ཀྲང་ཆི་ཧྥེང་སྐྱིད་སྨོན་ཡུལ་ཚོ་དང་འོམ་ཆུ་གྲོང་རྡལ་དུ་བསྐྱོད་དེ་གཙོ་གནད་ལས་དོན་ལ་བརྟག་ཞིབ་གནང་།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། ཚེ་བརྟན་བཀྲ་ཤིས།

    ཟླ11པའི་ཚེས24ནས་ཚེས25བར།རྫོང་ཨུའི་ཧྲུའུ་ཅི་གཞོན་པ།རྫོང་དཔོན་ཀྲང་ཆི་ཧྥེང་སྐྱིད་སྨོན་ཡུལ་ཚོའི་ནོར་གནག་གསོ་སྤེལ་རྟེན་གཞི་དང་དུས་རབས་གསར་བའི་དཔལ་ཡོན་ལག་ལེན་ས་ཚིགས།མཐོ་སྒང་གསོ་རླུང་ཁང་།ཐོན་ལས་ལག་ལེན་སྦྱོང་བརྡར་རྟེན་གཞི།མཁར་གྲོང་སྐོར་ལམ་འཛུགས་སྐྲུན་རྣམ་གྲངས། འོམ་ཆུ་གྲོང་རྡལ་ཆུ་འདམ་མ་ནོར་གནག་གསོ་སྤེལ་རྟེན་གཞི། གསེར་གྲགས་མཉམ་ལས་ཁང་།མཚོ་སྔོན་རོན་མེན་ཞིང་ཕྱུགས་ཚན་རྩལ་ཚད་ཡོད་ཀུང་སི་སོགས་སུ་བསྐྱོད་དེ་གྲང་གསེབ་དར་སྤེལ་དང་།ཐོན་ལས་འཕེལ་རྒྱས།རྣམ་གྲངས་འཛུགས་སྐྲུན་སོགས་ཀྱི་ལས་དོན་ལ་བརྟག་ཞིབ་དང་ལྟ་སྐུལ་གནང་།རྫོང་ཨུའི་ཧྲུའུ་ཅི་གཞོན་པ། རྫོང་སྲིད་གཞུང་གི་རྫོང་དཔོན་གཞོན་པ་མེང་ཡོན་ཁྲོ་དང་།རྫོང་སྤྱི་ཁྱབ་བཟོ་ཚོགས། རྫོང་འཕེལ་རྒྱས་བཅོས་སྒྱུར་བཟོ་ལས་ཆ་འཕྲིན་ཅན་དང་ཚོང་དོན་ཅུ། རྫོང་ཞིང་ཕྱུགས་ཆུ་བེད་དང་ཚན་རྩལ་ཅུ། འོམ་ཆུ་གྲོང་རྡལ། སྐྱིད་སྨོན་ཡུལ་ཚོ་བཅས་ཀྱི་འགན་འཁུར་བློ་མཐུན་སྔ་རྗེས་སུ་བརྟག་ཞིབ་ཏུ་ཟབ་ཞུགས་བྱས།

    ཀྲང་ཆི་ཧྥེང་གིས་བསྟན་དོན།གཅིག་ནི་ཞིང་ལས་བདག་གཉེར་པས་ཞིང་བདག་སྣེ་ཁྲིད་བྱ་རྒྱུར་ལྟེ་བར་འཛིན་རྒྱུ་མཐའ་འཁྱོངས་བྱས་ནས།གྲོང་གསེབ་དར་སྤེལ་གྱི་གནད་དོན་ལེགས་བཅོས་བྱེད་རྒྱུ་མུ་མཐུད་དུ་གཏིང་ཟབ་ཏུ་བཏང་སྟེ།གྲོང་ཚོའི་ཐུན་མོང་གི“མ་དངུལ་གསུམ”ལ་ལྟ་སྐུལ་དང་དོ་དམ་བྱེད་ཤུགས་ཆེ་རུ་གཏོང་བ་དང་གྲོང་ཚོའི་ཐུན་མོང་གི“ཁྱིམ་ཚང་རྨང་གཞི”དང“རྒྱུ་ནོར་གསོག་འཇོག”ལ་སྲུང་སྐྱོབ་ཡག་པོ་བྱེད་དགོས།དེ་དང་ཆབས་ཅིག་ཏུ་གྲོང་ཚོའི་ཐུན་མོང་གི་ཐོན་ལས་འཕེལ་རྒྱས་ཀྱི་ཉམས་ཞན་ལ་དམིགས་ཏེ། རྨང་གཞི་སྲ་བརྟན་དང་ཞན་ཆ་ཁ་གསབ།ཐོན་ལས་དར་སྤེལ་དང་འཕེལ་རྒྱས་སྐུལ་སྤེལ།ཕྱོགས་མང་པོ་ནས་ནུས་ཤུགས་འདོན་པ་དང་གནད་འཁེལ་ཐབས་ཇུས་ལག་བསྟར་བྱེད་པ་བཅས་བྱས་ཏེ།མང་ཚོགས་ཀྱིས་ཐོན་ལས་འཕེལ་རྒྱས་ཁྲོད་ཁེ་བཟང་རེག་ཐུབ་པ་བྱས་ནས།གྲོང་གསེབ་དར་སྤེལ་གྱི་རྨང་གཞི་བརྟན་པོའི་ངང་སྲ་བརྟན་དུ་གཏོང་དགོས།གཉིས་ནི་རྫོང་འཕེལ་རྒྱས་བཅོས་སྒྱུར་བཟོ་ལས་ཆ་འཕྲིན་སྡེ་ཁག་གིས་རང་འགུལ་ངང་ཁུར་ཏུ་བླངས་ནས་སྒྲིག་སྲོལ་ཐོག་ཁེ་ལས་གསོ་སྐྱོང་བྱ་རྒྱུ་དེ་གཙིགས་ཆེན་དུ་བརྩིས་ཏེ།“ཁེ་ལས་ཁྱིམ་མིའི”འདུ་ཤེས་རྒྱུན་འཁྱོངས་བྱས་ནས་ཚོང་གཉེར་གྱི་ཁོར་ཡུག་ཇེ་ལེགས་སུ་གཏོང་བ་དང་།རྒྱུན་ལྡན་ཅན་གྱི་ཞབས་ཞུའི་ལམ་སྲོལ་འཐུས་ཚང་དུ་གཏོང་བ།ཁེ་ལས་འཕེལ་རྒྱས་ཀྱི་དགོས་མཁོ་གནད་ལ་འཁེལ་བའི་སྒོ་ནས་སྦྲེལ་མཐུད་བྱེད་པ།དེར་བསྟུན་ཐོན་སྐྱེད་གཉེར་སྐྱོང་ཁྲོད་ཀྱི་དཀའ་ངལ་དང་འགག་གནད།གནད་དོན་དུས་ཐོག་ཏུ་ཐག་གཅོད་བྱས་ཤིང་།ཁེ་ལས་རྒྱ་བསྐྱེད་གཏོང་བར་རོགས་རམ་བྱས་ཏེ།རྫོང་མངའ་ཁོངས་ཀྱི་དཔལ་འབྱོར་འཕེལ་རྒྱས་ལ་གསོན་ཤུགས་བསྩལ་དགོས།གསུམ་ནི་རྫོང་སྤྱི་ཁྱབ་བཟོ་ཚོགས་ཀྱིས་སྐྱིད་སྨོན་ཡུལ་ཚོའི་བྱེད་སྟངས་གཞིར་བཟུང་སྟེ།ལས་བྱེད་པའི་ལས་དོན་གྱི་འཚོ་བའི་དོན་དངོས་དང་ཟུང་འབྲེལ་བྱས་ཤིང་།ཚེ་ཐར་དོ་དམ་ཨུ་ཡོན་ལྷན་ཁང་སོགས་ས་ཁོངས་སུ་གསོ་རླུང་ཁང་སྒྲིག་བཀོད་ཇེ་མང་དུ་གཏོང་རྒྱུའི་འཆར་འགོད་བྱས་པ་དང་།ལས་བྱེད་པར་གསོ་རླུང་ངལ་གསོ་ཞབས་ཞུ་སྟབས་བདེ་མཁོ་འདོན་བྱས་ཏེ་ས་བབ་མཐོ་སར་ལས་ཀ་བསྒྲུབ་སྐབས་ལུས་སེམས་གནོན་ཤུགས་མེད་པར་གཏོང་བ་དང་།ལས་བྱེད་པའི་ལས་གཏོད་ལ་ཧུར་བརྩོན་རང་བཞིན་དང་རང་འགུལ་རང་བཞིན་སྔར་ལས་སྐུལ་སློང་བྱ་དགོས།བཞི་ནི་ཡུལ་ཚོ་དང་གྲོང་རྡལ་ཁག་གིས་ཐོག་མཐའ་བར་གསུམ་དུ་མང་ཚོགས་ཀྱི་དཀའ་ངལ་དང་སེམས་ཁྲལ་གྱི་གནད་དོན་ལ་དམིགས་ནས།ཞིང་འབྲོག་ཁུལ་གྱི་ཕྱོགས་བསྡུས་ལེགས་བཅོས་སོགས་དམངས་ཕན་རྣམ་གྲངས་ལ་ཧུར་ཐག་གིས་བརྩོན་ལེན་བྱས་ཏེ།རྨང་གཞིའི་སྒྲིག་བཀོད་འཐུས་ཚང་དང་སྤྱི་པའི་ཞབས་ཞུ་མཐོར་འདེགས་སོགས་འགག་རྩའི་ཁྱབ་ཁོངས་ལ་གཟས་ནས། དམངས་ཚིས་ཨར་ལས་ཁག་གནད་ལ་འཁེལ་བའི་སྒོས་འཆར་འགོད་ལག་བསྟར་བྱེད་པ་དང་།མང་ཚོགས་ཀྱི་ཐོན་སྐྱེད་དང་འཚོ་བའི་ཁྲོད་འཕྲད་པའི་དཀའ་ངལ་དངོས་ལ་ཐག་གཅོད་ཏན་ཏིག་བྱས་ཏེ།མང་ཚོགས་ལ་བདེ་སྐྱིད་ཀྱི་འཚོ་བ་དང་བདེ་འཇགས་ཀྱི་ཚོར་བ་རྒྱུན་ཆད་མེད་པར་སྔར་ལས་མཐོར་འདེགས་སུ་གཏོང་དགོས།