ཤ་བོ་སྐྱབས་པེ་ཅིང་དུ་བསྐྱོད་ནས་རྒྱལ་ཁབ་ཀྱི་འབྲེལ་ཡོད་པུའུ་ཨུ་ལ་མཇལ་ཕྲད་གནང་སྟེ་བརྟག་ཞིབ་གནང་།
发布时间:2025年10月20日 消息来源:

རྩོམ་སྒྲིག་པ།ལྷ་ཆེན་རྡོ་རྗེ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།བཤེར་འབེབས། ཚེ་བརྟན་བཀྲ་ཤིས། 

ཉེ་ཆར། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་རུ་སྣེ་ཁྲིད་དེ་སྔ་རྗེས་སུ་རྒྱལ་ཁབ་ནགས་ལས་དང་རྩྭ་ཐང་ཅུས་དང་། ཀྲུང་གོ་ནགས་ལས་ཚན་རིག་གླིང་། རིག་གནས་དང་ཡུལ་སྐོར་པུའུ་བཅས་སུ་བསྐྱོད་ནས་འབྲེལ་མཐུད་བྱ་བའི་སྙན་སེང་ཞུས་ལ། མཚོ་བྱང་གིས་སྐྱེ་ཁམས་དཔལ་ཡོན་འཛུགས་སྐྲུན་དང་རིག་གནས་ཡུལ་སྐོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཇེ་མགྱོགས་སུ་གཏོང་བར་རྒྱབ་སྐྱོར་བརྩོན་ལེན་བྱས་པར་མ་ཟད། རིག་དངོས་གསོན་བསྒྱུར་བེད་སྤྱོད་སོགས་ཀྱི་བྱ་བར་བརྟག་ཞིབ་གནང་།

图片

རྒྱལ་ཁབ་ནགས་ལས་དང་རྩྭ་ཐང་ཅུས་སུ་ཤ་བོ་སྐྱབས་ཀྱིས་རྒྱལ་ཡོངས་ལྗང་འགྱུར་ཨུ་ཡོན་ལྷན་ཁང་གཞུང་ལས་ཁང་གི་ཆེད་བསྐོས་ཀྲུའུ་རིན་གཞོན་པ་ཀྲང་ཝུའེ་དང་སྲུང་སྐྱོབ་ས་ཁུལ་སི་དང་། སྲོག་ཆགས་རྩི་ཤིང་སི། འཆར་འགོད་ནོར་དོན་སི། སྐྱེ་ཁམས་སི། རྒྱལ་ཁབ་སྤྱི་གླིང་ལྟེ་གནས་དང་ནགས་ར་ལྗང་མྱུག་སི་བཅས་ཀྱི་འགན་འཁུར་བ་གཙོ་བོར་མཇལ་ཕྲད་གནང་བར་མ་ཟད། འབྲེལ་ཡོད་སི་ཅུས་ཀྱི་འགན་འཁུར་བློ་མཐུན་དང་བཞུགས་མོལ་གནང་། ཤ་བོ་སྐྱབས་ཀྱིས་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས་རྒྱལ་ཁབ་ནགས་རྩྭ་ཅུས་ཀྱིས་དུས་ཡུན་རིང་བོར་མཚོ་བྱང་གི་ནགས་རྩྭའི་བྱ་གཞག་ལ་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་དང་། ཁོས་ཉེ་བའི་ལོ་ཤས་རིང་མཚོ་བྱང་གིས་ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་ལག་ལེན་གཏིང་ཟབ་བྱས་ཏེ། “རྒྱལ་དོན་གྱི་ཆེ་ཕྱོགས”ཀྱི་ཆབ་སྲིད་འགན་འཁྲི་དམ་ཟབ་འཁུར་བ་དང“རི་བོ་གཉིས་ཀྱི་རིགས་པའི་གཞུང་ལུགས”ལག་ལེན་གཏིང་ཟབ་བྱས་ཏེ་ནགས་རྩྭའི་བྱ་བར་སྐུལ་འདེད་བཏང་ནས་དགེ་མཚན་ལྡན་པའི་གྲུབ་འབྲས་ཐོབ་ཡོད་པ་ངོ་སྤྲོད་བྱས། རྒྱལ་ཁབ་ནགས་རྩྭ་ཅུས་ཀྱིས་མདོ་ལ་རི་བོ་རྒྱལ་ཁབ་སྤྱི་གླིང(འདེམས་སྒུག་ཁུལ)དང་དགོན་ལུང་སོགས་རང་བྱུང་སྲུང་སྐྱོབ་ས་ཁུལ་སྡེབ་སྒྲིག་ཇེ་ལེགས་སུ་གཏོང་བ་དང་། རྒྱལ་ཁབ་སྤྱི་གླིང་གསར་སྐྲུན། རྒྱལ་ཁབ་ནགས་ར་དེང་རབས་ཅན་དུ་བསྒྱུར་བ། “ལྔ་བཅོ་ལྔའི”འཆར་འགོད་སྒྲིག་བཟོ། སྐྱེ་ཁམས་ལས་བྱེད་སློབ་གྲྭ་འཛུགས་སྐྲུན། ནགས་རྩྭའི་ལས་གཞི་འཛུགས་པ་སོགས་ཐད་རྒྱབ་སྐྱོར་བྱ་རྒྱུའི་རེ་བ་ཡོད་ཟེར། ཀྲང་ཝུའེ་དང་རྒྱལ་ཁབ་ནགས་རྩྭ་ཅུས་ཀྱི་འབྲེལ་ཡོད་སི་ཅུས་ཀྱི་འགན་འཁུར་བས་མཚོ་བྱང་ནགས་རྩྭའི་བྱ་བའི་ཕན་འབྲས་ལ་ཁས་ལེན་གང་ལེགས་བྱས་པ་དང་རྒྱབ་སྐྱོར་གྱི་དགོས་མཁོར་ཧུར་ཐག་གིས་ལན་བཏབ་ནས་བཤད་རྒྱུར། མཚོ་བྱང་གིས་མཚོ་སྔོན་པོ་དང་མདོ་ལ་རི་བོའི“རྒྱལ་ཁབ་སྤྱི་གླིང་གཉིས”ཀྱི་གསར་བསྐྲུན་ལ་སྐུལ་འདེད་ཧུར་ཐག་གཏོང་བཞིན་ཡོད་པ་དང་སྐྱེ་ཁམས་གནས་བབ་ཧ་ཅང་གལ་ཆེན་ཡིན་པས་མཚོ་བྱང་གི་དོན་དངོས་ལ་བསམ་གཞིག་གང་ལེགས་བཏང་སྟེ་ཤུགས་ཚད་དེ་བས་ཆེ་བ་དང་བྱ་ཐབས་དེ་བས་དངོས་ཀྱི་ཐོག་ནས་མཚོ་བྱང་གི་ནགས་རྩྭ་སྤུས་ཚད་མཐོ་བའི་འཕེལ་རྒྱས་ལ་རོགས་རམ་བྱ་རྒྱུ་ཡིན་ཟེར།

图片

ཀྲུང་གོ་ནགས་ལས་ཚན་རིག་གླིང་དུ་ཤ་བོ་སྐྱབས་དང་ཡོན་ཀྲང་གཞོན་པ་ཝང་ཅུན་ཧུའེ་གཉིས་ཀྱིས་ཐུན་མོང་ཐོག་སློབ་གླིང་གི་ལོ་རྒྱུས་ཁང་དང་ཤིང་ཆ་གསོག་ཉར་ཁང་ལ་ལྟ་སྐོར་བྱས། ཕྱོགས་གཉིས་ཀྱིས་ནགས་རྩྭ་ཚན་རྩལ་མཉམ་ལས་དང་བྱེ་འགོག་བྱེ་བཅོས་ལག་རྩལ། རྒྱང་ཚོར་ལྟ་ཞིབ་ཚད་ལེན་ཉེར་སྤྱོད། དེ་བཞིན་ནགས་ཁྲོད་དཔལ་འབྱོར་འཕེལ་རྒྱས་བཅས་ལ་དམིགས་ནས་བརྗེ་རེས་གཏིང་ཟབ་བྱས་ཏེ་མཉམ་ལས་གྲོས་མཐུན་གཏིང་ཟབ་ཏུ་གཏོང་བའི་ཞིབ་ཕྲའི་དོན་དག་ལ་ཐུན་མོང་ཐོག་ཞིབ་འཇུག་བྱས། ཤ་བོ་སྐྱབས་ཀྱིས་མཉམ་ལས་བྱས་པ་བརྒྱུད་འཇོན་མི་མཉམ་འབྲེལ་གསོ་སྐྱོང་ལམ་སྲོལ་འཛུགས་པ་དང་ཚན་རིག་ཞིབ་འཇུག་མཉམ་ལས་སྤེལ་བ། མཚོ་བྱང་ལ་ཞིབ་འཇུག་སློབ་ཁྲིད་སྤུས་ལེགས་དང་ལག་ལེན་བྱ་ཡུལ་བསྐྲུན་རྒྱུར་མཛུབ་ཁྲིད་བྱེད་པ། རྒྱལ་ཁོངས་ལྗང་བསྒྱུར་ཚན་རྩལ་དང་འཇོན་མི་འདེགས་སྐྱོར་བྱེད་ཤུགས་ཆེ་རུ་གཏོང་བ། “བྱང་གསུམ”འགོག་སྲུང་ནགས་ཚལ་འཛུགས་སྐྲུན་ལ་སྐུལ་འདེད་གཏོང་བ། ནགས་ཚལ་དང་རྩྭ་ཐང་གི་མེ་འགོག་ཚན་རྩལ་ལྟ་ཞིབ་ཚད་ལེན་མ་ལག་འཛུགས་སྐྲུན་ལ་རྒྱབ་སྐྱོར་བྱེད་པ། ནགས་ཚལ་ཐོན་ལས་གསར་སྤེལ་ལ་ཤུགས་སྣོན་པ་བཅས་བྱས་ཏེ་སྐྱེ་ཁམས་སྲུང་སྐྱོབ་ལྗང་སྲུང་གསེར་སྒྱུར་མངོན་འགྱུར་ཡོང་རྒྱུའི་རེ་བ་ཡོད་ཟེར། ཝང་ཅུན་ཧུའེ་ཡིས་མཚོ་བྱང་ཁུལ་ཨུ་དང་ཁུལ་སྲིད་གཞུང་གིས་རང་འགུལ་ངང་ཀྲུང་གོ་ནགས་ལས་ཚན་རིག་གླིང་དང་འབྲེལ་མཐུད་མཉམ་ལས་བྱས་པར་དགའ་བསུ་ཞུས་ཤིང་འབྲེལ་ཡོད་མཉམ་ལས་དོན་དག་ལ་ལན་ཧུར་ཐག་བཏབ་པ་དང་། ཕྱོགས་གཉིས་ཀྱིས་མཚོ་བྱང་གི་ནགས་རྩྭའི་བྱ་བ་སླར་ཡང་སྐས་རིམ་གསར་པ་ཞིག་ཏུ་སླེབས་རྒྱུར་ཚན་རིག་དང་མཐུན་པའི་སྒོ་ནས་སྐུལ་འདེད་གཏོང་རྒྱུའི་ཐད་ཐུན་མོང་གི་ངོས་འཛིན་གཅིག་མཐུན་བྱུང་ཡོད་ཟེར།

图片

རིག་གནས་དང་ཡུལ་སྐོར་པུའུ་རུ་ཤ་བོ་སྐྱབས་ཀྱིས་ཐོན་ལས་འཕེལ་རྒྱས་སིའི་སི་ཀྲང་གཞོན་པ་ཧྥུ་ཧན་ཞའོ་དང་མཇལ་ཕྲད་གནང་ནས་ཐོན་ཁུངས་སིའི་འབྲེལ་ཡོད་འགན་འཁུར་བློ་མཐུན་དང་མཚོ་བྱང་གི་རིག་གནས་ཡུལ་སྐོར་འཕེལ་རྒྱས་ལ་སྐུལ་འདེད་གཏོང་བའི་འབྲེལ་ཡོད་དོན་དག་ལ་འབྲེལ་མཐུད་གནང་། ཁོས་ངོ་སྤྲོད་བྱས་དོན། མཚོ་བྱང་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐུ་དངོས་སུ་གཟིགས་ཞིབ་ལ་ཕེབས་པའི་ས་ཆ་དང་དམར་དམག་ནུབ་ལམ་དམག་དཔུང་གིས་ཁྲག་བཏོན་དམར་འཛིང་བྱས་པའི་ས་ཆ་ཡིན་ལ“མདེལ་གཉིས་སྐར་གཅིག”གི་སྙིང་སྟོབས་འཁྲུངས་སའང་ཡིན་པས། མཚོ་བྱང་རིག་གནས་ཡུལ་སྐོར་ཐོན་ལས་མཉམ་འདྲེས་འཕེལ་རྒྱས་དང་རྡུལ་ཕྲན་མཁར་གསེར་དངུལ་ཐང5Aརིམ་པའི་ལྗོངས་ཁུལ་གསར་སྐྲུན། “མདེལ་གཉིས་སྐར་གཅིག”གི་དངོས་ལྗོངས་ཟློས་གར་དང་བརྗོད་དོན་གློག་བརྙན་གཏོད་པ།  “འགྲན་སྡུར་དང་མཉམ་དུ་ཡུལ་སྐོར་ལ་འགྲོ་བ”སོགས་ཀྱི་བྱ་བའི་ཐད་རྒྱབ་སྐྱོར་བྱ་རྒྱུའི་རེ་བ་ཡོད་ཟེར། ཐོན་ལས་འཕེལ་རྒྱས་སིའི་འབྲེལ་ཡོད་འགན་འཁུར་བས་འཛད་སྤྱོད་སྐུལ་འདེད་དང་ལས་རྣམ་གསར་པ་འཕེལ་རྒྱས། དངུལ་རྩའི་མ་འཇོག ལྕགས་ལམ་ཡུལ་སྐོར། དར་གོས་ལམ་བུའི་ཐོན་ལས་སྣེ་ཁྲིད་འཛུགས་སྐྲུན། ཐོན་ལས་དངོས་མང་སྟོན་ཚོགས་ཀྱི་ཆས་རྟགས་འོས་སྦྱོར་སོགས་ཐད་མཚོ་བྱང་ལ་རྒྱབ་སྐྱོར་བྱ་རྒྱུ་དང་ཆབས་ཅིག་རང་བྱུང་ཐོན་ཁུངས་པུའུ་དང་རྒྱལ་ཁབ་ལུས་རྩལ་སྤྱི་ཁྱབ་ཅུས་ཀྱིས་ལྗོངས་ཁུལ་འཆར་འགོད་དང་འགྲན་སྡུར་ཡུལ་སྐོར་སོགས་ཐད་མཚོ་བྱང་ལ་མཛུབ་ཁྲིད་དེ་བས་མང་བ་བྱ་རྒྱུའི་མཐུན་སྦྱོར་ཧུར་ཐག་བྱ་རྒྱུ་ཡིན་ཟེར།

图片

དུས་ཡུན་དེའི་རིང་། ཤ་བོ་སྐྱབས་པེ་ཅིང་ཀྲི་ཞང་ཚན་རྩལ་འཕེལ་རྒྱས་ཚད་ཡོད་སྤྱི་གཉེར་ཁང་དུ་བསྐྱོད་ནས་མིས་བཟོས་རིག་ནུས་དང་བློ་རིག་སློབ་གསོའི་ཐོན་ལས་འཕེལ་རྒྱས་འགྲོ་ཚུལ་ལ་བརྟག་ཞིབ་གནང་། ཧྲུའུ་ཅི་ཝུའུ་ཞའོ་ཅུན་གྱི་མཛུབ་སྟོན་བླང་བྱ་གཞིར་བཟུང221རྟེན་གཞིའི་གནའ་ཤུལ་གྱི་བཟོ་ཁུལ18གསོན་བསྒྱུར་བེད་སྤྱོད་བྱ་བར་སྔར་བས་སྐུལ་འདེད་གཏོང་རྒྱུར་དམིགས་ཏེ་པེ་ཅིང་གི798སྒྱུ་རྩལ་ཁུལ་དུ་བསྐྱོད་དེ་བཟོ་ལས་ཤུལ་བཞག་རིགས་སྒྱུར་བེད་སྤྱོད་ཀྱི་དཔེ་མཚོན་ཉམས་མྱོང་སློབ་སྦྱོང་བྱས།

ཁུལ་གྱི་མགོ་ཁྲིད་ཀྲའོ་ཧའེ་ཕིང་དང་ཚོ་ཅི་ཆང་གིས་བརྟག་ཞིབ་ལ་ཕེབས་རོགས་བྱས།