རྐང་ཚ་རྫོང་གི་མཚོ་ཆུར་ནུབ་པའི་ས་ཁུལ་གྱི་རོང་འབྲོག་ཁྱིམ་ཚང64ལ་སྡོད་ཁང་གསར་པ་ཐོབ།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས།  བཤེར་འབེབས། ཚེ་བརྟན་བཀྲ་ཤིས། 

   ཉེ་ཆར་མཚོ་སྔོན་པོའི་མཚོ་ཆུ་རྒྱས་ཏེ་སྣུབ་པའི་ས་ཁུལ་གྱི་རོང་འབྲོག་མང་ཚོགས་གནས་སྤོའི་ལེགས་བཅོས་བཟོ་སྐྲུན(རབས་དང་པོ)དམིགས་མཚམས་དང་པོའི་ཁང64(ཁང་པའི་ནང་གི་འཛུགས་སྐྲུན་རྒྱ་ཁྱོན་ཆ་སྙོམས65㎡)སྡོད་ཁང་བགོ་བཤའ་བཀོད་སྒྲིག་ལས་དོན་བདེ་བླག་ངང་ལེགས་གྲུབ་བྱུང་བ་དང་།དེས་སྐྱེ་ཁམས་བཀོད་སྒྲིག་རྣམ་གྲངས་ལ་དུས་རིམ་རང་བཞིན་གྱི་གྲུབ་འབྲས་ཐོབ་པ་དང་མཚོ་ཆུ་རྒྱས་ཏེ་ཤུགས་རྐྱེན་ཐེབས་པའི་རོང་འབྲོག་མང་ཚོགས་བདེ་འཇགས་གཞིས་སྡོད་ཀྱི་ཐོག་ཁང་གསར་པར་གནས་སྤོ་བྱེད་གྲབས་ཡོད་པ་མཚོན་ཡོད།བགོ་བཤའ་བྱས་ཟིན་པའི་སྡོད་ཁང64གནས་བབ་ཁྱད་འཕགས་དང་མཐའ་འཁོར་གྱི་འགྲིམ་འགྲུལ་སྟབས་བདེ།རྨང་གཞིའི་སྒྲིག་བཀོད་འཐུས་ཚང་བས་གཞིས་ཁུལ་ནང་ལྗང་འགྱུར་ས་ཁོངས་དང་སྤྱི་པའི་བྱེད་སྒོ་བར་སྟོང་དུས་མཉམ་དུ་འཆར་འགོད་བྱས་ཏེ་རོང་འབྲོག་པའི་རྗེས་མཐུད་ཀྱི་འཚོ་བ་དང་ཐོན་སྐྱེད་ལ་སྐྱིད་སྣང་དོད་པའི་ཁོར་ཡུག་གི་གཞོགས་འདེགས་མཁོ་འདོན་བྱས་ཡོད།

　　　　ཉེ་བའི་ལོ་ཤས་རིང་མཚོ་སྔོན་པོར་སྲུང་སྐྱོབ་བྱེད་ཤུགས་རྒྱུན་ཆད་མེད་པར་ཇེ་ཆེར་གཏོང་བ་དང་བསྟུན་ནས་མཚོ་ཆུ་རྒྱས་ཏེ་མཚོ་ངོས་ཆེ་རུ་བསྐྱེད་པ་དང་སྐྱེ་ཁམས་ཁོར་ཡུག་མངོན་གསལ་སྒོས་ཇེ་ལེགས་སུ་ཕྱིན་ཡོད། དེ་དང་ཆབས་ཅིག་མཚོ་འགྲམ་གྱི་རོང་འབྲོག་པ་ཁག་ཅིག་གི་ཁང་པ་དང་ཕྱུགས་ཁང་།རྩྭ་ར་བཅས་ཚད་གཞི་མི་འདྲ་བའི་སྒོ་ནས་སྣུབ་པས་མང་ཚོགས་ཀྱི་སྡོད་ཁང་བདེ་འཇགས་དང་རྒྱུན་ལྡན་གྱི་ཐོན་སྐྱེད་ལ་ཐད་ཀར་ཤུགས་རྐྱེན་ཐེབས་ཡོད། སྐྱེ་ཁམས་སྲུང་སྐྱོབ་དང་དམངས་ཚིས་འགན་སྲུང་གཅིག་གྱུར་འཆར་འགོད་བྱས་ནས་ཤུགས་རྐྱེན་ཐེབས་པའི་མང་ཚོགས་ཀྱི་བྲེལ་དཀའ་ཁྲལ་སྒུག་གི་གནད་དོན་ཐག་གཅོད་ལེགས་པོ་བྱ་ཆེད། རྐང་ཚ་རྫོང་གིས་སྐྱེ་ཁམས་བཀོད་སྒྲིག་དེ་དམངས་ཚིས་ལས་འགན་གལ་ཆེན་ཞིག་ཏུ་བརྩིས་ཏེ། བདེ་འཇགས་ཀྱི་བྱུར་རྐྱེན་མངོན་པའི་སྡོད་ཁང་ཁྱོན་ཡོངས་ནས་གནས་སྤོ་བཀོད་སྒྲིག་འཆར་གཞིར་བཅུག་སྟེ། མ་དངུལ་བསྡོམས་འབོར་སྒོར་ཁྲི8130བཏང་བའི་མཚོ་སྔོན་པོའི་མཚོ་ཆུ་རྒྱས་ཏེ་སྣུབ་པའི་ས་ཁུལ་གྱི་རོང་འབྲོག་པའི་སྡོད་ཁང་གནས་སྤོ་ལེགས་བཅོས་གཏོང་བའི་བཟོ་སྐྲུན(མཚོ་བྱང་རྐང་ཚ་རྫོང)དང་མཚོ་སྔོན་པོའི་མཚོ་ཆུ་རྒྱས་ཏེ་སྣུབ་པའི་ས་ཁུལ་གྱི་རོང་འབྲོག་པའི་སྡོད་ཁང་གནས་སྤོ་ལེགས་བཅོས་གཏོང་བའི(རྐང་ཚ་རྫོང་རབས་གཉིས་པ)བཟོ་སྐྲུན་དང་དེ་བཞིན་ལས་གཞི་ཆ་ཚང་ལག་བསྟར་བྱས་ཏེ་མཚོ་སྔོན་པོའི་བྱང་རྒྱུད་ཀྱི་རོང་འབྲོག་པའི་སྡོད་ཁང་ཆ་རྐྱེན་གཞི་རྩ་ནས་ཇེ་ལེགས་སུ་བཏང་ཡོད།རྣམ་གྲངས་དེ2024ལོའི་ཟླ4པར་ལས་མགོ་ཚུགས་པ་དང2026ལོའི་ཟླ11པར་འགྲུབ་དགོས་ཏེ། ཁྱོན་བསྡོམས་སྨི་གྲུ་བཞི་མ65ཅན་གྱི་ཁང་པ64དང་སྨི་གྲུ་བཞི་མ85ཅན་གྱི་ཁང་པ128དང་།སྨི་གྲུ་བཞི་མ110ཅན་གྱི་ཁང་པ40བཅས་འཛུགས་སྐྲུན་བྱས་ནས་མཚོ་ཆུར་ནུབ་པའི་ས་ཁུལ་གྱི་རོང་འབྲོག་མང་ཚོགས232ཡི་སྡོད་ཁང་གི་གནད་དོན་ཐག་གཅོད་བྱ་རྒྱུ།