མཚོ་བྱང་ཁུལ་གྱིས་མཐོ་སྒང་ནོར་གནག་དང་བོད་ལུག་ཐོན་ལས་སྤུས་ལེགས་འཕེལ་རྒྱས་ལ་སྐུལ་འདེད་གཏོང་བའི་བཞུགས་མོལ་ཚོགས་འདུ་ཟི་ལིང་དུ་འཚོགས།
发布时间:2025年10月11日 消息来源:

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས། 


图片

ཟླ10པའི་ཚེས10ཉིན། མཚོ་བྱང་ཁུལ་གྱིས་མཐོ་སྒང་ནོར་གནག་དང་བོད་ལུག་ཐོན་ལས་སྤུས་ལེགས་འཕེལ་རྒྱས་ལ་སྐུལ་འདེད་གཏོང་བའི་བཞུགས་མོལ་ཚོགས་འདུ་ཟི་ལིང་དུ་འཚོགས། ཞིང་ཆེན་སྲིད་གྲོས་ཀྱི་ཏང་ཙུའུ་ཡི་ཧྲུའུ་ཅིའམ་ཀྲུའུ་ཞི་མགོན་པོ་བཀྲ་ཤིས་དང་། ཀྲུང་གོ་བཟོ་སྐྲུན་གླིང་གི་ཡོན་ཧྲིའམ“བདུན་གཅིག་བྱས་རྗེས་གཟེངས་རྟགསཐོབ་མཁན་ཝུའུ་ཐེན་དབྱི། ཞིང་ཆེན་ཞིང་ལས་ཞིང་སྡེ་ཐིན་གྱི་ཐིན་ཀྲང་ཅིན་ཧྲིན་ཧྲིག་བཅས་གདན་ཞུས་ལྟར་ཚོགས་འདུར་ཞུགས་པར་མ་ཟད་གསུང་བཤད་གནང་།  མཚོ་བྱང་ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་མཚོ་བྱང་ཁུལ་གྱིས་མཐོ་སྒང་ནོར་གནག་དང་བོད་ལུག་ཐོན་ལས་འཕེལ་རྒྱས་ལ་སྐུལ་འདེད་གཏོང་བའི་འབྲེལ་ཡོད་གནས་ཚུལ་སྙན་ཞུ་ཕུལ་བ་དང་། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་གྱིས་ཚོགས་འདུ་གཙོ་སྐྱོང་བྱས་ལ། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རིན་གཞོན་པའམ་མདོ་ལ་རྫོང་ཨུའི་ཧྲུའུ་ཅི་ཀང་ཧྥུ་ཡིས་མདོ་ལ་རྫོང་གིས་མདོ་ལའི་ལུག་དང་མདོ་ལའི་ནོར་གནག་ཐོན་ལས་འཕེལ་རྒྱས་ལ་སྐུལ་འདེད་བཏང་བའི་གནས་ཚུལ་སྙན་ཞུ་ཕུལ།

图片

མགོན་པོ་བཀྲ་ཤིས་ཀྱིས་གསུང་བཤད་གནང་སྐབས་མཚོ་བྱང་ཁུལ་གྱིས་ཉེ་བའི་ལོ་ཤས་རིང་དེང་རབས་ཞིང་ཕྱུགས་ལས་འཕེལ་རྒྱས་ཐད་བླངས་པའི་ཕན་འབྲས་ལ་ཁས་ལེན་གང་ལེགས་གནང་བར་མ་ཟད། མཐོ་སྒང་ས་ཁམས་ཀྱི་ཁྱད་ཆོས་ཐོག་ནས་མཐོ་སྒང་ནོར་གནག་དང་བོད་ལུག་སྐྱེ་དངོས་རིགས་གཉིས་ཀྱི་བྱུང་བ་དང་འཕེལ་འགྱུར། གསོ་སྐྱོང་དང་འཕེལ་རྒྱས་གནས་ཚུལ་གསལ་འགྲེལ་གནང་སྟེ་བསྟན་དོན། མཐོ་སྒང་ནོར་གནག་དང་བོད་ལུག་ནི་མཚོ་བྱང་གིས་སྐྱེ་ཁམས་སྲུང་སྐྱོབ་དང་དཔལ་འབྱོར་འཕེལ་རྒྱས་གཏོང་བའི“སྲོག་ཤིང་གཉིས”ཡིན་པས། མཚོ་བྱང་གིས་དེ་དག་གི་རིན་ཐང་སྔོག་འདོན་དང་ལེགས་སྒྲིག དྲིལ་སྒྲོག་བཅས་ཡག་པོ་བྱས་ཏེ་མཐོ་སྒང་ནོར་གནག་དང་བོད་ལུག་ཐོན་ལས་སྤུས་ལེགས་འཕེལ་རྒྱས་འགྲོ་རྒྱུར་སྐུལ་འདེད་བཏང་ནས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གཏོད་ཆེད་སྔར་ལས་ཆེ་བའི་ལེགས་སྐྱེས་གསར་བ་དབུལ་རྒྱུའི་རེ་བ་ཡོད་ཟེར།

图片

ཝུའུ་ཐེན་དབྱི་ཡིས་མཐོ་སྒང་གི་བཟའ་བཏུང་འདུ་ཤེས་དང་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་དབར་གྱི་འབྲེལ་བ་དམ་ཟབ་ལ་དམིགས་ནས་གཙོ་དོན་གཏམ་བཤད་གནང་སྟེ། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཀྱིས་མིའི་རིགས་ཀྱི་བདེ་ཐང་ལ་སྐུལ་འདེད་གཏོང་བའི་ཐད་ཀྱི་རིན་ཐང་གལ་ཆེན་གསལ་སྟོན་གཏིང་ཟབ་བྱས་ནས་ནོར་གནག་དང་བོད་ལུག་ཐོན་ལས་འཕེལ་རྒྱས་ལ་སྐུལ་འདེད་གཏོང་ཆེད“བདེ་ཐང་གློག་སྒྲོན”སྒྲོན་ཞིང“ཁ་ཕྱོགས་གསར་བ”བསྟན།  

图片

ཅིན་ཧྲིན་ཧྲིག་གིས་གཏམ་བཤད་ཁྲོད་བསྟན་དོན། མཚོ་བྱང་ཁུལ་གྱི་ནོར་གནག་དང་བོད་ལུག་ཐོན་ལས་འཕེལ་རྒྱས་ལ་གྲུབ་འབྲས་མངོན་གསལ་དོད་པོ་ཐོབ་པ་དང་འཕེལ་ཕྱོགས་བཟང་བས། གོམ་སྟབས་རྗེས་མར་ལེགས་ཆ་འབུར་དུ་བཏོད་པ་དང་ཞན་ཆ་ཁ་གསབ་བྱས་ནས་ཞིང་ཆེན་ཡོངས་ཀྱི་ནོར་གནག་དང་བོད་ལུག་ཐོན་ལས་འཕེལ་རྒྱས་དང་ཕྱིར་གཏོང་བྱ་ཡུལ་འཛུགས་སྐྲུན་གྱི་སྣེ་ཁྲིད་པ་བྱེད་དགོས་ཟེར།

བཞུགས་མོལ་ཚོགས་འདུའི་ཐོག ཀྲུང་གོ་ཞིང་ལས་ཚན་རིག་ཁང་དང་མཚོ་སྔོན་ཞིང་ལས་སློབ་ཆེན་ཕྱུགས་ལས་སྨན་བཅོས་སློབ་གླིང་། མདོ་ལའི་རྩྭའི་ཐོན་ལས་འཕེལ་རྒྱས་ཞིབ་འཇུག་ཁང་། མདོ་ལའི་བོད་ལུག་ཐོན་ལས་འཕེལ་རྒྱས་ཞིབ་འཇུག་ཁང་བཅས་ནས་ཡོང་བའི་འབྲེལ་ཡོད་ཆེད་མཁས་པ་དང་མཚོ་བྱང་ཁུལ་འཕྲོད་བསྟེན་བདེ་ཐང་ཨུ་ལྷན་གྱི་འགན་འཁུར་བློ་མཐུན་གཙོ་བོས་བརྗེ་རེས་གཏམ་བཤད་གནང་། ཚང་མས་མཚོ་བྱང་ཁུལ་གྱི"མཐོ་སྒང་ནོར་གནག་དང་བོད་ལུག་རྒྱུད་བཟང་འཕེལ་རྒྱས་ལ་སྐུལ་འདེད་གཏོང་བའི"ལྟེ་བའི་གྲོས་དོན་གཞི་རྩ་བྱས་ཏེ། ཐོན་ལས་ཀྱི་འགག་རྩའི་ལྷུ་ཚིགས་དང་རྨོ་འདེབས་ཁྱབ་ཁོངས་ཀྱི་ཞིབ་འཇུག་གྲུབ་འབྲས་དང་ལག་ལེན་ཉམས་མྱོང་ཟུང་འབྲེལ་བྱས་ནས་ཕྱུགས་རྒྱུད་ལེགས་སྒྱུར་དང་སྐྱེ་ཁམས་གསོ་སྤེལ། ལས་སྣོན་ཞིབ་ཚགས། ཚོང་ར་རྒྱ་སྐྱེད་སོགས་ཆེད་ལས་ཀྱི་ཚད་ཤིང་ཐོག་ནས་བོད་ལུག་ནོར་གནག་ཐོན་ལས་དང་མཐོ་སྒང་ཁམས་གསོ་གཅིག་གྱུར་འཕེལ་རྒྱས་ལ་སྐུལ་འདེད་གཏོང་བ་དང་། མདོ་ལའི་བོད་ལུག་གསོ་སྤེལ་རྟེན་གཞི་འཛུགས་པ་སོགས་ཁ་གཏད་རང་བཞིན་དང་ལག་བསྟར་རང་བཞིན་གྱི་དགེ་མཚན་ལྡན་པའི་བསམ་འཆར་དང་གྲོས་མགོ་ཁག་ཅིག་བཏོན་ནས། མཚོ་བྱང་ཁུལ་གྱི་མཐོ་སྒང་ཁྱད་ལྡན་ཕྱུགས་ལས་འཕེལ་རྒྱས་ཀྱི་འགག་མདོ་སེལ་གང་ཐུབ་དང་སྤུས་ཚད་མཐོ་བའི་འཕེལ་རྒྱས་ཀྱི་ཐབས་ལམ་ཁ་གསལ་བཟོས་ཏེ་རིན་ཐང་ལྡན་པའི་རིག་སྟོབས་ཀྱི་རྒྱབ་སྐྱོར་དང་ཐབས་ཇུས་ཀྱི་དཔྱད་གཞི་མཁོ་འདོན་བྱས།

ཐེངས་འདིའི་བཞུགས་མོལ་ཚོགས་འདུ་འཚོགས་པ་ནི། མཚོ་བྱང་ཁུལ་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འབྲེལ་ཡོད་མཚོ་སྔོན་གྱི་ཐོན་ལས་ཀྱི"གནས་བཞི"འཛུགས་སྐྲུན་སྐོར་གྱི་མངགས་བཅོལ་ཡིད་ལ་བརྟན་པོར་བཅངས་པ་དང་ནོར་གནག་དང་བོད་ལུག་ཐོན་ལས་འཕེལ་རྒྱས་ཀྱི་ཕན་འབྲས་ལ་ཁྱོན་ཡོངས་ནས་རྩིས་བཤེར་བྱས་པ་ཞིག་ཡིན་ལ། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གཏོད་པའི་འཐབ་ཇུས་བཀོད་སྒྲིག་དོན་འཁྱོལ་བྱས་ནས། ཐོན་ཁུངས་ཀྱི་ལེགས་ཆར་གཞི་ཚུགས་ཏེ་ནོར་གནག་དང་བོད་ལུག་ཐོན་ལས་སྤུས་ལེགས་འཕེལ་རྒྱས་ལ་སྐུལ་འདེད་གཏོང་བ་དང་། ཕྱོགས་སོ་སོའི་བློ་གྲོས་གཅིག་ཏུ་བསྡུས་ནས་མཚོ་བྱང་གི་སྤུས་ཚད་མཐོ་བའི་འཕེལ་རྒྱས་ཐབས་ལམ་ཞིབ་འཇུག་བགྲོ་གླེང་བྱེད་པའི་བྱེད་ཐབས་གལ་ཆེན་ཞིག་ཀྱང་ཡིན།

图片

དུས་ཡུན་རིང་པོའི་ནང་། མཚོ་བྱང་ཁུལ་ནི་མཐོ་སྒང་ནོར་གནག་དང་བོད་ལུག་གི་ལྟེ་བའི་ཐོན་ཁུལ་དང་དེ་བཞིན་རྒྱུད་བཟང་ཕྱུགས་རྒྱུད་གསོ་སྐྱོང་བྱ་ཡུལ་དང་མཁོ་སྤྲོད་བྱ་ཡུལ་ཡིན་པའི་ངོས་ནས། ཞིང་ཆེན་ཡོངས་སུ་གལ་འགངས་ཤིན་ཏུ་ཆེ་བའི་ཐོབ་ཆ་བཟུང་ཡོད་པ་དང་། བེད་སྤྱོད་ཆོག་པའི་རང་བྱུང་རྩྭ་ཐང་གི་རྒྱ་ཁྱོན་མུའུ་ཁྲི4068དང་རྨོ་ཞིང་མུའུ་ཁྲི87ཡོད་ལ། ཁུལ་ཡོངས་སུ68%ཀྱི་བེད་སྤྱོད་ཆོག་པའི་རྩྭ་ར་བཟང་པོ་ཡོད་པ་དང་། "མདོ་ལ་རི་འདབས་ཀྱི་ཕྱུགས་ར་བཟང་པོ"དང"མདོ་ལའི་བོད་ལུག་བལ་དཀར" "འབྲོང་ལུང་ནོར་གནག"སོགས་ཞིང་ཕྱུགས་ལས་ཀྱི་སྐྱེ་ཁམས་ཐོན་ཁུངས་ཀྱི་ཆས་རྟགས་ཁག་ཅིག་ཡོད་པ་དང་། བོད་ལུག་དང་ནོར་གནག་ཁྲི373ཡོད་པ་དེ་ཞིང་ཆེན་ཡོངས་ཀྱི་ཨང་གཉིས་པར་སླེབས་ཡོད། ཁུལ་ཡོངས་ཀྱིས་མཐོ་སྒང་ནོར་གནག་དང་བོད་ལུག་གི་ཐོན་ལས་དེ་རྨང་གཞིའི་ཐོན་ལས་དང་ཁྱད་ལྡན་ཐོན་ལས། དམངས་ཕྱུག་ཐོན་ལས་སུ་བརྩིས་ནས"སྔོན་ནས་ཐོན་སྐྱེད་དང་རྒྱུད་བཟང་གསོ་སྤེལ། བར་ནས་ལས་སྣོན་དང་ཐོན་ལས་སྦྲེལ་ཐག་སྣུར་སྲིང་། མཇུག་ནས་བྲིན་ཚོང་དང་ཆས་རྟགས་ཕྱིར་གཏོང"གི་ཐོན་ལས་མ་ལག་ནུས་ཤུགས་ཡོད་རྒུས་བཏོད་པས་སྲོལ་རྒྱུན་གྱི་ཕྱུགས་ལས་ནས་དེང་རབས་ཀྱི་ཐོན་ལས་མ་ལག་བར་རིམ་བཞིན་འགྱུར་ལྡོག་བྱུང་ཡོད།

图片

ཉེ་བའི་ལོ་ཤས་རིང་། མཚོ་བྱང་ཁུལ་གྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི“ཞིང་ཆེན་ཡོངས་ཀྱི་མདུན་གྲལ་དུ་བསྐྱོད་པ་གསུམ་གྱི”བྱ་བའི་བླང་བྱ་ནན་ཏན་གྱིས་ལག་བསྟར་བྱས་ཏེ་བོད་ལུག་དང་ནོར་གནག ནས། ལོག་དཀར། གཟན་རྩྭ་བཅསཐོན་ལས་ཆེན་པོ་ལྔདར་སྤེལ་གཏོང་བའི་འཆར་གཞི་ཁྱོན་ཡོངས་ནས་ལག་བསྟར་བྱས་ལ། ཁྱོན་མ་དངུལ་སྒོར་དུང་ཕྱུར17བཏང་བའི་སྐྱེ་ཁམས་ཞིང་ཕྱུགས་ལས་ཀྱི“གཅིག་ཅན་དགུའི”བཟོ་སྐྲུན་ཆ་ཚང་ལ་མཚོ་སྔོན་ཞིང་ཆེན་གྱི་སྐབས་གསུམ་པའི་བཅོས་སྒྱུར་གསར་གཏོད་བྱ་དགའ་ཐོབ་པ་དང་ཕྱོགས་བསྡུས་ཕན་འབྲས་སྒོར་དུང་ཕྱུར4.25ཐོབ། ཁུལ་ཡོངས་ཀྱི་སྡེ་བའི་ཐུན་མོང་དཔལ་འབྱོར་དང་ཞིང་ཕྱུགས་ཁུལ་གྱི་རྒྱུན་སྡོད་སྡོད་དམངས་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་དང་ཚན་རྩལ་ཞིབ་སྤེལ། འདེབས་ལས་དར་སྤེལ་སོགས་ཞིང་ཕྱུགས་བཅོས་སྒྱུར་བྱ་བ་ཁག10ཞིང་ཆེན་ཡོངས་ཀྱི་མདུན་གྲལ་དུ་སླེབས་པ་དང་། རྫོང་བཞི་བོ་སྔ་རྗེས་སུ་རྒྱལ་ཁབ་རིམ་པའི་ཞིང་ཕྱུགས་ལས་དང་རྩྭ་ཐང་ཕྱུགས་ལས་དཔེ་སྟོན་ཚོད་ལྟའི་འཛུགས་སྐྲུན་ས་ཁུལ་དུ་བདམས་ནས་ཞིང་ཆེན་ཡོངས་ཀྱི་ནས་དང་ལོག་དཀར། བོད་ལུག ཆུ་གྲང་ཉ་བཅས་མཁོ་སྤྲོད་རྟེན་གཞི་ཆེས་ཆེ་ཤོས་སུ་གྱུར་ཏེ་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་འཛུགས་སྐྲུན་ཁྱོན་ཡོངས་ནས་ཇེ་མགྱོགས་སུ་ཕྱིན་ཡོད།   

图片

མདོ་ལ་རྫོང་ནི“མདོ་ལ་རི་འདབས་ཀྱི་ཕྱུགས་ར་བཟང་པོའི”ས་ཁོངས་སྤྱི་སྤྱོད་ཆས་རྟགས་ཀྱི་ལྟེ་བའི་ཁུལ་ཡིན་པའི་ངོས་ནས་མཚོ་བྱང་ཁུལ་གྱི་ས་ཁོངས་ཧྲིལ་བོའི་སྐྱེ་ལྡན་ཁས་ལེན་དཔང་འདོན་བྱས་པའི་རྫོང་ཐོག་མ་དེ་ཡིན་ལ། མདོ་ལའི་ལུག་དང་མདོ་ལའི་ནོར་གནག་ལ་ཞིང་ལས་ཞིང་སྡེ་པུའུ་ཡི་ས་ཁམས་མཚོན་རྟགས་ཁས་ལེན་དཔང་འདོན་དང་རྒྱལ་ཁབ་ཀྱི་ས་ཁམས་མཚོན་རྟགས་ཁས་ལེན་དཔང་འདོན་ཚོང་རྟགས་ཐོབ་ཡོད། རྫོང་འདི་སྔ་རྗེས་སུ་ཞིང་ལས་ཞིང་སྡེ་པུའུ་ཡིས་རྒྱལ་ཡོངས་སྐྱེ་ལྡན་ཞིང་ལས་དཔེ་སྟོན་རྟེན་གཞི་དང་རྒྱལ་ཡོངས་རྩྭ་ཐང་སྐྱེ་ཁམས་ཕྱུགས་ལས་ཚོད་ལྟའི་ཁུལ་གྱི་ཚོད་ལྟའི་རྫོང་དུ་ངོས་འཛིན་གཏན་འཁེལ་བྱས་པ་དང་། རྒྱལ་ཁབ་བོད་ལུག་ཁྱད་ལྡན་ཞིང་ལས་ཐོན་རྫས་ཀྱི་སྤུས་ལེགས་ཁུལ་གྱི་མཚན་སྙན་ཐོབ་ཅིང་། མཐོ་སྒང་ནོར་གནག་དང་བོད་ལུག་ཐོན་ལས་འཕེལ་རྒྱས་ཐད་ས་ཁོངས་ཀྱི་ཁྱད་ཆོས་ལྡན་པའི་འཕེལ་རྒྱས་ཀྱི་བགྲོད་ལམ་འཚོལ་ཞིབ་བྱས་ཡོད།

图片
图片

图片

བཞུགས་མོལ་ཚོགས་འདུ་འཚོགས་རྗེས། ཚོགས་ཞུགས་མགོ་ཁྲིད་དང་སྐུ་མགྲོན་དག་མཚོ་བྱང་གི་ཞིང་ཕྱུགས་ཐོན་རྫས་འགྲེམས་སྟོན་ཁུལ་དུ་སོང་། འགྲེམས་སྟོན་ཁུལ་དུ་ལྷད་མེད་བོད་ལུག་ཤ་དང་སྐམས་ཤ་སྒྲིག་ནས་འགྲེམས་སྟོན་བྱས་ཏེ་མཐོ་སྒང་གི་བཟའ་བཅའི་དམིགས་བསལ་གྱི་དྲི་ཞིམ་གང་སར་འཐུལ། མང་ཚོགས་དེར་འཛོམས་ནས་ལས་སྒྲུབ་མི་སྣས་གསོ་སྤེལ་ཁོར་ཡུག་དང་ཕྱུགས་རྒྱུད་གསོ་སྤེལ། ལས་སྣོན་བཟོ་རྩལ་བཅས་ངོ་སྤྲོད་བྱས་པར་ཉན་པ་དང་། བོད་ལུག་ཤ་སྙི་བ་དང་ཤ་ཁུ་མང་བ། སྐམས་ཤའི་བཅུད་བཟང་བ་བཅས་ལ་དངོས་སུ་མྱོང་རོལ་བྱས་པའི་ཁྲོད་མཐོ་སྒང་སྐྱེ་ཁམས་ཀྱི་བཟའ་བཅའི་ཐུན་མོང་མ་ཡིན་པའི་བྲོ་བར་ཐད་ཀར་མྱོང་རོལ་བྱས། ཚང་མས་ཐེངས་འདིའི་འགྲེམས་སྟོན་ནི་མཚོ་བྱང་གི་ཁྱད་ལྡན་ཞིང་ཕྱུགས་ཐོན་ལས་འཕེལ་རྒྱས་ཀྱི་གྲུབ་འབྲས་ལ་ཡུལ་དངོས་ནས་ཞིབ་བཤེར་བྱས་པ་ཞིག་ཡིན་པར་མ་ཟད། ཡུལ་དངོས་སྐུ་མགྲོན་གྱིས་མཚོ་བྱང་གི་ཐུན་མོང་མ་ཡིན་པའི་རང་བྱུང་ཆ་རྐྱེན་ལ་རྒྱུས་ལོན་གཏིང་ཟབ་བྱས་ཏེ་མཉམ་ལས་སྔར་ལས་གཏིང་ཟབ་ཏུ་གཏོང་བ་དང་། མཚོ་བྱང་གི་ཁྱད་ལྡན་ཐོན་ལས་སྔར་ལས་རྒྱ་ཆེའི་ཁྲོམ་རའི་ཕྱོགས་སུ་བསྐྱོད་རྒྱུར་རོགས་རམ་བྱེད་པར་རྨང་གཞི་བཟང་པོ་བཏིང་ཡོད་ཅེས་གཅིག་རྗེས་གཉིས་མཐུད་དུ་བཤད།

图片

图片

ཞིང་ཆེན་སྲིད་གྲོས་ཞིང་ལས་ཨུ་ལྷན་དང་། ཞིང་ཆེན་ཚོང་དོན་ཐིན། ཞིང་ཆེན་ཚན་རྩལ་ཐིན། ཞིང་ཆེན་འཕྲོད་བསྟེན་བདེ་ཐང་ཨུ་ལྷན།    ཞིང་ཆེན་རིག་གནས་ཡུལ་སྐོར་ཐིན། ཞིང་ཆེན་ནགས་རྩྭ་ཅུས། ཞིང་ཆེན་འཕེལ་སྒྱུར་ཨུ་ལྷན་བཅས་ཀྱི་འབྲེལ་ཡོད་མགོ་ཁྲིད་དང་། ནུབ་བྱང་ཞིང་ནགས་ཚན་རྩལ་སློབ་ཆེན་དང་མཚོ་སྔོན་སློབ་ཆེན་སོགས་སློབ་གླིང་གི་འབྲེལ་ཡོད་ཆེད་མཁས་པ། མཚོ་སྔོན་དུ་བཅའ་སྡོད་བྱས་པའི་ཀྲུང་དབྱང་གི་སྨྱན་སྦྱོར་དང་། ཞིང་ཆེན་སྨྱན་སྦྱོར་གྱི་གསར་འགོད་པ། མཚོ་བྱང་ཁུལ་གྱི་ཚན་ཁག་ཆེན་མོ་བཞིའི་འབྲེལ་ཡོད་མགོ་ཁྲིད་དང་རྫོང་བཞིའི་ཏང་སྲིད་ཀྱི་འགན་ཁུར་མི་སྣ་གཙོ་བོ། ཁུལ་དང་རྫོང་གི་ཐད་གཏོགས་འབྲེལ་ཡོད་སྡེ་ཁག་སོ་སོའི་འགན་ཁུར་བ། ཁེ་ལས་ཀྱི་འཐུས་མི་ཁག་ཅིག་བཅས་བཞུགས་མོལ་ཚོགས་འདུར་ཞུགས།