“མཛེས་པའི་ཀྲུང་གོ་ང་ནི་སྔོན་བསྐྱོད་པ་ཡིན”ཞེས་པའི2025ལོའི་དྲུག་ལྔ་ཁོར་ཡུག་ཉིན་མོའི་མཚོ་བྱང་གི་བྱེད་སྒོ་སྤེལ།
རྩོམ་སྒྲིག་པ།ཚེ་གཟུངས་སྐྱིད། ཡོང་ཁུངས།མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།
ཟླ6པའི་ཚེས5ཉིན། མདའ་བཞི་རྫོང་མི་དམངས་སྲིད་གཞུང་དང་མཚོ་བྱང་ཁུལ་སྐྱེ་ཁམས་ཁོར་ཡུག་ཅུས། ཀྲུང་གོ་ས་གཤིས་བཟོ་སྐྲུན་སྡེ་ཚོགས་ཚད་ཡོད་སྤྱི་གཉེར་ཁང་། ཀྲུང་གོ་འཛུགས་སྐྲུན་ཅུས་གསུམ་པའི་སྡེ་ཚོགས་ཚད་ཡོད་སྤྱི་གཉེར་ཁང་བཅས་ཀྱིས་མཉམ་འབྲེལ་ཐོག་གཉེར་བའི“མཛེས་པའི་ཀྲུང་གོ་ང་ནི་སྔོན་བསྐྱོད་པ་ཡིན”ཞེས་པའི2025ལོའི་དྲུག་ལྔ་ཁོར་ཡུག་ཉིན་མོའི་མཚོ་བྱང་གི་བྱེད་སྒོ་མཚོ་སྔོན་པོ་སྨོན་ལམ་མཐོན་པོ་སྒར་འདེབས་རྟེན་གཞིར་འཚོགས། ཁུལ་ཨུའི་ཧྲུའུ་ཅི་ཤ་བོ་སྐྱབས་བྱེད་སྒོར་ཞུགས་ནས་མཚོ་བྱང་གི་སྐྱེ་ཁམས་ཁོར་ཡུག་སྲུང་སྐྱོབ་དང་བླངས་པར་དར་ཆ་སྤྲད་པ། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རིན་ཆན་གོ་ཆིན་དང་། ཁུལ་ཨུའི་རྒྱུན་ཨུ་ཀྲའོ་ཧའེ་ཕིང་། ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ་ཚོ་ཅི་ཆང་། ཁུལ་དཔོན་གཞོན་པ་ཧན་ཧྲི། ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་ཁྲང་ལིན་བཅས་བྱེད་སྒོར་ཞུགས། ཀྲའོ་ཧའེ་ཕིང་གིས་ཤིས་ཚིག་ཕུལ་ལ།ཧན་ཧྲི་ཡིས་གཙོ་སྐྱོང་གནང་།
ཀྲའོ་ཧའེ་ཕིང་གིས་ཤིས་ཚིག་ཕུལ་སྐབས་མཚོ་བྱང་ཁུལ་ནི་མཚོ་སྔོན་པོའི་བྱང་ངོགས་དང་མདོ་ལ་རི་བོའི་ལྷོ་འདབས་སུ་གནས་ལ། “མཚེའུ་གཅིག་དང་གླིང་ཁུལ་གཉིས་གཙང་བོ་གསུམ”གྱི་གནད་འགག་ལ་བརྟེན་ནས་མཚོ་སྔོན་ཞིང་ཆེན་གྱི་སྐྱེ་ཁམས་འགོག་སྲུང་གལ་ཆེན་དང་ཆུ་ཁུངས་སྲུང་སྐྱོབ་བྱ་ཡུལ་དུ་གྱུར་ཡོད། མངའ་ཁོངས་སུ་རི་ཆུ་མང་བ་དང་ནགས་རྩྭ་ཕུན་སུམ་ཚོགས་པ། མཚོ་སྔོན་པོའི་རྦ་རླབས་དགུང་དུ་འཕྱོ་བ། འཁྱགས་རོམ་རྣམ་པར་མཐོ་བ་བཅས་ཡིན་པས་ཞིང་ཆེན་ནང་ཁུལ་གྱི་རི་ཆུ་ནགས་ཞིང་མཚེའུ་རྩྭ་བྱེ་མ་འཁྱགས་ཀླུང་སོགས་སྐྱེ་ཁམས་རྒྱུ་རྐྱེན་ཆ་ཚང་ཤོས་དང་གཅིག་བསྡུས་ཆེ་ཤོས་ཀྱི་ས་ཁུལ་གྱི་གྲས་ཤིག་ཡིན་ལ། ནུབ་རྒྱུད་བྱེ་ཐང་ཤར་དུ་བཙན་འཛུལ་བྱེད་པར་བཀག་འགོག་བྱེད་པའི་སྐྱེ་ཁམས་འགོག་སྲུང་གལ་ཆེན་ཞིག་ཀྱང་ཡིན་པས་ས་ཁོངས་ཀྱི་སྐྱེ་ཁམས་བརྟན་ལྷིང་ལ་སྐུལ་འདེད་བྱེད་པར་རང་བྱུང་སྙོམས་སྒྲིག་གི་ནུས་པ་ཧ་ཅང་ཆེན་པོ་འདོན་སྤེལ་བྱེད་བཞིན་ཡོད། ཞིང་ཆེན་ཡོངས་དང་རྒྱལ་ཡོངས་ཀྱི་སྐྱེ་ཁམས་བདེ་འཇགས་སྲུང་སྐྱོང་བྱེད་པའི་ཁྲོད་འཐབ་ཇུས་གོ་གནས་ཧ་ཅང་གལ་ཆེ་བ་དང་། ཚབ་བྱེད་མི་ཐུབ་པའི་རང་བཞིན་དང་འདྲ་བཟོ་མི་ཐུབ་པའི་རང་བཞིན་ལྡན་ཡོད།
