མཚོ་བྱང་ཁུལ་དུ་ཐེངས24པའི་གཞོན་དར་ལས་བྱེད་པའི་གསོ་སྦྱོང་འཛིན་གྲྭ་མཚོ་བྱང་ཁུལ་ཨུའི་ཏང་གི་སློབ་གྲྭར་དངོས་སུ་སློབ་མགོ་ཚུགས་པ།

   རྩོམ་སྒྲིག   ཚེ་གཟུངས་སྐྱིད།　ཡོང་ཁུངས། མཚོ་བྱང་ཁུལ་མི་རིགས་སྐད་ཡིག་ལས་དོན་ལྟེ་གནས།　བཤེར་འབེབས།　ཚེ་བརྟན་བཀྲ་ཤིས།

  ཟླ10ཚེས16ཉིན།　དུས་ཡུན་ཟླ་བ་གཉིས་ཡིན་པའི་མཚོ་བྱང་ཁུལ་དུས་ཐེངས24པའི་གཞོན་དར་ལས་བྱེད་པའི་གསོ་སྦྱོང་འཛིན་གྲྭ་མཚོ་བྱང་ཁུལ་ཨུའི་ཏང་གི་སློབ་གྲྭར་དངོས་སུ་སློབ་མགོ་ཚུགས། 

  ཁུལ་ཨུའི་རྒྱུན་ཨུ་དང་། རྩ་འཛུགས་པུའི་པུ་ཀྲང་། ཏང་གི་སློབ་གྲྭའི་སློབ་གཙོ་སི་ཅི་ཧྲེང་མགོ་ཚུགས་མཛད་སྒོར་ཞུགས་པ་དང་འབྲེལ་འཛིན་གྲྭ་མགོ་ཚུགས་པའི་སློབ་ཚན་དང་པོ་ཁྲིད་པ་དང་།　　 ཁུལ་ཨུའི་ཏང་གི་སློབ་གྲྭའི་སློབ་གཙོ་གཞོན་པ་དང་པོ་མཱ་ཀྲི་ཧྥང་གིས་ཤིས་ཚིག་ཕུལ།　ཁུལ་ཨུའི་རྩ་འཛུགས་པུའི་པུ་ཀྲང་གཞོན་པ་ལི་ཁའེ་སློབ་མགོ་ཚུགས་པའི་མཛད་སྒོ་གཙོ་སྐྱོང་གནང་།