海北州冬季行动为农民工追发工资逾176万元
མཚོ་བྱང་ཁུལ་གྱིས་དགུན་དུས་འགུལ་སྐྱོད་སྤེལ་ནས་ཞིང་པ་ལས་མིའི་གླ་ཕོགས་སྒོར་ཁྲི176ལྷག་ལེན་རོགས་བྱས།
རྩོམ་སྒྲིག ཚེ་གཟུངས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།
དགུན་དུས་འགུལ་སྐྱོད་སྤེལ་བ་ནས་བཟུང་། མཚོ་བྱང་བོད་རིགས་རང་སྐྱོང་ཁུལ་གྱིས་བྱེད་ཐབས་མང་པོ་སྤྱད་ནས་གླ་ཕོགས་བཅོས་སྐྱོང་བྱེད་པའི་དགུན་དུས་འགུལ་སྐྱོད་བྱེད་སྒོ་སྤེལ་བ་དང་། ཧུར་ཐག་གིས་ཞིང་པ་ལས་མི་ཚོར་བཅའ་ཁྲིམས་ཀྱི་འགན་སྲུང་དང་ཁེ་དབང་ཞབས་ཞུ་མཁོ་འདོན་བྱས་ཏེ། འགུལ་སྐྱོད་དངོས་ལ་བརྟེན་ནས་ཞིང་པ་ལས་མིའི“གླ་ཕོགས་སྲུང་མཁན”བྱས་ནས་བསྡོམས་པའི་ཁུལ་ཡོངས་ཀྱི་གླ་ཕོགས་ཆད་པའི་གནད་དོན27ཐག་གཅོད་བྱས་པ་དང་། ཞིང་པ་ལས་མི128ཀྱི་གླ་ཕོགས་སྒོར་ཁྲི176.69ལེན་རོགས་བྱས།
གཅིག་ནི་འགུལ་སྐྱོད་ཡོངས་ཁྱབ་ཏུ་སྤེལ་བ། གླ་ཕོགས་ཆད་ལུས་བཅོས་སྐྱོང་བྱེད་པའི་དགུན་དུས་འགུལ་སྐྱོད་ལག་བསྟར་ཇུས་གཞི་བཟོས་བ་དང་པར་འགྲེམས་བྱས་ཏེ། སྡེ་ཁག་མང་པོ་སྒྲིག་འཛུགས་བྱས་ནས་ཡུལ་དངོས་སུ་གླ་ཕོགས་ཆད་ལུས་ཀྱི་གནད་དོན་ཞིབ་བཤེར་བྱ་བ་ཡོངས་ཁྱབ་ཏུ་སྤེལ། ཨར་ལས་འཛུགས་སྐྲུན་དང་འགྲིམ་འགྲུལ་སྐྱེལ་འདྲེན། ཆུ་བེད་སོགས་ངལ་རྩོལ་པ་མང་པོ་འདུས་པའི་ལས་རིགས་དང་བཟོ་སྐྲུན་འཛུགས་སྐྲུན་ཁྱབ་ཁོངས་ནང་གི་གཙོ་གནད་ལས་གཞི་དང་གཙོ་གནད་ཁེ་ལས་ལ་ཞིབ་བཤེར་བྱས་ཏེ་འཛུགས་སྐྲུན་བྱེད་བཞིན་པའི་ལས་གཞི13གྱི་ཡུལ་དངོས་སུ་བསྐྱོད་པ་དང་། ཁེ་ལས13ལ་ཞིབ་བཤེར་བྱས་ཤིང་ལས་བཟོ་པའི་མི་གྲངས་དང་གླ་ཕོགས་སྤྲོད་པའི་གནས་ཚུལ། མ་དངུལ་གཏོང་སྤྲོད་བྱས་ཚུལ་སོགས་ལ་རྒྱུས་ལོན་ཞིབ་མོ་བྱས་པར་མ་ཟད། གླ་ཕོགས་ཆད་པའི་གཞུང་དབང་ཁེ་ལས2ཀྱི་འགན་འཁུར་བ་དང་ཁ་བརྡ་གྲོས་མོལ་བྱས་པ་དང་། སྲིད་གཞུང་གིས་མ་འཇོག་བྱས་པའི་གླ་ཕོགས་ཆད་པའི་ལས་གཞི3ལ་དྲན་སྐུལ་ཡི་གེ་བསྐུར།