རྐང་ཚ་རྫོང་གི་ལམ་སྒྲོན1532རིག་ནུས་རིམ་སྤར་ལེགས་གྲུབ་བྱུང་ནས་ལོ་རེར་གློག་ཏུའུ་ཁྲི42.8གྲོན་ཆུང་བྱེད་པ་མངོན་འགྱུར་བྱུང་།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།

   རྐང་ཚ་རྫོང་གིས་མ་དངུལ་སྒོར་ཁྲི102བཏང་ནས་ལམ་སྒྲོན་རིག་ནུས་ཅན་གྱི་འོད་གསལ་ལས་གཞི་ཁྱོན་ཡོངས་ནས་ལས་ཚར་ལ། གྲོང་ཁུལ་གྱི་ལམ་སྒྲོན1532ལ་རིག་ནུས་ཚོད་འཛིན་ཆས་དང་འོད་འཕྲོ་ཚོར་འདྲེན་ཆས་བསྒྱུར་བཀོད་རིམ་སྤར་ལེགས་གྲུབ་བྱུང་།

   ལས་གཞི་དེས“རིག་ནུས་གློག་སྒྲོན་དང་དགོས་མཁོ་ལྟར་གློག་སྒྲོན་བཀར་བའི”རྣམ་པ་སྤྱད་དེ། རྫོང་ཁུལ་གྱི་གཞུང་ལམ་གཙོ་བོ9དང་དེ་བཞིན་སློབ་གྲྭ་དང་སྨན་ཁང་ཉེ་འཁོར་གྱི་ལམ་སྒྲོན་ལ་རིག་ནུས་ཅན་གྱི་དོ་དམ་ཚོད་འཛིན་མངོན་འགྱུར་བྱུང་ནས། དུས་ཚིགས་དང་གནམ་གཤིས་ཀྱི་འགྱུར་ལྡོག་ལ་གཞིགས་ནས་དུས་ལྟར་འོད་ཀྱི་གསལ་ཚད་ལྟར་རང་འགུལ་ངང་བཀར་བ་དང་གཟིམ་པར་ཚོད་འཛིན་བཅས་བྱེད་ཐུབ་ཅིང་། ཞོགས་པ་དང་དགོང་མོའི་མཐོ་རླབས་དུས་མཚམས་སུ་གློག་སྒྲོན་བཀར་བའི་དུས་ཡུན་དེ་གྲོང་མིའི་འགྲོ་སྐྱོད་ཀྱི་དགོས་མཁོ་ལྟར་བཀོད་སྒྲིག་བྱས་ཡོད་པ་ལས་མིས་ཐེ་གཏོགས་ཅི་ཡང་བྱེད་མི་དགོས་པར་དུས་ལྟར་གློག་བཀར་ཚད100%ཡི་ཡང་དག་ཚད་ལ་སླེབས་ཡོད། དེ་དང་ཆབས་ཅིག གྲོང་ཁྱེར་དོ་དམ་གྱི་གློག་སྒྲོན་རྒྱང་ཚོར་ལྟ་སྐུལ་ཚོད་འཛིན་སྟེགས་བུ་བཙུགས་ནས་ལམ་སྒྲོན་བཀར་ཚུལ་དང་ནུས་རྒྱུ་ཟད་གྲོན་གྲངས། ཆག་སྐྱོན་ཉེན་བརྡའི་ཆ་འཕྲིན་བཅས་དུས་ཐོག་ཏུ་འཆར་ཐུབ། མིག་སྔར་ཆག་སྐྱོན་བྱུང་བའི་གློག་སྒྲོན6མགྱོགས་མྱུར་སྒོས་ཐག་གཅོད་བྱས་ཤིང་། ཆག་སྐྱོན་ཞིག་གསོ་བྱེད་པའི་དུས་ཡུན་ཆུ་ཚོད2བར་ཐུང་དུ་བཏང་ནས་མིས་བཟོས་སྐོར་ཞིབ་ཀྱི་ལས་ཕྱོད་དམའ་བ་དང་འགྲོ་གྲོན་མཐོ་བའི་གནད་དོན་ཐག་གཅོད་ནུས་ལྡན་བྱས་ཡོད། འཁོར་སྐྱོད་བྱས་པའི་ཟླ་གཅིག་རིང་། སྔོན་གྲོང་ཁུལ་དུ་ཁྱོན་ཆུ་ཚོད་ཁྲི3.57ལ་ཕན་འབྲས་མེད་པར་གློག་སྒྲོན་ཆུད་ཟོས་བཏང་བ་ཉུང་དུ་བཏང་ལ། དེ་སྒྱུར་བཀོད་མ་བྱས་པའི་སྔོན་དང་བསྡུར་ན་ནུས་རྒྱུ་ཟད་གྲོན18%ཀྱི་ཇེ་དམའ་རུ་ཕྱིན་ཡོད་ཅིང་། སྔོན་དཔག་བྱས་ན་ལོ་རེར་གློག་སྟོང་ཝ་ཁྲི42.8ལྷག་ཙམ་གྲོན་ཆུང་ཐུབ་པ་དང་གློག་རིན་སྒོར་ཁྲི24གྲོན་ཆུང་ཐུབ་ཡོད།