མཚོ་བྱང་གི་སྦྲང་མའི་ཐོན་རྫས་ཞང་ཀང་སྨན་རྫས་ཚོང་ཁང་དུ་ཐོན་ཡོད།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། ཚེ་བརྟན་བཀྲ་ཤིས།

    ཟླ11པའི་ཚེས19ཉིན། གསར་འགོད་པས་མཚོ་བྱང་བོད་རིགས་རང་སྐྱོང་ཁུལ་སྲིད་གཞུང་གཞུང་ལས་ཁང་ནས་ཤེས་རྟོགས་བྱུང་བར། འཇུ་ལག་ཧུའེ་རིགས་རང་སྐྱོང་རྫོང་གིས་ཐོན་སྐྱེད་བྱས་པའི་རིན་ཐང་སྒོར་ཁྲི22.57ཟིན་པའི་སྦྲང་རྩིའི་ཐོན་རྫས་ཤེལ་དམ1050ཞང་ཀང་གི་སྨན་ཚོང་ཁང20ནང་དུ་དངོས་སུ་ཕྱིར་གཏོང་བྱས་ཡོད་པ་རེད།

   "རྒྱལ་ཡོངས་ཀྱི་སྤུས་ལེགས་སྦྲང་རྩིའི་འབྱུང་ཁུངས་རྟེན་གཞིའི"ལྟེ་བའི་འཐུས་ཚབ་བམ་འཇུ་ལག་སྦྲང་མའི་ཐོན་རྫས་དེ"གོ་ལ་ཧྲིལ་པོའི་ཆེས་མཛེས་སྡུག་ལྡན་པའི་མེ་ཏོག་རྒྱ་མཚོ་ཆེན་པོ་བཅུའི"སྐྱེ་ཁམས་ལྷན་ནུས་ལ་བརྟེན་ནས་ས་བབ་མཐོ་བ་དང་ཉི་འོད་ཡུན་རིང་ཕོག་པ། སྦགས་བཙོག་མེད་པའི་ཁོར་ཡུག་ཁྲོད་ཐོན་པ་ཞིག་རེད། དེའི་ལྟེ་བའི་ཐོན་རྫས་འཇུ་ལག་ལོག་དཀར་མེ་ཏོག་ལ་སྤོས་ཤེལ་མདོག་མངོན་པ་དང་དྭངས་ཤིང་གསལ་བ། སིང་ཕྱེ་རྩབས་ཀྱི་རིན་ཐང་བརྒྱ་ཆའི29.4ཟིན་པས། རྒྱལ་ཁབ་ཀྱི་ཚད་གཞི་ལས་ལྡབ་ལྔ་ཡན་བརྒལ་བ་དང་། རྒུན་འབྲུམ་མངར་ཆའི་འདུས་ཚད་བརྒྱ་ཆའི30ལས་བརྒལ་བ། སིལ་ཏོག་མངར་ཆས་སྔར་ཡོད་མངར་ཆའི་བསྡུར་ཚད་བརྒྱ་ཆའི50ཡན་ཟིན་པ། ཚིལ་མི་འདུས་པར་མ་ཟད་འཚོ་བཅུད་དང་སྐྱེ་ལྡན་སྐྱུར་མང་པོ་འདུས་པས"འཚོ་བཅུད་ཕུན་སུམ་ཚོགས་པའི་རང་བྱུང་ཟས་རིགས"ཞེས་པའི་མཚན་སྙན་ཐོབ་ཡོད། ཐེངས་འདིར་ཞང་ཀང་ལ་ཐོ་འགོད་བྱས་པའི་ཐོན་རྫས་ལ་སྦྲང་རྩི་དང་ཧྥིན་ཝང་ཅང་། སྦྲང་མའི་ཐོན་རྫས་ཀྱི་རྒྱུན་མཁོ་དངོས་རྫས་སོགས་རིགས་ཆེན་པོ་གསུམ་གྱི་དངོས་རྫས60ལྷག་འདུས།

   མདོ་ལ་རིང་མོའི་མེ་ཏོག་རྒྱ་མཚོ་ནས་ཞང་ཀང་སྨན་རྫས་ཚོང་ཁང་བར་ཐོན་པའི་ཐོན་རྫས་འདིས"རྨ་ཆུའི་ཐོན་རྫས་གྲགས་ཅན"གྱི་ཆས་རྟགས་སྟོབས་ཤུགས་ལ་བརྟེན་ནས་ཞང་ཀང་གི་གྲོང་མིར་མཚོ་བོད་མཐོ་སྒང་གི་དྭངས་གཙང་གསོ་བཅུད་ལོངས་སུ་སྤྱོད་ཐུབ་པར་བྱས་ཏེ། ས་གནས་གཉིས་ཀྱི་དཔལ་འབྱོར་ཚོང་དོན་དང་བདེ་ཐང་འཛད་སྤྱོད་ལ་སྐྱིད་སྣང་དོད་པའི་འབྲེལ་ཟམ་བསྐྲུན་ཡོད།