནང་ཞུགས་པའི་མཛད་སྒོར་ཞུགས་ཏེ་རུ་མི་གསར་པར་སྐེ་དཀྲིས་དམར་པོ་བཏགས་པར་མ་ཟད།　དམ་བཅའ་འཇོག་པར་བདེན་དཔང་བྱས།

དབྱང་ཀྲི་ཝུན་རྟོག་ཞིབ་ལ་ཞུགས།　།