ཤ་བོ་སྐྱབས་དང་ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གི་ཏང་ཨུའི་ཧྲུའུ་ཅི་ཏོའུ་ཅན་འཁོར་དང་བཅས་པས་བཞུགས་མོལ་བརྗེ་རེས་གནང་པ།

རྩོམ་སྒྲིག ཚེ་གཟུངས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།

ཟླ5པའི་ཚེས15ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་དང་ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གི་ཏང་ཨུའི་ཧྲུའུ་ཅི་ཏོའུ་ཅན་འཁོར་དང་བཅས་པས་བཞུགས་མོལ་བརྗེ་རེས་གནང་པ་དང། ཕྱོགས་གཉིས་ཀྱིས་སྲིད་གཞུང་དང་དངུལ་ཁང་གི་མཉམ་ལས་གཏིང་ཟབ་ཏུ་གཏོང་བ་དང་དངུལ་རྩའི་ཐོན་རྫས་གསར་གཏོད་བྱ་རྒྱུར་དམ་པོར་དམིགས་ནས། མཚོ་བྱང་གི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་རོགས་རམ་བྱེད་པའི་ཐད་བརྗེ་རེས་གཏིང་ཟབ་གནང་པ།

ཤ་བོ་སྐྱབས་ཀྱིས་ཏོའུ་ཅན་འཁོར་དང་བཅས་པར་སྤྲོ་སེམས་འཁོལ་བའི་དགའ་བསུ་ཞུས་པ་དང་། ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གིས་དུས་ཡུན་རིང་པོའི་ནང་མཚོ་བྱང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རྒྱབ་སྐྱོར་དང་རོགས་རམ་གནང་པར་ཐུགས་རྗེ་ཆེ་ཞུས་པ་དང་འབྲེལ་མཚོ་བྱང་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གནས་ཚུལ་ངོ་སྤྲོད་མདོར་བསྡུས་གནང་། ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གིས་ས་གནས་ཀྱི་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བ་དང་ཐོན་ལས་ཀྱི་ཕྱོགས་སྒྱུར་རིམ་སྤོར་ཇེ་མགྱོགས་སུ་གཏོང་བའི་ཐད་དངུལ་རྩའི་འདེགས་སྐྱོར་འགན་ལེན་གྱི་ནུས་པ་འདོན་སྤེལ་གང་ལེགས་བྱས་ཏེ། མཚོ་བྱང་གི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་རོགས་རམ་བྱ་རྒྱུའི་རེ་བ་ཡོད་དེ། གཅིག་ནས་མཚོ་བྱང་གི་གཙོ་རྟེན་ཐོན་ལས་དང་གཙོ་གནད་ལས་གཞི། ཁེ་ལས་ཀྱི་མ་དངུལ་བསྡུ་རུབ། རྨང་གཞིའི་སྒྲིག་བཀོད་འཛུགས་སྐྲུན་བཅས་ལ་ཡིད་རྟོན་དངུལ་བུན་གྱི་རྒྱབ་སྐྱོར་བྱེད་ཤུགས་མུ་མཐུད་ཆེ་རུ་བཏང་སྟེ། མཚོ་བྱང་གི་ཁྱད་ལྡན་ཐོན་ལས་སྤུས་ལེགས་དང་ཞིབ་ཚགས་སུ་གཏོང་བར་དངུལ་རྩའི"གསོན་ཤུགས"སྔར་ལས་མང་པ་སྣོན་དགོས། གཉིས་ནས་གླིང་ཁུལ་གྱི་ཐོན་ལས་གཅིག་བསྡུས་ཀྱིས་འཕེལ་རྒྱས་གཏོང་བ་དང་། གཏེར་རིའི་ཐོན་ཁུངས་གསར་སྤེལ་དང་བེད་སྤྱོད། ནུས་རྒྱུ་འདོན་སྤྲོད་འགན་ལེན་དང་ལྗང་མདོག་ཕྱོགས་བསྡུས་ནུས་རྒྱུ་གླིང་ཕྲན་འཛུགས་སྐྲུན། ནགས་ཚལ་དང་མཚེའུ། གངས་འཁྱག་དཔལ་འབྱོར་གསོ་སྐྱོང་དང་རྒྱ་སྐྱེད་གཏོང་བ་སོགས་ཀྱི་ཐད་དངུལ་རྩའི་རྒྱབ་སྐྱོར་བྱེད་ཤུགས་ཆེ་རུ་གཏོང་རོགས། མཚོ་བྱང་ཁུལ་གྱིས་དངུལ་རྩའི་སྒྲིག་གཞི་དང་འབྲེལ་མཐུད་བྱ་རྒྱུར་ཤུགས་བསྣན་ནས་རྒྱུན་རྣམ་ཅན་གྱི་མཉམ་འབྲེལ་གདན་ཞུའི་ལམ་སྲོལ་བཙུགས་ཏེ། ཀྲུང་གོ་དངུལ་ཁང་གིས་མཚོ་བྱང་ལས་སྒོ་འཕེལ་རྒྱས་གཏོང་ཆེད་ཁོར་ཡུག་བཟང་པོ་ཞིག་གཏོད་དགོས་དང་ཆབས་ཅིག་ཀྲུང་གོ་དངུལ་ཁང་དང་ཡན་ལག་དངུལ་ཁང་སོ་སོས་ལས་བྱེད་པ་དང་ལས་བཟོ་བ་སྒྲིག་འཛུགས་བྱས་ཏེ། མཚོ་བྱང་དུ་གསར་བརྗེའི་ཉམས་ཞིབ་དང་སློབ་གསོ་གསོ་སྦྱོང་བྱེད་པར་ལྷག་བསམ་ཟོལ་མེད་ངང་གདན་འདྲེན་ཞུས་པ་ཡིན་ཟེར།

ཏོའུ་ཅན་གྱིས་མཚོ་བྱང་ཁུལ་གྱིས་དུས་ཡུན་རིང་པོའི་ནང་ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་ལ་ཡིད་ཆེས་དང་རྒྱབ་སྐྱོར་གནང་པར་ཐུགས་རྗེ་ཆེ་ཞུས་པ་དང་འབྲེལ་ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གི་ལས་སྒོ་འཕེལ་རྒྱས་ཀྱི་གནས་ཚུལ་དང་མ་འོངས་པའི་འཆར་འགོད་ངོ་སྤྲོད་གནང་ནས་བཤད་རྒྱུར། མཚོ་བྱང་གི་ས་བབ་ལེགས་ཆ་མངོན་གསལ་ཡིན་པ་དང་ཐོན་ཁུངས་ཀྱི་ལེགས་ཆ་ལྡན་པ། ཐོན་ལས་ཀྱི་ལྷུ་ལག་ཚང་བ། ཚོང་གཉེར་ཁོར་ཡུག་བཟང་པོ་ལྡན་པས། ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གིས"མཚོ་བྱང་ལྔ"འཛུགས་སྐྲུན་བྱེད་པའི་དམིགས་འབེན་ལ་རྩེ་གཅིག་ཏུ་དམིགས་ནས་དངོས་གཞིའི་དཔལ་འབྱོར་གྱི་ཞབས་ཞུར་དམ་པོར་དམིགས་པ་དང་། དངུལ་ཁང་དང་མཚོ་བྱང་བར་འབྲེལ་གཏུག་བརྗེ་རེས་གཏིང་ཟབ་བྱེད་པ་དང་མཉམ་ལས་དམ་ཟབ་བཅས་བྱས་ཏེ་ས་གནས་དང་བསམ་སྤྱོད་གཅིག་མཐུན་དང་ཕྱོགས་གཅིག་ཤུགས་འདོན་བྱས་ནས། མཚོ་བྱང་ཁུལ་གྱི་ཚོང་འགུགས་མ་འདྲེན་དང་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་ཆེད་ལེགས་སྐྱེས་སྔར་ལས་ཆེ་བ་འབུལ་རྒྱུ་ཡིན་ཟེར།

ཁུལ་གྱི་མགོ་ཁྲིད་ཚོ་ཅི་ཆང་དང་ཀརྨ་ཚེ་རིང་། ཁུལ་འཕེལ་སྒྱུར་དང་། ནོར་སྲིད། བཟོ་ཚོང་མཉམ་འབྲེལ་ལྷན་ཚོགས་བཅས་ཀྱི་འགན་འཁུར་བློ་མཐུན་དང་། ཀྲུང་གོ་དངུལ་ཁང་མཚོ་བྱང་ཁུལ་ཉིང་ལག་དངུལ་ཁང་གི་འབྲེལ་ཡོད་འགན་འཁུར་བློ་མཐུན་ཞུགས།

---

夏吾杰与中国银行青海省分行党委书记窦剑一行座谈交流

5月15日，州委书记夏吾杰与中国银行青海省分行党委书记窦剑一行座谈，双方围绕深化政银合作、创新金融产品，助力海北经济高质量发展进行深入交流。

夏吾杰对窦剑一行表示热烈欢迎，对中国银行青海省分行长期以来给予海北经济社会发展的支持和帮助表示感谢，并简要介绍了海北州经济社会发展情况。希望中国银行青海省分行充分发挥金融在促进地方经济发展和加快产业转型升级等方面的支撑保障作用，助力海北经济社会高质量发展。一是持续加大对海北支柱产业、重点项目、企业融资、基础设施建设的信贷支持力度，为海北做精做细特色产业注入更多金融“活水”。二是在园区产业集聚发展、矿山资源开发利用、能源保供绿色综合能源岛建设、林海冰雪经济培育壮大等方面加大金融支持。海北州将加强与金融机构的沟通衔接，建立常态化联席机制，为中国银行在海北业务发展创造良好环境。同时，真诚邀请中国银行和各分行组织干部职工到海北开展红色研学和教育培训。

窦剑对海北州长期以来对中国银行青海省分行的信任和支持表示感谢，并介绍了中国银行青海省分行的业务发展情况和未来规划。表示，海北区位优势明显，资源禀赋优越，产业配套完善，营商环境良好，中国银行青海省分行将紧紧围绕“五个海北”建设目标，聚焦服务实体经济，深化银地沟通交流、密切合作，与地方同频共振、同向发力，为海北州招商引资和助推经济社会发展作出更大贡献。

州领导曹际强、尕玛才仁，州发改、财政、工商联负责同志及中国银行海北州支行相关负责同志参加。