རྐང་ཚ་རྫོང་གིས་རྒྱ་བོད་སྐད་གཉིས་འགུལ་རིས་ཀྱི་རྣམ་པའི་ཐོག་ལྗང་མདོག་སྐྱེ་ལྡན་ཞིང་ལས་ཐོན་རྫས་ཀྱི་ཤེས་བྱ་ཁྱབ་གདལ་དུ་བཏང་།

རྩོམ་སྒྲིག་པ། ལྷ་ཆེན་རྡོ་རྗེ། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། ཚེ་བརྟན་བཀྲ་ཤིས།

      ཞིང་ཆེན་ཡོངས་ཀྱི“ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱེད་གནས”བསྐྲུན་པའི་བཀོད་སྒྲིག་བླང་བྱ་ལག་བསྟར་གཏིང་ཟབ་བྱ་ཆེད།མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་གིས་ས་གནས་དེ་གའི་སྐྱེ་ཁམས་འབྲོག་ལས་གསོ་སྤེལ་མཐུན་ཚོགས་ལ་བརྟེན་ནས།ད་ལོར་རྒྱ་བོད་སྐད་གཉིས་ཀྱིGMཚན་རིག་ཁྱབ་གདལ་འགུལ་རིས་ལེའུ3ཅན་ཞིབ་ཚགས་ཀྱིས་སྒྲིག་བཟོ་་བྱས་པ་དང་།རྫོང་ཡོངས་ཀྱི་ལྗང་མདོག་སྐྱེ་ལྡན་ནོར་ལུག་གསོ་སྤེལ་ཁྱིམ་ཚང་ལ་གནད་ལ་འཁེལ་བའི་སྒོས་སྐུལ་འདེད་བཏང་ཞིང་།ལྗང་མདོག་སྐྱེ་ལྡན་ཚད་ལྡན་ཅན་གྱི་གསོ་སྤེལ་ལག་རྩལ“ལག་མཐིལ་གྱི་རི་མོ”བཞིན་གསར་བོར་མངོན་ཡོང་བར་བྱས་ཏེ།གསོ་སྤེལ་ཁྱིམ་ཚང་ཚད་ལྡན་ཅན་གྱི་ཐོན་སྐྱེད་འདུ་ཤེས་མཐོར་འདེགས་སུ་བཏང་། 

         འགུལ་རིས་ཀྱིས་རྐང་ཚའི་ནོར་གནག་དང་འབྲོག་ལུག་གསོ་སྤེལ་ཐོན་སྐྱེད་དོ་དམ་དངོས་དམིགས་ཏེ།རིམས་ནད་སྔོན་འགོག་ཚོད་འཛིན་དང་།རྗེས་འདེད་མ་ལག རྩྭ་ཕྱུགས་དོ་མཉམ།སྤུས་ལེགས་ཐོན་རྫས་སོགས་འགག་རྩའི་གནས་བབས་དང་བསྟུན་པ་དང་།ལྗང་མདོག་སྐྱེ་ལྡན་ཞིང་འབྲོག་ཐོན་རྫས་ཚད་ལྡན་ཅན་གསོ་སྤེལ་གྱི་གཞི་རྩའི་ཞིང་ལས་ལག་རྩལ་དོ་དམ་གྱི་ཤེས་བྱ་ཁག10སྦྱོར་བརྡར་བྱས་ཏེ།གསོ་སྤེལ་ཁྱིམ་ཚང་གིས“བལྟས་མ་ཐག་རྟོགས་པ་དང་།སྦྱངས་མ་ཐག་ཤེས་པར”ཁག་ཐེག་བྱས་ཡོད། འགུལ་རིས་ལ“རྒྱ་བོད་སྐད་གཉིས”ཀྱི་རྣམ་པ་སྤྱད་ཅིང་།ལེའུ་རེར་སྐར་མ3ཡས་མས་ཡོད།རི་མོ་གསོན་ཉམས་ལྡན་ཞིང་བརྗོད་དོན་གོ་སླ་བས། མང་ཚོགས་ཀྱིས་སྐད་འཕྲིན་ཚོམས་དང་།འཕྲིན་སྟེགས།བརྙན་འཕྲིན་སོགས་སུ་དུས་དང་རྣམ་པ་ཀུན་ཏུ་བལྟ་ཐུབ།མིག་སྔའི་བར་ཚན་རིག་ཁྱབ་གདལ་གྱི་འགུལ་རིས་རྫོང་ཡོངས་ཀྱི་ཡུལ་ཚོ་དང་གྲོང་རྡལ5དང་།སྲིད་འཛིན་སྡེ་བ25 ནོར་ལུག་གསོ་སྤེལ་ཆེད་ལས་མཉམ་ལས་ཁང（གཞིས་ཁྱིམ་ཕྱུགས་ར）25བཅས་ལ་ཁྱབ་ཡོད་པ་རེད།སྡོམ་རྩིས་ལྟར་ན་མི6000ལྷག་ཙམ་གྱིས་ཚན་རིག་ཁྱབ་གདལ་འགུལ་རིས་དེར་བལྟས་ནས་ལྗང་མདོག་སྐྱེ་ལྡན་གསོ་སྤེལ་ཚད་ལྡན་ཅན་གྱི་ཐོན་སྐྱེད་འདུ་ཤེས་མངོན་འགྱུར་བྱེད་པར་སེམས་སུ་འཇགས་ཡོད། 

        ཐེངས་རྗེས་མར།རྐང་ཚ་རྫོང་གིས་ལྗང་མདོག་སྐྱེ་ལྡན་ཚད་ལྡན་ཅན་གྱི་ལག་རྩལ་ཁྱབ་སྤེལ་གསོ་སྦྱོང་དེ“ཤེས་པ”ནས“སྤྱོད་པ”རུ་བསྒྱུར་བར་སྐུལ་འདེད་བཏང་སྟེ།ཚན་རིག་ཁྱབ་གདལ་དྲིལ་བསྒྲགས་ལ་ཤུགས་སྣོན་རྒྱག་པ་དང་སྤུས་ལེགས་ཚོང་རྟགས་ཞིང་ལས་གསོ་སྐྱོང་བྱ་རྒྱུ་ནི་གཞི་འཛིན་ས་གཙོ་བོ་དང་དོ་དམ་འདུ་ཤེས་སུ་བཟུང་སྟེ།ལྗང་མདོག་སྐྱེ་ལྡན་ཞིང་ལས་ཐོན་རྫས་ཀྱི་སྤུས་ཚད་དཔང་འདོན་མ་ལག་དོ་དམ་ལ་སྐུལ་འདེད་ཧུར་ཐག་བཏང་ནས།སྐབས་རྗེས་མ་རྐང་ཚ་རྫོང་གི“རྒྱལ་ཡོངས་སྐྱེ་ལྡན་ཞིང་ལས་ཐོན་རྫས་རྟེན་གཞིའི”རེ་ཞུ་དཔང་འདོན་གྱི་དོ་དམ་ལས་དོན་བདེ་བླག་ངང་སྐུལ་འདེད་གཏོང་བར་རོགས་འདེགས་བྱས་ཡོད།