ཤ་བོ་སྐྱབས་ཀྱིས་གསར་བརྗེའི་ཉམས་ཞིབ་དང་སློབ་གསོ་གསོ་སྦྱོང་བྱ་བར་ལྟ་སྐུལ་མཛུབ་ཁྲིད་དང་བརྟག་ཞིབ་གནང་སྐབས"མདེལ་གཉིས་སྐར་གཅིག"གི་སྙིང་སྟོབས་རྒྱུན་འཛིན་དང་དར་སྤེལ་བཏང་ནས་གསེར་དངུལ་ཐང་གསར་བརྗེའི་རྩྭ་ཐང་གི་མཚན་སྙན་རྒྱུན་མཐུད་ངང་མཐོ་རུ་གཏོང་དགོས་པ་ནན་གྱིས་བསྟན།

རྩོམ་སྒྲིག ཚེ་གཟུངས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།

ཟླ6པའི་ཚེས12ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་ཁུལ་གྱི་མང་ཚོགས་ཚོགས་པ་དང་སྲིད་ཁྲིམས། འཐབ་ཕྱོགས་གཅིག་གྱུར་ལས་བྱེད་པའི་གསོ་སྦྱོང་ལྟེ་གནས་དང་། 221རྟེན་གཞིའི་གནས་རྙིང་ཡན་ལག་བཟོ་གྲྭ་གསུམ་དང་བཞི་པ། མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་། སྤྱི་པའི་ལས་རིགས་རྩལ་ནུས་དངོས་སྦྱོང་རྟེན་གཞི་བཅས་སུ་ལྟ་སྐུལ་མཛུབ་ཁྲིད་དང་བརྟག་ཞིབ་གནང་སྐབས་ནན་གྱིས་བསྟན་དོན། "མིག་མངས་འགྲིག་སྐོར་གཅིག"གི་བསམ་བློ་བརྟན་པོར་འཆང་བ་དང་། གསར་བརྗེའི་ཐོན་ཁུངས་ཕུན་སུམ་ཚོགས་པ་སྔོག་འདོན་གཏིང་ཟབ་བྱེད་པ། ཐོན་ཁུངས་སྣ་ཚོགས་གཅིག་གྱུར་འཆར་འགོད་བྱེད་པ། སེམས་ཤུགས་གཅིག་སྒྲིལ་གྱིས་གསར་བརྗེའི་ཉམས་ཞིབ་དང་སློབ་གསོ་གསོ་སྦྱོང་བྱ་བའི་སྟོབས་ཆེ་རུ་བཏང་ནས"བློ་སྦྱོང་བསླབ་སྐྱོང"གི་མདུན་སྐྱོད་རོལ་དབྱངས་རྒྱུན་མཐུད་ངང་དཀྲོལ་དགོས་ཟེར།

ཁུལ་མང་ཚོགས་ཚོགས་པ་དང་སྲིད་ཁྲིམས་ལས་བྱེད་པའི་གསོ་སྦྱོང་ལྟེ་གནས། ཡན་ལག་བཟོ་གྲྭའི་གསུམ་པའི་ཡུལ་དངོས་སློབ་ཁྲིད་ས་ཚིགས་སུ་ཤ་བོ་སྐྱབས་འཁོར་དང་བཅས་པས་གསོ་སྦྱོང་བྱ་བ་སྤེལ་ཚུལ་ལ་རྒྱུས་ལོན་ཞིབ་ཕྲ་གནང་བ་དང་བྱ་བའི་ཕན་འབྲས་ལ་ཁས་ལེན་གང་ལེགས་གནང་ནས་བསྟན་དོན། 2024ལོར་ཁུལ་ཡོངས་ཀྱིས་ཞིང་ཆེན་ཕྱི་ནང་གི་གསར་བརྗེའི་ཉམས་ཞིབ་གསོ་སྦྱོང་འཛིན་གྲྭ་ཁྱོན་ཐེངས728དང་མི་ཐེངས་ཁྲི15.3ལྷག་ཙམ་གཉེར་བར་ཡོང་འབབ་སྒོར་ཁྲི2394ཟིན་པས། ཚང་མ་ལོ་རྒྱུས་ཀྱི་མཐོ་ཚད་གསར་པ་བཏོད་ཡོད་པ་དང་མཚོ་བྱང་གི་གསར་བརྗེའི་ཉམས་ཞིབ་ཆས་རྟགས་ཕྱོགས་ཡོངས་ནས་བཏོད་ཡོད་ཟེར་ཞོར་མགོ་བརྩམས་ཡོད་ཟེར་ཞོར་ནན་གྱིས་བསྟན་དོན།"མདེལ་གཉིས་སྐར་གཅིག"གི་སྙིང་སྟོབས་རྒྱུན་འཛིན་དང་དར་སྤེལ་ཤུགས་ཆེན་གཏོང་བ་དང་། དམར་དམག་ནུབ་ལམ་དམག་དཔུང་གི་གཏམ་རྒྱུད་ཡག་པོ་བཤད་པ། ཅིན་ཀང་རི་བོ་དང་ཡན་ཨན། ཙུན་དབྱི་སོགས་ས་ཁུལ་གྱི་གསར་བརྗེའི་སློབ་གསོའི་ཐོན་ལས་འཕེལ་རྒྱས་ཀྱི་ཉམས་མྱོང་ལ་སློབ་སྦྱོང་ནན་ཏན་བྱས་ཏེ། ཏང་གི་སློབ་གྲྭ་གཡུལ་ས་གཙོ་བོར་འཛིན་པ། མང་ཚོགས་ཚོགས་པ་དང་སྲིད་ཁྲིམས་ལས་བྱེད་པའི་གསོ་སྦྱོང་ལྟེ་གནས། མཚོ་སྔོན་རྡུལ་ཕྲན་མཁར་རྟེན་གཞིའི་ཉམས་ཞིབ་གསོ་སྦྱོང་ཚད་ཡོད་སྤྱི་གཉེར་ཁང་གི་ནུས་པ་འདོན་སྤེལ་གང་ལེགས་བྱེད་པ། མཚོ་སྔོན་པོ་སྐྱེ་ཁམས་རྟེན་མཛོད་ཁང་སོགས་ཐོན་ཁུངས་སྣ་ཚོགས་གཅིག་གྱུར་འཆར་འགོད་བྱས་ཏེ"ལྟེ་བ་གཅིག་དང་འབྲེལ་མཐུད་བཞི། ལམ་ཐིག་བདུན། གནས་མང"གི་ཉམས་ཞིབ་སློབ་སྦྱོང་མ་ལག་རྒྱུན་ཆད་མེད་པར་འཐུས་སྒོ་ཇེ་ཚང་དུ་བཏང་ནས་སློབ་གཉེར་ཆུ་ཚད་རྒྱུན་མཐུད་ངང་མཐོ་རུ་གཏོང་དགོས། རྒྱལ་ཡོངས་ས་གནས་སོ་སོའི་ཉམས་ཞིབ་གསོ་སྐྱོང་སྦྱོང་བརྡར་གྱི་བྱ་བ་དུས་ཐོག་ཏུ་རྗེས་སྙེག་འབྲེལ་མཐུད་ཡག་པོ་བྱེད་པ་དང་། སློབ་ཚན་སྤུས་དག་གསར་སྐྲུན་དང་ཉམས་ཞིབ་ལམ་ཐིག་བཀོད་སྒྲིག་བྱེད་པ། སློབ་མ་བསྡུ་ཤུགས་ཆེ་རུ་གཏོང་བ། སློབ་གཉེར་གཞི་ཁྱོན་ཆེ་རུ་གཏོང་བ། སློབ་གཉེར་སྤུས་ཚད་མཐོ་རུ་གཏོང་བ་བཅས་བྱས་ཏེ། ཏང་ཡོན་དང་ལས་བྱེད་པ་སྔར་ལས་མང་བ་མཚོ་བྱང་དུ་གསར་བརྗེའི་སློབ་གསོ་གསོ་སྦྱོང་བྱེད་དུ་ཡོང་བར་འཇུག་དགོས། མདའ་བཞི་རྫོང་གིས་ཁུལ་གྱི་མང་ཚོགས་ཚོགས་པའི་ལས་བྱེད་པའི་གསོ་སྦྱོང་ལྟེ་གནས་ཀྱི་ས་འོག་སྦུག་དྲ་སོགས་རྨང་གཞིའི་སྒྲིག་བཀོད་སྲུང་སྐྱོབ་བྱ་བ་གང་མགྱོགས་ལེགས་འགྲུབ་བྱ་དགོས་པ་དང་། ཁུལ་རྒྱལ་ཁབ་མ་འཇོག་སྤྱི་གཉེར་ཁང་གིས་ལུས་རྩལ་ར་བ་སོ་སོའི་ནུས་པ་བེད་སྤྱོད་གང་ལེགས་བྱས་ཏེ། ཞབས་ཞུའི་རྒྱུ་རྐྱེན་གཙོ་བོ་ནུས་ཤུགས་ཡོད་རྒུས་འགན་སྲུང་དང"གསར་བརྗེའི་ཉམས་ཞིབ+"ཐོན་ལས་བཅས་སྟོབས་ཤུགས་གཅིག་སྒྲིལ་གྱིས་བསྐྲུན་དགོས། ཁུལ་ལས་རིགས་སློབ་གྲྭས"ཐོན་རྫས་དང་སློབ་གསོ་མཉམ་འདྲེས"བྱེད་ཤུགས་ཆེ་རུ་གཏོང་བ་དང་རིག་གནས་གསར་གཏོད་ཐོན་རྫས་གསར་སྤེལ་བྱེད་ཤུགས་ཆེ་རུ་གཏོང་བ། མཚོ་བྱང་ཅང་ཞིན་རིག་གནས་ཐོན་ལས་ཚད་ཡོད་སྤྱི་གཉེར་ཁང་རྒྱ་ཆེ་ཞིང་སྟོབས་ལྡན་དུ་གཏོང་དགོས། ཁུལ་དམག་ཁོངས་ནས་ཕྱིར་ལོག་པའི་དམག་མིའི་ཞབས་ཞུའི་སྡེ་ཁག་གིས་དམག་ཁོངས་ནས་ཕྱིར་ལོག་པའི་ལས་བྱེད་པའི་བྱེད་སྒོའི་ལྟེ་གནས་འཛུགས་སྐྲུན་ཇེ་ལེགས་སུ་བཏང་སྟེ། ནུས་ཤུགས་ཡོད་རྒུས་ཞབས་ཞུའི་བྱ་བ་སོ་སོ་ལེགས་པོར་བསྒྲུབ་དགོས་ཟེར།

ཡན་ལག་བཟོ་གྲྭ་བཞི་པ་དང་ཁུལ་མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་གི་ཡུལ་དངོས་སློབ་ཁྲིད་ས་ཚིགས་དང་སྤྱི་པའི་ལས་རིགས་རྩལ་ནུས་དངོས་སྦྱོང་རྟེན་གཞི་རུ། ཤ་བོ་སྐྱབས་འཁོར་དང་བཅས་པ་བཟོ་ཁང་དུ་བསྐྱོད་དེ་ཡུལ་དངོས་ནས་ལྟ་ཞིབ་བྱས་ཤིང་སྙན་ཞུ་ལ་གསན་ཏེ་བསྒྲུབ་རྒྱུར་སྤྲད་པའི་ལས་འགན་དོན་འཁྱོལ་བྱས་པའི་གནས་ཚུལ་ལ་རྒྱུས་ལོན་ཞིབ་ཕྲ་གནང་ནས་ནན་གྱིས་བསྟན་དོན། གློག་ཤུགས་རྟེན་མཛོད་ཁང་དང་དྲོད་རླངས་མཁོ་འདོན་རྟེན་མཛོད་ཁང་། ས་འོག་མཁོ་བསྟུན་འགོག་སྲུང་ལྟེ་གནས་བཅས་ཀྱི་འགྲེམས་སྟོན་བྱ་བ་ཏན་ཏིག་དང་ཞིབ་ཚགས་བསྒྲུབས་ནས་གསར་བརྗེའི་རིག་དངོས་སྲུང་སྐྱོབ་དང་བེད་སྤྱོད་ཀྱི་ཆུ་ཚད་རྒྱུན་མཐུད་ངང་མཐོ་རུ་གཏོང་དགོས། སྤྱི་པའི་ལས་རིགས་རྩལ་ནུས་དངོས་སྦྱོང་རྟེན་གཞི་བེད་སྤྱོད་གང་ལེགས་བྱས་ཏེ་རྟེན་གཞིའི་དོ་དམ་གཉེར་སྐྱོང་བྱེད་ཤུགས་ཆེ་རུ་གཏོང་བ་དང་། གཡོས་སྦྱོར་དང་འཚེམ་དྲུབ། རྡོ་བརྐོས། ཤིང་བཟོ་སོགས་ལས་རིགས་ཀྱི་དངོས་སྦྱོང་བྱེད་ཤུགས་ཆེ་རུ་བཏང་ནས་རོང་འབྲོག་མང་ཚོགས་དང་མཐོ་རིམ་སློབ་གྲྭའི་མཐར་ཕྱིན་སློབ་མའི་ལས་ཞུགས་ལས་གཏོད་ཀྱི་ནུས་པ་རྒྱུན་ཆད་མེད་པར་ཆེ་རུ་གཏོང་དགོས། རྩྭ་ཐང་རིག་གནས་དང་ནོར་གནག་རིག་གནས་ཀྱི་ནང་དོན་སྔོག་འདོན་གཏིང་ཟབ་བྱས་ཏེ། མདོ་ལ་ཞིང་ལས་མ་འཇོག་སྤྱི་གཉེར་ཁང་གི་གཉེར་སྐྱོང་ནུས་པ་རྒྱུན་མཐུད་ངང་ཆེ་རུ་གཏོང་བ་དང་། "མདོ་ལ་རིང་མོ་དང་མཚོ་སྔོན་པོ"རྒྱལ་ཁབ་སྤྱི་གླིང་གཉིས་ལ་དམིགས་ནས་སྐྱེ་ཁམས་ཉམས་ཞིབ་བྱེད་སྒོ་ཤུགས་ཆེན་སྤེལ་ཏེ་ལྟ་གཟིགས་དང་། བཟའ་བཏུང་། ཉམས་ལེན། ཚན་རིག་ཁྱབ་གདལ་སོགས་ཞིང་ལས་དང་ལུས་རྩལ། རིག་གནས། ཡུལ་སྐོར། ཚོང་གཉེར་མཉམ་འདྲེས་ཀྱི་ལས་རྣམ་གསར་བ་སྐྱེད་སྲིང་དང་སྟོབས་ཆེར་བཏང་ནས་ཐོན་ལས་སྦྲེལ་ཐག་ཧྲིལ་པོ་འཕེལ་རྒྱས་འགྲོ་རྒྱུར་སྐུལ་ཁྲིད་བྱེད་དགོས་ཟེར།

འཐབ་ཕྱོགས་གཅིག་གྱུར་ལས་བྱེད་པའི་གསོ་སྦྱོང་ལྟེ་གནས་སུ། ཤ་བོ་སྐྱབས་འཁོར་དང་བཅས་པས་སློབ་མའི་སློབ་ཁང་དང་ཇ་ཁང་སོགས་ལ་གཟིགས་ཞིབ་ཞིབ་ཕྲ་གནང་བ་དང་སློབ་མའི་རྒྱུན་གཏན་གྱི་སློབ་སྦྱོང་དང་འཚོ་བའི་གནས་ཚུལ་ལ་རྒྱུས་ལོན་གཏིང་ཟབ་གནང་ནས་ནན་གྱིས་བསྟན་དོན། ཆོས་ལུགས་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་རྒྱུར་ཁྲིད་སྟོན་ཧུར་ཐག་བྱས་ཏེ། གསོ་སྦྱོང་ལྟེ་གནས་ཀྱི་ནུས་པ་འདོན་སྤེལ་གང་ལེགས་བྱེད་པ་དང་ཟས་སྡོད་ཀྱི་ཆ་རྐྱེན་རྒྱུན་མཐུད་ངང་འཐུས་ཚང་དུ་བཏང་ནས་ཆོས་ལུགས་ལས་རིགས་ཀྱིབ་རྗོད་དོན་གཏམ་བཤད་འགྲན་སྡུར་ཡག་པོ་གཉེར་བ་དང་། བོད་ལུགས་གསོ་རིག་དང་ཐང་ག་སོགས་གསོ་སྦྱོང་བྱེད་ཤུགས་ཆེ་རུ་བཏང་སྟེ་རྒྱ་ཆེའི་གྲྭ་བཙུན་ཚོས་ཏང་གི་བཀའ་ལ་ཉན་པ་དང་ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲངས་རྒྱུར་ཁྲིད་སྟོན་བྱེད་དགོས་ཟེར།

ཁུལ་གྱི་མགོ་ཁྲིད་ཀྲང་ཨེ་ཧུང་དང་སི་ཅི་ཧྲིན། སངས་རྒྱས། ཀྲང་ཐའོ། མ་རུའུ་ཞང་། མཱ་ཝུན་ཆོན་བཅས་དང་དེ་བཞིན་ཁུལ་ཐད་གཏོགས་འབྲེལ་ཡོད་སྡེ་ཁག་དང་མདའ་བཞི་རྫོང་སྲིད་གཞུང་གི་འགན་འཁུར་བློ་མཐུན་སོ་སོས་བརྟག་ཞིབ་ལ་ཕེབས་རོགས་བྱས།

---

夏吾杰在调研督导红色研学和教育培训工作时强调 传承弘扬“两弹一星”精神 持续提升金银滩红色草原知名度

6月12日，州委书记夏吾杰在州群团、政法、统战干部培训中心和221基地旧址三分厂、四分厂以及高原生态畜牧业科技示范园、公共职业技能实训基地调研督导时强调，要牢固树立“一盘棋”思想，深挖红色资源富矿，统筹各类资源，健全联动机制，凝心聚力做大做强红色研学和教育培训工作，持续奏响“铸魂育人”铿锵乐章。

在州群团、政法干部培训中心和三分厂现场教学点，夏吾杰一行详细了解培训工作开展情况，充分肯定工作成效。指出，2024年全州共举办省内外各类红色研学培训班728期15.3万余人次，收入达2394万元，均创历史新高，海北红色研学品牌全面打响。强调，要大力传承弘扬“两弹一星”精神，讲好西路军故事，认真学习井冈山、延安、遵义等地红色教育产业发展经验，以党校为主阵地，充分发挥群团、政法干部培训中心和青海原子城基地研学培训有限公司作用，统筹青海湖生态博物馆等各类资源，不断完善“一核四联七径多点”研学体系，持续提升办学水平。要及时跟进对接好全国各地研学培训事宜，打造精品课程、设置研学路线，加大招生力度，扩大办学规模，提升办学质量，让更多党员、干部到海北开展红色教育培训。海晏县要尽快完成州群团干部培训中心地下管网等基础设施维护工作；州国投公司要充分利用好各场馆作用，全力保障服务要素，聚力打造“红色研学+”产业；州职校要强化“产教融合”，加大文创产品开发力度，做大做强海北匠星文化产业有限公司；州退役军人服务部门要做好军休干部活动中心建设，全力做好各项服务工作。

在四分厂、州高原生态畜牧业科技示范园现场教学点和公共职业技能实训基地，夏吾杰一行进厂房、看现场、听汇报，详细了解交办任务落实情况。强调，要做实做细电力博物馆、供暖博物馆、地下应急防御中心展陈布展工作，持续提升革命文物保护利用水平。要充分利用好公共职业技能实训基地，强化基地管理营运，加大烹饪、刺绣、石刻、木工等工种实操实训，不断提升农牧民群众、高校毕业生就业创业能力。要深入挖掘草原文化、牦牛文化内涵，持续提升朵拉农投公司运营能力，聚焦“祁连山、青海湖”两个国家公园，大力开展生态研学活动，培育壮大观赏、餐饮、体验、科普等农体文旅商融合新业态，带动全产业链发展。

在统战干部培训中心，夏吾杰一行详细察看学员教室、食堂等，深入了解学员日常学习生活情况。强调，要积极引导宗教与社会主义社会相适应，充分发挥培训中心作用，持续完善食宿条件，举办好宗教界主题演讲比赛，加大藏医、唐卡等培训力度，引导广大僧尼听党话、感党恩、跟党走。

州领导张爱红、司吉昇、生杰、张涛、马如祥、马文全以及州直相关部门和海晏县政府负责同志分别陪同调研。