མཚོ་སྔོན་གྱི2026ལོའི་གྲོང་ཁྱེར་དང་གྲོང་གསེབ་ཀྱི་སྡོད་དམངས་སྨན་བཅོས་འགན་བཅོལ་གྱི་གྲོན་དངུལ་དེ་རིང་ནས་བཟུང་བསྡུ་མགོ་བརྩམས།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས། 

ཟླ10པའི་ཚེས20ཉིན། གསར་འགོད་པས་ཞིང་ཆེན་ཡོངས་ཀྱི་སྨན་བཅོས་འགན་བཅོལ་དམངས་ཡོངས་འགན་བཅོལ་ནང་ཞུགས་པའི་གཅིག་བསྡུས་དྲིལ་སྒྲོག་ཟླ་བའི་བྱེད་སྒོ་ནས་རྒྱུས་ལོན་བྱུང་བ་ལྟར་ན། 2026ལོའི་གྲོང་ཁྱེར་དང་གྲོང་གསེབ་ཀྱི་སྡོད་དམངས་སྨན་བཅོས་འགན་བཅོལ་གྲོན་དངུལ་གཅིག་སྡུད་བསྡུ་བའི་དུས་ཡུན་ནི2025ལོའི་ཟླ10པའི་ཚེས21ཉིན་ནས2026ལོའི་ཟླ2པའི་ཚེས28ཉིན་བར་རེད།

2025ལོའི་ཟླ10པའི་ཚེས21ཉིན་ནས2025ལོའི་ཟླ12པའི་ཚེས31ཉིན་བར་གྲོན་དངུལ་སྤྲོད་མཁན་གྱིས2026ལོའི་ཟླ1པོའི་ཚེས1ཉིན་ནས་བཟུང་སྨན་བཅོས་འགན་བཅོལ་གྱི་གསོལ་ཐང་ལོངས་སུ་སྤྱད་ཆོག 2026ལོའི་ཟླ1པོའི་ཚེས1ཉིན་ནས་ཟླ2པའི་ཚེས28ཉིན་བར་གྲོན་དངུལ་སྤྲོད་མཁན་གྱིས་གྲོན་དངུལ་སྤྲད་པའི་ཉིན་ནས་བཟུང་སྨན་བཅོས་འགན་བཅོལ་གྱི་གསོལ་ཐང་ལོངས་སུ་སྤྱད་ཆོག 2026ལོའི་ཟླ3པའི་ཚེས1ཉིན་ནས་ཟླ6པའི་ཚེས30ཉིན་བར་གྲོན་དངུལ་སྤྲོད་མཁན་གྱིས་གྲོན་དངུལ་སྤྲད་པའི་ཉིན་ནས་ཟླ3གྱི་རྗེས་སུ་སྨན་བཅོས་འགན་བཅོལ་གྱི་གསོལ་ཐང་ལོངས་སུ་སྤྱད་ཆོག 2026ལོར་གྲོང་ཁྱེར་དང་གྲོང་གསེབ་སྡོད་དམངས་གཞི་རྩའི་སྨན་བཅོས་འགན་བཅོལ་མི་སྒེར་གྱི་གྲོན་དངུལ་སྤྲོད་པའི་ཚད་གཞི་ནི་སྒོར400རེད།

2026ལོའི་ཟླ7པའི་ཚེས1ཉིན་གྱི་རྗེས་སུ་གྲོན་དངུལ་སྤྲད་ན། ནོར་སྲིད་ཀྱི་ཁ་གསབ་དངུལ(སྒོར700)དང་མི་སྒེར་གྱི་གྲོན་དངུལ(སྒོར400)ཚང་མ་མི་སྒེར་གྱིས་འགན་འཁུར་དགོས་པར་མ་ཟད་གྲོན་དངུལ་སྤྲད་པའི་ཉིན་ནས་བཟུང་ཟླ3གྱི་རྗེས་སུ་སྨན་བཅོས་འགན་བཅོལ་གྱི་གསོལ་ཐང་ལོངས་སུ་སྤྱད་ཆོག

སྨན་བཅོས་འགན་བཅོལ་གྱི་གྲོན་དངུལ་སྤྲོད་ཐབས་ལ་དྲ་ཐོག་ཐབས་ལམ་དང་དྲ་ཕྱིའི་ཐབས་ལམ་རིགས་གཉིས་ཡོད། དྲ་ཐོག་ཐབས་ལམ་ནི། གློག་རྡུལ་ཁྲལ་དོན་ཅུས（电子税务局）ཀྱིAppགྲོན་དངུལ་སྤྲོད་པ་དང་སྐད་འཕྲིན་གྲོན་དངུལ་སྤྲོད་པ། དངུལ་སྤྲོད་འབོ(支付宝)གྲོན་དངུལ་སྤྲོད་པ། ཀོང་ཏ་ཡོན（光大云）གྲོན་དངུལ་སྤྲོད་པའི་ལས་རིམ་ཆུང་བ(小程序)། འཛུགས་སྐྲུན་དངུལ་ཁང་གི་ཨང་རྟགས་བཤེར་འབེབས་གྲོན་དངུལ་སྤྲོད་པ། གྲོང་གསེབ་ཡིད་རྟོན་དངུལ་ཁང་གི་སྐད་འཕྲིན་གྲོན་དངུལ་སྤྲོད་པ། གྲོང་གསེབ་ཡིད་རྟོན་དངུལ་ཁང་སྒེར་དྲའི་དངུལ་ཁང་གྲོན་དངུལ་སྤྲོད་པ། གྲོང་གསེབ་ཡིད་རྟོན་ལག་ཁྱེར་ཁ་པར་དངུལ་ཁང་གི་གྲོན་དངུལ་སྤྲོད་པ། ཀྲུང་གོ་ཞིང་ལས་དངུལ་ཁང་ལག་ཁྱེར་ཁ་པར་དངུལ་ཁང་གི་གྲོན་དངུལ་སྤྲོད་པ། ཀྲུང་གོ་དངུལ་ཁང་མཉམ་འབྲེལ་ཡོན་ཧྲན་ཧྥུ་གྲོན་དངུལ་སྤྲོད་པ། མཚོ་སྔོན་སྨན་བཅོས་འགན་བཅོལ་གྱིAppགྲོན་དངུལ་སྤྲོད་པ་སོགས་ཡིན། གྲོན་དངུལ་སྤྲོད་པའི་བརྒྱུད་རིམ་ལ་འདི་ནས་གཟིགས་ཆོག 青海 | 关于缴纳2026年城乡居民基本医疗保险费有关事项的通告

དྲ་ཕྱིའི་ཐབས་ལམ་ནི། དངུལ་ཁང་གི་ལས་སྒྲོམ་དུ་གྲོན་དངུལ་སྤྲོད་པ་དང་ཚབ་ལེན་གྱི་ཐབས་ལམ་གཞན་དག（ས་ཁུལ་ཁག་གཅིག་གིས་སྡེ་བའི་ཨུ་ཡོན་ལྷན་ཁང་སོགས་ལས་ཁུངས་ལ་མངགས་བཅོལ་བྱས་ནས་གཅིག་སྡུད་ཚབ་ལེན་བྱེད་པ་དང་། འགན་བཅོལ་ནང་ཞུགས་པའི་ས་ཁུལ་གྱི་འབྲེལ་ཡོད་གཏན་འབེབས་ལྟར་ཞིབ་ཕྲའི་ངང་སྒྲུབ་དགོས།）