ཤ་བོ་སྐྱབས་ཁུལ་གྱི་ཟི་ལིང་ལས་བྱེད་རྒན་པའི་བྱ་འགུལ་ལྟེ་གནས་སུ་བསྐྱོད་དེ་བརྟག་ཞིབ་གནང་།
རྩོམ་སྒྲིག་པ། ཚེ་གཟུངས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།
ཟླ2པའི་ཚེས22ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ཟི་ལིང་གྲོང་ཁྱེར་དུ་གནས་པའི་མཚོ་བྱང་ཁུལ་གྱི་ལས་བྱེད་རྒན་པའི་བྱ་འགུལ་ལྟེ་གནས(འཇོན་མིའི་ལས་ཤག)སུ་ཕེབས་ནས་ལས་བྱེད་རྒན་པའི་བྱ་བ་དང་མཚོ་བྱང་འཇོན་མིའི་ལས་ཤག་འཁོར་སྐྱོད་གནས་ཚུལ་ལ་བརྟག་ཞིབ་གནང་ལ། དུས་མགོར་སྒྲུབ་སྐུལ་བྱས་པའི་བྱ་བའི་དོན་འཁྱོལ་གནས་ཚུལ་ལ་ཞིབ་བཤེར་བྱས།
ཤ་བོ་སྐྱབས་ཀྱིས་ནན་གྱིས་བསྟན་དོན། མཚོ་བྱང་འཕེལ་རྒྱས་ཐད་ཐོབ་པའི་ཡར་རྒྱས་དང་འགྱུར་ལྡོག ཐོབ་པའི་གྲུབ་འབྲས་བཅས་ཀྱི་ཐོག་ཏུ་ལས་བྱེད་རྒན་པས་དཀའ་སྤྱད་འབད་བརྩོན་དང་བློ་གྲོས། སེམས་ཤུགས་བཅས་གཅིག་ཏུ་འདུས་ཡོད་ལ། རྒྱལ་ཡོངས་དང་ཞིང་ཆེན་ཡོངས་གྱི“སྔོན་ཐོན་གཉིས”ཀྱི་གཟེངས་བསྟོད་ཚོགས་ཆེན་གྱི་དགོངས་དོན་དང་ཧྲུའུ་ཅི་ཝུའུ་ཞའོ་ཅུན་གྱིས་ལས་བྲལ་དང་ལས་འཁྱུར་ངལ་གསོ་བྱས་པའི“སྔོན་ཐོན་གཉིས”ཀྱི་འཐུས་མི་དང་མཇལ་འཛོམས་སྐབས་གནང་བའི་གསུང་བཤད་ཀྱི་བླང་བྱ་སློབ་སྦྱོང་དང་ལག་བསྟར་ནན་ཏན་བྱས་ཏེ། ནུས་ཤུགས་དང་བརྩེ་སེམས་ལ་བརྟེན་ནས་སེམས་ཁུར་དང་གཅེས་སྐྱོང་ཞབས་ཞུའི་བྱ་བ་ཡག་པོར་སྒྲུབ་ནས་ལས་བྱེད་རྒན་པའི་ཚོར་སྣང་དང་ཞུགས་སྣང་། ཐོབ་སྣང་བཅས་རྒྱུན་ཆད་མེད་པར་ཆེ་རུ་གཏོང་དགོས་ཏེ། གཅིག་ནས་བྱ་བའི་ཆུ་ཚད་མཐོ་རུ་གཏོང་དགོས། “མདེལ་གཉིས་སྐར་གཅིག”གི་སྙིང་སྟོབས་དང་ནུབ་ལམ་དམག་དཔུང་གི་སྙིང་སྟོབས་རྒྱུན་འཛིན་ལ་བརྟེན་ནས་རྨ་ཆུའི་རྒྱལ་ཁབ་རིག་གནས་སྤྱི་གླིང་དང་ལྕགས་རི་རིང་བོ་རྒྱལ་ཁབ་རིག་གནས་སྤྱི་གླིང་གི་གཏམ་རྒྱུད་ཡག་པོར་བཤད་དགོས། བསམ་བློ་ཆབ་སྲིད་སློབ་གསོ་དམ་འཛིན་ཏན་ཏིག་བྱས་ཏེ་ལས་བྲལ་དང་ལས་འཁྱུར་ངལ་གསོ་བྱས་པའི་ལས་བྱེད་པའི་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ནུས་པ་ཆེ་རུ་གཏོང་དགོས། ལས་བྱེད་རྒན་པ་ཚོགས་འདུ་གལ་ཆེན་དང་བྱེད་སྒོ་གལ་ཆེན་ནང་གདན་ཞུ་ཧུར་ཐག་བྱེད་དགོས་པ་དང་། ལས་བྱེད་རྒན་པས་ཁུལ་ཡོངས་ཀྱི་ཐོན་ལས་ཀྱི“གནས་བཞིའི”འཛུགས་སྐྲུན་དང“སྤྱི་གླིང་གཉིས་དང་བཙན་ས་གཅིག”འཛུགས་སྐྱོང་སོགས་ལྟེ་བའི་བྱ་བར་དོ་ཁུར་བྱེད་པར་ཁྲིད་སྟོན་བྱས་ཏེ་མཚོ་བྱང་གི་སྤུས་ཚད་མཐོ་བའི་འཕེལ་རྒྱས་ལ་བློ་གྲོས་དང་སྟོབས་ཤུགས་ལེགས་སྐྱེས་སུ་དབུལ་དགོས། གཉིས་ནས་ཞབས་ཞུའི་འདུ་ཤེས་ཆེ་རུ་གཏོང་དགོས། ལས་བྱེད་རྒན་པའི་བསམ་ཚུལ་དང་དགོས་མཁོ། རེ་བ་བཅས་ལ་དམིགས་ནས་སྟེགས་ལྒང་དང་ཕིང་ཕང་སྤོ་ལོའི་བྱེད་སྒོ་ཁང་། སྨྱན་མང་གཟུགས་ཁང་། ཡིག་གཟུགས་ཁང་། ཞབས་བྲོ་ཁང་། དཔེ་ཀློག་ཁང་། བདེ་ཐང་ཁང་ཆུང་སོགས་བྱེད་ནུས་ཁུལ་མུ་མཐུད་ཇེ་ལེགས་སུ་བཏང་སྟེ། བེད་མེད་ཐོན་ཁུངས་བཀོལ་སྤྱོད་དང་བསྡུ་སྒྲིལ་བྱེད་དགོས། སྐད་འཕྲིན་སྤྱི་སྟེགས་གཉེར་སྐྱོང་དང་བེད་སྤྱོད་ཡག་པོ་བྱེད་དགོས་པ་དང་། གསར་བརྗེའི་ཉམས་ཞིབ་དང་ཡུལ་གཞན་དུ་ཁམས་གསོ། བདེ་ཐང་བརྟག་དཔྱད་སོགས་ཀྱི་བྱེད་ཐབས་དོན་འཁྱོལ་ཡག་པོ་བྱས་ཏེ་ལས་བྲལ་དང་ལས་འཁྱུར་ངལ་གསོ་བྱས་པའི་ལས་བྱེད་རྒན་པས་དུས་དང་རྣམ་པ་ཀུན་ཏུ་ཏང་གི་ཐུགས་ཁུར་དང་དྲོ་སྐྱིད་ཚོར་ཐུབ་པ་བྱེད་དགོས། གསུམ་ནས་བྱ་བའི་འགན་སྲུང་བྱེད་ཤུགས་ཆེ་རུ་གཏོང་དགོས། རྩ་འཛུགས་སྡེ་ཁག་གིས་གཅིག་གྱུར་འཆར་འགོད་མཛུབ་ཁྲིད་བྱེད་ཤུགས་ཆེ་རུ་བཏང་ནས་ཟི་ལིང་དུ་བཅའ་སྡོད་བྱས་པའི་རྫོང་བཞིའི་ལས་བྱེད་ངལ་གསོ་ཁང་གི་སྟོབས་ཤུགས་འདོན་སྤེལ་བྱས་ནས་བྱ་བ་སོ་སོ་ཡག་པོར་སྒྲུབ་དགོས་པ་དང་། ནོར་སྲིད་སྡེ་ཁག་གིས་རང་འགུལ་ངང་ལས་བྱེད་རྒན་པའི་བྱ་འགུལ་ལྟེ་གནས་ཀྱི་རྒྱུན་གཏན་འཁོར་སྐྱོད་གྲོན་དངུལ་འགན་སྲུང་ཡག་པོ་བྱེད་དགོས་ཟེར།
ཁུལ་གྱི་མགོ་ཁྲིད་སུང་ཞུག་ཙུང་དང་། སི་ཅི་ཧྲིན། ཀརྨ་ཚེ་རིང་། དེ་བཞིན་ཁུལ་ཨུའི་རྩ་འཛུགས་པུའུ་དང་ཁུལ་ནོར་སྲིད་ཅུས། ཁུལ་ལས་ཁུངས་ལས་དོན་དོ་དོམ་ཅུས་བཅས་ཀྱི་འབྲེལ་ཡོད་འགན་འཁུར་བློ་མཐུན་བརྟག་ཞིབ་ལ་ཞུགས།