མཚོ་བྱང་ཁུལ་གྱི2025ལོའི་ཧྲན་ཏུང་ལས་དོན་སྡེ་ཁག་གི་མཚོ་སྐྱོར་ལས་གནས་ཀྱི་ལས་བསྡུ་མི་སྣ་སྐྱེལ་མའི་ཚོགས་འདུ་འཚོགས་ཤིང་། ཤ་བོ་སྐྱབས་ཀྱིས་སྐྱེལ་མ་བྱས་པར་མ་ཟད་རེ་བ་ནན་མོ་བཏོན་པ།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས། 

ཟླ10པའི་ཚེས20ཉིན། 2025ལོའི་ཧྲན་ཏུང་ལས་དོན་སྡེ་ཁག་གི་མཚོ་སྐྱོར་ལས་གནས་ཀྱི་ལས་བསྡུ་མི་སྣ་སྐྱེལ་མའི་ཚོགས་འདུ་མཚོ་བྱང་ཁུལ་འཇོན་མིའི་ལས་ཤག་ཏུ་འཚོགས་པ་དང་། དེས་ཆེད་དོན་རྒྱུགས་འཕྲོད་ལས་བསྡུ་བྱས་པའི་མཚོ་བྱང་གི་མཐོ་སློབ་མཐར་ཕྱིན་སློབ་མ10ཧྲན་ཏུང་དུ་འགན་འཁྲི་སྒྲུབ་པར་སྐྱོད་གྲབས་ཡོད་པ་མཚོན་ཅིང་། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་གསར་དུ་ལས་བསྡུ་བྱས་པའི་མི་སྣར་སྐྱེལ་མ་བྱས་པར་མ་ཟད་རེ་བ་ནན་མོ་བཏོན།

ཤ་བོ་སྐྱབས་ཀྱིས་སྐྱེལ་མ་གནང་སྐབས་བསྟན་དོན། ཧྲན་ཏུང་གིས་ཆེད་དོན་ལས་དོན་སྡེ་ཁག་གི་ལས་གནས་མཁོ་འདོན་བྱས་ཏེ་མཚོ་བྱང་གི་མཐོ་སློབ་མཐར་ཕྱིན་སློབ་མ་ལས་བསྡུ་བྱས་པ་དེ་ནི་ཏང་ཀྲུང་དབྱང་གི་ས་ཁོངས་མཐུན་སྦྱོར་འཕེལ་རྒྱས་ཀྱི་འཐབ་ཇུས་དོན་འཁྱོལ་གཏིང་ཟབ་བྱེད་པའི་གསོན་ཉམས་དོད་པའི་ལག་ལེན་ཞིག་ཡིན་པར་མ་ཟད། ལྷག་པར་དུ"རྨ་ཆུའི་བཞུར་རྒྱུན་གཅིག་ལ་གནས། ཧྲན་ཏུང་མཚོ་སྔོན་བརྩེ་སེམས་ཟབ་མོ་ཡི"མཛའ་མཐུན་གྱི་རྣམ་པ་ཞིག་ཀྱང་ཡིན། ལེ་དབར་སྟོང་ཕྲག་བརྒལ་བའི་མཉམ་ལས་འདིའི་མཚོ་བྱང་གི་གཞོན་ནུ་ཚོར་འཚར་ལོངས་དང་འཇོན་ཐང་ཅན་དུ་འགྱུར་བའི་སྟེགས་བུ་གལ་ཆེན་ཞིག་བསྐྲུན་ཡོད།

ཤ་བོ་སྐྱབས་ཀྱིས་གཞོན་ནུ་ལས་བྱེད་པར"མདེལ་གཉིས་སྐར་གཅིག"གི་སྙིང་སྟོབས་ནང་འདུས་པའི་རྒྱལ་གཅེས་སྐྱེས་འབུལ་དང་རང་སྟོབས་རང་སྤེལ། དཀའ་སྤྱད་འབད་འཐབ་བཅས་ཀྱི་གཤིས་རྒྱུད་རྩ་ཆེན་ལ་གོ་བ་ཟབ་མོ་ལེན་པ་དང་དང་རྒྱུན་འཛིན་དར་སྤེལ་གཏོང་དགོས། དུས་དང་རྣམ་པ་ཀུན་ཏུ"མཚོ་བྱང་ལ་མཁོ་བ། ཧྲན་ཏུང་གིས་སྒྲུབ་ཐུབ་པའི"རོགས་ལས་ཀྱི་འདུ་ཤེས་བློ་ལ་བརྟན་པོར་ངེས་དགོས་པའི་སྐུལ་ལྕག་གནང་། ལས་གནས་གསར་པའི་ཐོག། སེམས་རྣལ་དུ་ཕབ་ནས"ངེས་པར་དུ་སྦྱོང་དགོས་པའི་སློབ་ཚན་བཞི"ཡག་པོ་སྦྱོང་དགོས་པ་སྟེ། གཅིག་ནི་ཕུགས་བསམ་དང་དད་སེམས་བརྟན་དུ་བཏང་ནས་མི་སྒེར་གྱི་ཕུགས་བསམ་དེ་ས་གནས་གཉིས་ཀྱི་འཕེལ་རྒྱས་ཀྱི་སྤྱི་ཡོངས་ནང་མཉམ་འདྲེས་ཐུབ་པ་བྱེད་དགོས་པ་དང་། གཉིས་ནི་དམིགས་ཡུལ་གྱི་འདུ་ཤེས་ཟབ་ཏུ་བཏང་ནས་ཐོག་མཐའ་བར་གསུམ་དུ་མང་ཚོགས་ལ་ཞབས་འདེགས་ཞུ་བ་དང་རོགས་ལས་ལ་སྐུལ་འདེད་གཏོང་རྒྱུ་དེ་རང་འཁྲིའི་ལས་འགན་དུ་བརྩི་དགོས་པ། གསུམ་ནི་བློ་རྩེ་གཅིག་སྒྲིམ་གྱི་ནུས་པ་ཆེ་རུ་བཏང་ནས་ལས་གནས་ཀྱི་དགོས་མཁོ་གང་མགྱོགས་དང་འོས་འཚམ་བྱས་ཏེ་ཉམས་སད་ཐེག་ཐུབ་པའི་འཇོན་ཐང་སྦྱོང་དགོས། བཞི་ནས་སྤྱོད་གཙང་རང་གཅུན་གྱི་མཐའ་ཚད་ནན་མོ་སྲུང་ནས་གཞོན་ནུ་ལས་བྱེད་པའི་སྤྱོད་གཙང་རང་བཞིན་ནམ་ཡང་རྒྱུན་འཁྱོངས་བྱེད་དགོས་ཟེར།

ཤ་བོ་སྐྱབས་ཀྱིས་གསར་དུ་ལས་བསྡུ་བྱས་པའི་གཞོན་ནུ་ལས་བྱེད་པ་རྣམས་ལས་གནས་ཐོག་འགན་འཁྲི་སྒྲུབ་མཁན་བྱང་ཆུབ་པ་ཞིག་ཏུ་གྱུར་ཏེ་ཆེད་ལས་ནུས་པར་བརྟེན་ནས་ཧྲན་ཏུང་འཕེལ་རྒྱས་ཆེད་སྟོབས་ཤུགས་ལེགས་སྐྱེས་སུ་དབུལ་དགོས་པར་མ་ཟད། ལྷག་ཏུ་རང་འགུལ་ངང་མཚོ་བྱང་རིག་གནས་བརྒྱུད་སྒྲོག་བྱེད་མཁན་ཡག་པོ་ཞིག་བྱས་ཏེ་མཚོ་བྱང་གི་གཏམ་རྒྱུད་ཡག་པོ་ཤོད་པ་དང་། མཚོ་བྱང་གི་སྐད་སྒྲ་བརྒྱུད་སྤྲོད་བྱེད་པ་དང་། ཆབས་ཅིག་ས་གནས་གཉིས་ཀྱི་ལས་ཞུགས་མཉམ་ལས་ལ་སྐུལ་འདེད་གཏོང་བའི་འབྲེལ་གཏུག་པ་ཡག་པོ་ཞིག་བྱས་ཏེ་ཧྲན་ཏུང་དང་མཚོ་སྔོན་གཉིས་ཀྱི་མཉམ་ལས་གཏིང་ཟབ་ཏུ་གཏོང་ཆེད་དེ་བས་སྲ་བརྟན་གྱི་ཟམ་པ་འཛུགས་རྒྱུའི་རེ་བ་ཡོད་ཟེར།

ལས་བསྡུ་གསར་པའི་མི་སྣས་མགྲིན་གཅིག་ཏུ་བཤད་རྒྱུར། མ་འོངས་པའི་བྱ་བའི་ཁྲོད་ཐོབ་དཀའ་བའི་གོ་སྐབས་དེར་གཅེས་སྤྲས་ཆེན་པོ་བྱེད་པ་དང་སྔར་ལས་བརྟན་པོའི་ཧུར་བརྩོན་གྱི་གི་བློ་སྟོབས་དང་འབད་བརྩོན་གྱི་རྣམ་འགྱུར་ཐོག་བྱ་བའི་ལས་ཁུངས་འཕེལ་རྒྱས་གཏོང་ཆེད་རང་ཉིད་ཀྱི་བློ་གྲོས་དང་སྟོབས་ཤུགས་ལེགས་སྐྱེས་སུ་འབུལ་རྒྱུ་དང་། བྱ་སྤྱོད་དངོས་ལ་བརྟེན་ནས་ནུས་པ་དང་འགན་འཁྲི་མངོན་པར་བྱས་ཏེ་ས་གནས་གཉིས་ཀྱི་བརྗེ་རེས་མཉམ་ལས་ལ་སྔར་ལས་ནུས་པ་གང་ཡོད་འདོན་རྒྱུ་ཡིན་ཟེར།

རྒྱུས་ལོན་བྱུང་བ་ལྟར་ན།《མཚོ་བྱང་ཁུལ་གྱི་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་བྱ་བར་ཁ་གཏད་རོགས་སྐྱོར་བྱ་རྒྱུའི་གྲོས་མཐུན》ལ་མིང་རྟགས་བཀོད་པ་ནས་བཟུང་། ཧྲན་ཏུང་ཞིང་ཆེན་མི་ཤུགས་དང་སྤྱི་ཚོགས་འགན་སྲུང་ཐིན་གྱིས་ལས་ཞུགས་ལས་གཏོད་དང་སྤྱི་ཚོགས་འགན་སྲུང་། འཇོན་མིའི་རིག་ནུས། ངལ་རྩོལ་འབྲེལ་བ། སྤྱི་པའི་ཞབས་ཞུ་བཅས་ཕྱོགས་ལྔའི་ཐད་ཞིབ་ཕྲའི་བྱེད་ཐབས14བཏོན་ནས་ཁ་གཏད་རོགས་སྐྱོར་བྱ་བ་གཏིང་ཟབ་དང་ཏན་ཏིག་ཡོང་བར་སྐུལ་འདེད་བཏང་། 2025ལོར་ཧྲན་ཏུང་ཞིང་ཆེན་གྱིས2024ལོར་ལས་དོན་ལས་ཁུངས10ཡི་ལས་གནས་མཁོ་འདོན་བྱས་པའི་རྨང་གཞིའི་ཐོག་ལས་གནས15མང་དུ་བཏང་ནས་མཚོ་བྱང་ཁུལ་གྱི་མཐོ་སློབ་མཐར་ཕྱིན་སློབ་མའི་ལས་ཞུགས་གནད་དོན་ཐག་གཅོད་ནུས་ལྡན་བྱས་པ་རེད། ཐེངས་འདིའི་ལས་བསྡུའི་ཐད་རྒྱུགས་ལེན་བྱ་ཐབས་སྤྱད་དེ་ལས་བསྡུ་མི་སྣས་དྲ་ཐོག་ནས་མིང་ཐོ་འགོད་དང་ཐོབ་ཐང་ཞིབ་བཤེར། ཡིག་རྒྱུགས། ངོ་རྒྱུགས། ལུས་ཕུང་ཞིབ་བཤེར། ཆབ་སྲིད་ཞིབ་བཤེར་སོགས་ཚད་ལྡན་གྱི་བརྒྱུད་རིམ་བརྒྱུད་རྒྱུགས་ལེན་ལས་བསྡུ་ལས་གནས་སུ་ཞུགས།

ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིན་གྱི་ལས་དོན་ལས་ཁུངས་ཀྱི་མི་དོན་དོ་དམ་ཁྲུའུ། ཁུལ་ཨུའི་རྩ་འཛུགས་པུའུ། ཁུལ་མི་ཤུགས་ཐུན་ཁུངས་དང་སྤྱི་ཚོགས་འགན་སྲུང་ཅུས་ཀྱི་འགན་འཁུར་བློ་མཐུན། ཧྲན་ཏུང་ཞིང་ཆེན་ལས་དོན་ལས་ཁུངས་སུ་ལས་ཞུགས་བྱེད་པར་བསྐྱོད་པའི་མཚོ་བྱང་གི་མཐོ་སློབ་མཐར་ཕྱིན་སློབ་མ་དང་དེའི་གཉེན་ཉེ་ཚོགས་འདུར་ཞུགས།